2 TIMOTHE 4:3 - Bawm Common Language Bible Version

³ Sîntirnâk dik an ngâi huam lo tik a hawng tlung awt ruangah; an nâ tla a zâ ruangah anmah duhkâng mi sîntirtu tla an sinah an pumh na lai le,

2 TIMOTHE 4:3 ပူးပေါင်းရင်းမြစ်များ

1 Lal 18:22

Churawhchun, Elija nih, “LALPA khuavâng um lem mi chu keimah lâwng kasi; sikhawmsele Baal khuavâng lam chu mi zali leh sâwmnga an um.

1 Lal 22:18

Ahab nih Jehosaphat sinah, “Kei rangah chun a ṭha leikâng hen zeikhawm a sim lo ka nan ti asi lo ma? Ṭhalo kumza hen a sim!” a ti.

1 Lal 22:8

Ahab nih a sâng le, “Pakhat a um rih, Imlah fapa Mikaiah, sikhawmsele anih chu ka hua asi; kei rangah a ṭha kâng hen zeikhawm a sim lo ruangah, a sia lei kumza hen a sim tâwn,” a ti. “Chu minung chu sim khawm sim lah,” ti hen Jehosaphat nih a sâng.

EXODUS 32:33

LALPA nih a sâng le, “Ka lakah sualtu min cho ka lasuibu lakah mi ka lawnh awt.

ISAI 28:12

Nan ektê hen dînnâk leh thlangamnâk a nan pêk na le, sikhawmsele a thu nan ngâi duh lo.

ISAI 30:10

Khuavâng tla chu dâisip um ding hen an simh na. “Thudik rerêng kan sinah sim lah u. Kanmah ngâi duh mi hawng kan simh u. Kan perpetnâk hi kan thlah ding asi lo.

JEREMIA 18:18

Churawhchun, mi tla nih, “Jeremia thu ah hin zei thil mawh kan ti lai! Bâwlpu tla nih hawng kan sîntir kumza lai le, mifing tla nih ti dân hawng kan simh lai, khuavâng tla nih Pathian thuchah an sim lai. Amah rang ah hêk hen a thusim kan ngâi piak lai lo rawh,” an ti.

JEREMIA 27:9

Nan khuavâng tla mawh, mâilei ding mi thusimtu âuzawng, mang manhtu leh mithi thlarau kawhtu leh mitleh dâwithiam tla thu ngâi lah u. Chubang zawng tla nih chun Babulon lalchem sinah a pêk lo ding hen an simh na.

JEREMIA 29:8

Kei, LALPA Israel Pathian nih khuavâng nan lakah um mi mawh midang âutal mâilei thu ka sim kho titu perpet hen nan um lo ding hen ka nan simhkan na asi. An mang tla khawm ngâi piak lah na u.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

MIKAH 2:11

Hi bang minung tla nih hin, âwkrâwl thu karo sim hen perpettu khuavâng, “Uain hâng nan rangah a luang ding mi thu ka sim,” ti hen thusimtu tla chu nan duh.

LUK 20:19

Chun, chu liau takah chun Dân sîntirtu tla leh bâwlpu lal tla nih tleih an tum le, sikhawmsele mi zapi chu an ṭih le, chu tahṭhimh thu chu anmah ti san hen a sim ti an theih ruangah.

LUK 6:26

“Mi zawzawng nih an nan sawr na tikah nan tlûn a pit teh lai. Chu hâwi ber hen an thlâktu tla nih khuavâng telê tlûnah an ti kha.

JOHAN 8:45

Thutak ka sim ruangah nannih nih nan hawng ka lung lo asi.

THILTI 17:21

(Athen khua mi zawzawng chu an khua ah khual um mi tla khawm thu thar ngâi ding leh sim hen lawh an ruang nget tâwn.)

1 KORIN 2:1

Chun, unau le tla, kei lam chu Pathian thu thup ka nan simh na ding hen nan sinah ka hawng liau khan thusim rokual leh finghnâk rokual ka mang lo.

1 KORIN 2:4

Chun, nan lungnâk chu minung finghnâk ah ngauh lo hen, Pathian thiltikhonâk ah ngauh hen a um dauhnâk ding hen,

GALATIA 4:16

Chun, thudik tak ka nan simh na ruangah nan leido ma kasi rawh?

1 TIMOTHE 1:10

pung mang tla, tawkua hur tla, minung fîrtu tla, mi âwkrâwl tla,

2 TIMOTHE 1:13

Jisu Krist lakah um mi lungnâk leh dâwtnâk nei hen, thudik dân ka kâ thawk hen na theih mi tla kha nei thlir rawh.

JUD 1:18

“Tik madung ah chun, Pathian sunhsaklo leikângah, mah duhnâk hâwi vima a um hen, zauhnawmhtu tla an hawng um lai,” ti hen nan sinah ka sim rawh kha.