AMOS 1:6 - Bawm Common Language Bible Version

⁶ LALPA nih, “Gaza mi tla chu an sual nûnah an sual nawlh le, churuang chun annih tla chu ka rêp nget na awt. Phun zawzawng an put na le, Edom mi tla sinah sal ah an zuar na.

AMOS 1:6 ပူးပေါင်းရင်းမြစ်များ

2 CHRONICLES 28:18

Chu liau chun Philistia mi tla nih thlanglei tlâng bul ah khuapi tla leh simlei Juda ram tla an rûn. Beth Semes, Aijalon, Gederoth leh Soko khuapi tla, Timnah leh Gimzo khuapi leh a kiangkam ah mi khua tla an lâk le, chunah chun bir tak hen an um.

JEREMIA 47:1

Aigupta lal nih Gaza a do lânah, LALPA nih ka sinah Philistia mi tla thu a sim.

EZEKIEL 35:5

“Nang chu Israel mêlma na si kumza le, a vânduai liauah leh a sual ruangah rêpnâk madung chem liauah a mi tla thahtirtu na si.

JOEL 3:4

Tura, Sidon leh Philistia ram kiangkam mi zawzawng tla, ka lakah zei me ti ding na tum? Thil zeimawh ruangah lehrûl sam ding ma na ka awt? Chu hâwi mi na si chun ka nan rulh sawm lai!

JOEL 3:6

Jerusalem ah mi tla leh Juda mi tla chu na kalpi le, Greek mi tla sinah na zuar na.

AMOS 1:11

LALPA nih, “Edom mi tla chu an sual nûnah an sual nawlh ruangah ka rêp nget na awt. An unau Israel tla an thah na le, an lakah khuaruatnâk an nei lo. An thinthawknâk chu a dawng hen a bâng kho lo.

AMOS 1:3

LALPA nih, “Damaska mi tla chu an sual nûnah an sual nawlh vima le, chubang tla ruangah ka rêp na nget awt. Gilead mi tla chu fâk tak hen an nehsawh na.

AMOS 1:7

Churuangah Gaza khua kulh leh a in kulh tla chu ka duah awt.

AMOS 1:9

LALPA nih, “Tura mi tla chu an sual nûnah an sual nawlh le, churuang chun ka rêp na nget awt. Phun zawzawng Edom ram ah sal ah an put na le, remnâk thu zûl lo hen thil an ti.

OBADIAH 1:11

An kulh kawtkâ mêlma nih an râwk piak ni ah chun an kiangah na dîr lai. Jerusalem neihnâk zawzawng kalpi hen anna ṭhentu ramdang mi tla hen nang khawm nan sual dân â bang cho lai.

ZEKARIA 9:5

Askelon khuapi nih chu chu a muh lai le, a lâu lai. Gaza khuapi khawm nih a muh lai le, fâk tak hen a tuar lai. Churuangah Ekron leh a lungumnâk tla zawzawng chu a râwk ver lai. Gaza nih a lal a thlâu ving lai le, Eskelon chu a karo hen siah asi lai.

THILTI 8:26

Chun, Lalpa vânmifial pakhat nih Philip chu a sawnh le, “Thawk le, simlei Jerusalem thawk hen Gaza khua a tleng mi lampi ah khan kal rawh,” a ti. (Chu lampi chu ramkaro lampi asi.)

1 SAMUEL 6:17

Philistia tla nih chun ngawrnâk ngûn lem panga an sual man rangah an pêk mi chu: Asdod khua rangah pakhat, Gaza khua rang pakhat, Askelon khua rangah pakhat, Gath khua rangah pakhat leh Ekron khua rangah pakhat chiau an kuat.