AMOS 1:3 - Bawm Common Language Bible Version

³ LALPA nih, “Damaska mi tla chu an sual nûnah an sual nawlh vima le, chubang tla ruangah ka rêp na nget awt. Gilead mi tla chu fâk tak hen an nehsawh na.

AMOS 1:3 ပူးပေါင်းရင်းမြစ်များ

1 Lal 19:17

Hazael nih a thah awt mi ruang a suak mi zawng chu Jehu nih a thah lai. Jehu nih a thah awt mi lakah ruangsuaktu zawng chu Elisa nih a thah lai.

2 Lal 13:3

Churuangah LALPA chu Israel tlûnah a thin a run le, Siria lalchem Hazael leh a fapa Benhadad chu Israel tla neh kumzatu ah a siam.

2 Lal 13:7

Jehoahaz nih rang tlûn chuan mi sâwmnga, kari parâ leh kê hen kal mi kawrsen sîng khat cho lo chu kawrsen râlthuam chia dang a nei lo; a dang zawng chu Siria lalchem nih valeidip hâwi hen a chîl dip le, a veih dep.

2 Lal 16:9

Tiglath Pileser nih Ahaz ngiarnâk a sâng le, Damaska chu a kawrsen rual hen a va kal le, a do rawh, a lâk le, lal Rezin chu a thah le, a minung tla chu a tleih na le, Kir khua leiah a kalpi na.

2 Lal 8:12

Hazael nih a sinah, “Pu, zei rangah na ṭap êu?” a ti. Elisa nih a sâng le, “Israel tla tlûnah thil ṭihnungkâi na ti awt ruangah, an kulh tla na duah lai, an tlangvâl ṭha tla na thah lai, an fa tla vuak hen na thah na lai le, nunau an râi paw tla na khei piak na lai,” a ti.

JOB LASUIBU 19:3

Zeiliau zawng ah na ka êl le, na ka nawktir mi lakah ningzak khawm na theih lo.

JOB LASUIBU 5:19

Zeiliau zawng ah nganfâknak lakah mi a nan hum lai.

THUFING LASUIBU 6:16

Thil pasarih LALPA nih a hua hen a sâithiam lo mi a um: Zûm tak hen khua hawi, âwkrâwl thusim, thilsual tilo mi thahtu kut, thilsual dawntu thinlung, thilsual ti ding hen thathawk hen kaltu kê, âwkrâwl hen theihtu telê, mah hâwi le sinah nawknâk tuahtu.

THUSIMTU 11:2

A dang chereh hen mun tam tak ah na tangka a pung mi chu siah rawh, hi laikulh ah zei hâwi vânduainâk na tawng awt ti dik tak hen na theih lo ruangah.

ISAI 28:27

Dill chî leh kumin chî thlawngh ding hen talhbo rit an mang dahlo; a vuaknâk fung tâwk cho a zâng mi an mang dauh.

ISAI 41:15

Fâng khâwngnâk thingphel, a kilhnâk thar siak hâr tak hâwi hen ka nan siam lai. Tlâng tla na chîl lai le, na râwk lai; tlâng tênâu tla chu phildip hâwi hen na nektir dip lai.

ISAI 7:16

Chu a tik tlung lân khawm ah a nan ṭhih natu lalchem panih ram chu kaltâk asi lai.

ISAI 7:8

Zei ruangah? Siria chu Damaska ngâk hen a chak dauh lêm lo, a khuapi leh Damaska khawm lalchem Rezin ngâk hen a chak dauh lêm lo. Israel lam châng chu kum sâwmruk leh kum nga sungah phun ti ding umlo rê hen a vei dep lai.

ISAI 8:4

Chu ngâksia chu ‘Ka nu, ka pa,’ a ti kho lânah Damaska neihnâk zawzawng leh Samaria ah an rawk mi thil zawzawng chu Asiria lalchem nih a put hep lai,” a ti.

AMOS 1:11

LALPA nih, “Edom mi tla chu an sual nûnah an sual nawlh ruangah ka rêp nget na awt. An unau Israel tla an thah na le, an lakah khuaruatnâk an nei lo. An thinthawknâk chu a dawng hen a bâng kho lo.

AMOS 1:13

LALPA nih, “Amon mi tla chu an sual nûnah an sual nget ruangah ka rêp nget na awt. An râltuknâk mun tam tak ah Gilead ram nunau râi mi paw an khei piak na.

AMOS 1:6

LALPA nih, “Gaza mi tla chu an sual nûnah an sual nawlh le, churuang chun annih tla chu ka rêp nget na awt. Phun zawzawng an put na le, Edom mi tla sinah sal ah an zuar na.

AMOS 1:9

LALPA nih, “Tura mi tla chu an sual nûnah an sual nawlh le, churuang chun ka rêp na nget awt. Phun zawzawng Edom ram ah sal ah an put na le, remnâk thu zûl lo hen thil an ti.

AMOS 2:1

LALPA nih, “Moab mi tla chu sual nûnah an sual nawlh le, churuangah ka rêp na nget awt. Edom lal ruh chu zahnâk nei lo thlo hen vachâm ah kal dep hen an râwk.

AMOS 2:4

LALPA nih, “Juda mi tla chu an sual nûnah an sual nawlh le, churuang chun ka rêp na nget awt. Ka sîntirnâk an siarlo le, ka thupêk khawm an zûl lo. An thlâktu tla nih an sawnh mi pathian diklo leiah pial hen an um.

AMOS 2:6

LALPA nih, “Israel mi tla chu sual nûnah an sual nawlh le, churuang chun anmah ka rêp nget na awt. Mi zumhkâi tla lei sam kholotu tla chu sal ah an zuar na le, mipâm an pheikawk man rulh kholotu tla khawm sal ah an zuar na.

ZEKARIA 9:1

LALPA thuchah chu hi hi asi: Hadrak ram leh Damaska khuapi rangah rêpnâk ding hen thu a thlûk. Israel phun tla cho silo hen LALPA tâ Siria khuapi khawm asi ber.

ZEKARIA 9:2

Hadrak ramrî mi Hamat khawm a tâ asi le, churuang chun Tura khuapi tla leh Sidon khuapi lak khawm ah an thil thiamnâk zawzawng hen an tikho rirî hen an ti.