AMOS 1:5 - Bawm Common Language Bible Version

⁵ Damaska kulh kawt tla chu ka râwk lai le, Aven Kuam ah um mi tla leh Betheden lâirêltu chu ka ṭhial ving awt. Siria mi tla chu Kir ram leiah sal ah put hen an um lai,” a ti.

AMOS 1:5 ပူးပေါင်းရင်းမြစ်များ

2 Lal 14:28

Jeroboam panihnâk nih thil a ti mi zawzawng leh ralṭha tak hen tuknâk lakah Damaska leh Hamat, Israel ram a tawng nawlh mi tla chu Israel tla thâwngthâng rînnâk bu ah rîn asi.

2 Lal 16:9

Tiglath Pileser nih Ahaz ngiarnâk a sâng le, Damaska chu a kawrsen rual hen a va kal le, a do rawh, a lâk le, lal Rezin chu a thah le, a minung tla chu a tleih na le, Kir khua leiah a kalpi na.

ISAI 22:6

Elam ram ah mi kawrsen tla chu rang tlûnah chuan hen an hawng le, chanhtiang leh a thalzum tla anna put. Kir ram ah mi kawrsen tla chu an phaw tla hen tîm chia zet hen an um.

ISAI 43:14

Israel Pathian Thenhlimh, a nan hum natu LALPA nih, “Ruang a nan suah na ding hen Babulon ah kawrsen ka hawng fial lai. Khuapi kulh kawtkâ tla ka chimtir lai le, a minung tla âunâk tla chu ṭapnâk ah â chang lai.

ISAI 8:4

Chu ngâksia chu ‘Ka nu, ka pa,’ a ti kho lânah Damaska neihnâk zawzawng leh Samaria ah an rawk mi thil zawzawng chu Asiria lalchem nih a put hep lai,” a ti.

JEREMIA 50:36

A khuavâng âwkrâwl thusimtu mi â tla rangah thihnâk! A kawrsen, ṭihnungkâi tak si mi tla rangah thihnâk!

JEREMIA 51:30

Babulon kawrsen tla chu râltuk bâng hen, an kulh ah an um ziar rawh. An râlṭhatnâk a tlâu le, nunau hâwi an si rawh. Khuapi kulh kawtkâ tla a chim le, in tla chu mei nih a khangh rawh.

LUNGFÂKNÂK 2:9

A kulh kawtkâ tla chu nâwm nih a silh le, A kalhnâk tluan tla khawm a man ver. Lalchem leh milian tla khawm tu chun sal ah an um ver rawh. Dân sîntirnâk khawm a um lo rawh, Khuavâng tla khawm nih LALPA sinah mi muhnâk an nei lo rawh.

EZEKIEL 27:23

Haran, Kanneh, leh Eden, Seba khuapi sawlehtu, Assur leh Kilmad khuapi tla zawzawng nih na sinah saw an leh.

EZEKIEL 30:17

Heliopolis khuapi ah mi tlangvâl tla leh Bubastis ah mi tla chu râltuknâk ah an thi lai le, midang tla chu sal ah an put na lai.

HOSEA 10:8

Aven tlâng tlûnah Israel mi tla nih milem an sawnhnâk mun khawm râwk asi lai. An mâichâm chu bualingnei leh belh nih a khuh dep lai. Mi tla nih tlâng sâng tla sinah, “Hawng kan thuh! ” an ti lai le, tlâng tênâu sinah, “Hawng kan khuh!” an ti lai.

AMOS 5:5

Bersheba ah sawnh ding hen kal lah. Bethel ah hawng ka tawng ding hen a tum lah-- Bethel chu râwk asi lai, Gilgal khawm ah kal lah-- a minung tla chu sal ah kal ding hen vânduainâk ah an um,” a ti.

AMOS 9:7

LALPA nih, “Israel mi tla, Sudan mi tla chu nanmah hâwi ber hen ka thinlung ah ka ruat na. Aigupta ah mi ka nan kalpi na hâwi hen Philistia tla chu Kret thawk hen ka kalpi na le, Siria mi tla khawm Kir thawk hen ka kalpi na.

NAHUM 3:13

Na kawrsen tla chu nunau hâwi hen an um lai le, na ram tla chu na mêlma lakah vêngtu lo hen an um lai, mei nih na kulh kawtkâ renh tla a khangh hep lai.