AMOS 1:1 - Bawm Common Language Bible Version

¹ Hi bang tla hi Tekoa khuapi ah mi dawrâ vêngtu Amos thu tla asi. Lînîn kum nih lânah Uziah, Juda lalchem asi liauah leh Jehoash fapa Jeroboam Israel lal asi liauah Israel leikâng thu ah Amos sinah Pathian nih a muhtir.

AMOS 1:1 ပူးပေါင်းရင်းမြစ်များ

2 SAMUEL 14:2

Tekoa ah um mi nunau fing tak chu a kawhtir na le, a hawng tleng rawh chun a sinah, “Mithi ruangah ulh mi hâwi hen um le, ulhnâk puan a khuh le, na sam khawm riat lah, nunau sâwt tak mithi ulh mi hâwi hen a langhtir.

1 Lal 19:19

Elija chu a suak le, Elisa nih chawchal rualpi hen phâisen an nâwn mi a muh na; a mâilei ah bawp leikhat an um, anih chu a madung chem mi nâwntu pakhat asi bâk. Elija nih a kawrfual a lît le, Elisa rangah a ruktir.

2 Lal 14:21

Juda mi tla nih a fapa Uziah kum leiruk mi chu lal siding hen lallukhuh an khuh.

2 Lal 14:23

Juda lalchem Joash fapa Amaziah lâirêl kum leinganâk ah Jehoash fapa Jeroboam chu Israel lal a hawng si le, Samaria ah kum sâwmli leh kum khat lâi a rêl.

2 CHRONICLES 11:6

Bethlehem, Etam, Tekoa,

2 CHRONICLES 20:20

A thâituan zîngtê ah Tekoa kiang mi mâng leiah an va kal. Anna thawh liauah Jehosaphat nih hi bang thu tla a chah na: “Jerusalem leh Juda mi tla! LALPA nan Pathian lakah a ngauh thlir u, chu tikah bir tak hen nan dîr lai. A khuavâng tla nih an simh na mi chu zumh thlir ule, chu tikah dingchangnâk nan tawng lai,” a ti na.

EXODUS 3:1

Nikhat chu a pu Jethro, Midian bâwlpu dawrâ leh kêl rual a vêng le, ranrual tla chu ramkaro a palpi na le, tlâng thenhlimh Sinai Tlângah a kalpi na.

ISAI 1:1

Hi lasuibu lakah hin, Uziah, Jotham, Ahaz leh Hezekiah Juda lalchem an si liauah Amoz fapa Isai sinah Pathian nih Juda tla leh Jerusalem thu a sim mi rîn asi.

JEREMIA 1:1

Hi lasuibu hi Hilkiah fapa Jeremia, Benjamin ram ah Anathoth khua mi bâwlpu tla lakah pakhat nih a sim mi thâwngthâng asi.

JEREMIA 28:8

Khuavâng tla, nangmah leh keimah lânah simtu tla khawm nih râltuknâk, pâmnâk leh râi tla chu phun tam tak leh lalram thiltikho tak tlûnah hawng tlung ding hen an simkan rawh.

JEREMIA 6:1

Benjamin mi tla, him ding hen tek u! Jerusalem lakah mi suak u! Tekoa ah tâwtawrâwt tum ule, Beth Hakerem ah theihtirnâk mei chêu u. Marlei thawk hen siat leh râwknâk a hawng tlung awt.

JEREMIA 7:27

“Churuang chun, Jeremia, hi bang thu zawzawng hi ka mi tla sinah na sim lai le, sikhawmsele a nan ngâi duh lai lo; na kawh na khawm ah a nan sâng lai lo.

HOSEA 1:1

Hi hi Uziah, Jotham, Ahaz leh Hezekiah Juda lal ansi liau ah leh Jehoash fapa Jeroboam Israel lal asi liau ah Beri fapa Hosea sinah LALPA nih thu a chah mi chu asi.

AMOS 7:14

Amos nih a sâng le, “A man duh hen thusimtu khuavâng kasi lo. Kei chu ranrual zauhkhenhtu leh theipi kûng zauhkhenhtu kasi.

MIKAH 1:1

Juda lal Jotham, Ahaz, Hezekiah san liauah Moreseth khua ah mi Mikah sinah LALPA nih hi thuchah a pêk. LALPA nih Mikah sinah Samaria leh Jerusalem ah thil um ding mi thu chu a langh.

ZEKARIA 14:5

Chu tlâng panih tivakuam a ṭhen phawknâk hen nan suak lai. Juda lal Uziah san ah lî ninh liauah an thlâk natu an tek mi hâwi hen nan tek lai. LALPA ka Pathian chu a vânmifial tla zawzawng put hen an hawng lai.

MATHAI 4:18

Chun, Galili Rilî kap ah a kal pah hen, unau panih, Simon (Peter an ti mi chu), a unau Andri hen rilî ah chun lên vawrh hen a muh na; ngarâltu an si rerêng.

1 KORIN 1:27

Sikhawmsele, Pathian nih laikulh thil â tla chu a thîm dauh le, mi fing tla chu a mualphoh khonâk ding hen.