2 TIMOTHE 3:3 - Bawm Common Language Bible Version

³ zângfahnâk suakpi lo tla, ṭhat lo rawt tla, phiartu tla, sûm kho lo tla, mirâng tla, ṭha duh lo thlo tla,

2 TIMOTHE 3:3 ပူးပေါင်းရင်းမြစ်များ

GENESIS 49:7

An rât tuktarâi ruangah siat-le-rû um seh. An ṭhalo tuktarâi ruangah An tlûnah thinrunhnâk um seh. Israel ram lakah rekrâwi hen ka siam na lai. A mi le tla sinah ka thektham na lai.

SAM 15:4

Pathian duhlotu tla chu a zauhnawmh le, LALPA lakah ê-aw ngâitu chu a sunhsak. Thu a pêk mi zawng chu a ti kumza le, Zeizat tal sikhawmsele pawi a ti lo.

SAM 22:6

Khawmsele, kei chu minung kasi lo rawh, changchêl kasi, mikip zauhnawmh leh nihsanh hen ka um!

ISAI 53:3

Kan zauhnawmh le, amah chu kan nawng; nganfâk leh tuarnâk leikângah â dawnh kho. Zeikhawm asi lo mi hâwi hen âukhawm nih an zauh duh lo le, kan âwva lo.

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

DANIAL 8:23

“Chubang lalram tla dawnglei kângah chun, an sual zia a fâk lai, rêp hen an um lai, lal lungkhung leh sual tak leh perpet mang a hawng um lai rawh.

MATHAI 10:21

“Chun, thah ding hen unaupa leh unaupa anna tleihtir lai le, pa khawm nih a fa a tleihtir ber lai; fa tla khawm nih an nu leh pa tla an do lai le, an thahtir na lai.

MATHAI 4:1

Churawhchun, Jisu chu Diabol nih lêm ding hen ramkaro ah Thlarau Thenhlimh nih put hen a um rawh.

LUK 10:16

Jisu nih a ṭhiruai tla sinah, “Âuzawng nannih thu ngâitu chu keimah thu ngâi an si; âuzawng an duh lo natu chu keimah an ka duh lo mi asi; âuzawng kei hawng ka duh lo mi chu hawng ka fialtu duh lo asi,” a ti.

LUK 16:14

Chun, Farisai, tangka sunhsaktu tla nih chun chubang thu zawzawng an theih le, an nihsanh.

JOHAN 6:70

Chun, Jisu nih an sinah, “Nannih leinih tla hi keimah thîm nan si lo ma? Nan lakah minung pakhat lam chu diabol asi,” a ti.

ROM 1:29

Chun, replonâk zawzawng, sualnâk zawzawng tla, hamkahnâk zawzawng tla, ṭhatlonâk zawzawng hen an khat le, nahsuahnâk tla, mi thahnâk tla, tawhnâk tla, perpetnâk tla, nunchan ṭhalonâk tla hen an khat.

ROM 1:31

sia leh ṭha theihnâk nei lo tla, thupêk buartu tla, zângfahnâk thinlung suakpi lo tla, zângfahnâk nei lo tla an si.

1 KORIN 7:5

Thlacham ding hen nanna pêk khonâk ding hen leh nanna kawmh nawlh khonâk ding hen sâwtlotê rangah rem nan ti vevê cho lo chun âu lei khawm a thlahthlamh lah u, chu lo chun nanna sûm kho lo ruangah Setan nih a nan lêm na lebang lai.

1 KORIN 7:9

Sûm khonâk an nei lo lam chun a umh na seh; hur ngâk hen a umh chu a ṭha dauh asi.

1 THESALONIKA 4:8

Churuangah, a siarlotu nih chun minung a siarlo asi lo le, Pathian, a Thlarau Thenhlimh a nan pêk tâwn natu siarlo mi asi dauh.

1 TIMOTHE 3:11

Chu hâwi ber hen an nupi tla mi zahkâi an siding asi, ka tam lo hen sûm kho mi leh zeizawng ah zumhkâi mi an siding asi.

TITA 1:8

Mi lawmh dân thiam, ṭha leikâng duh mi, thinlung diktak, mirep, mi thenhlimh, sûm-nâwl kho mi asi ding asi.

TITA 2:3

Tarnu tla khawm nih Pathian thu chu an simsiat lonâk ding hen, nunau kum no dauh tla chu an pasal zângfah ding leh fa zângfah ding leh thinlung rep tak hen um ding leh thenhlimh tak a um ding leh, mah in ah rianṭuantu ah um ding leh, vêlnei hen um ding leh, mah pasal tla thu thu a um ding hen nun an simh na kho ding hen an umdân lak khawm ah Pathian zah mi tla, phiartu tla leh zû duh mi tla silo hen, ṭhat leikângah sîntirtu siding hen fawrh rawh.

JEM 2:6

Nannih lam nih chun mi ngâkṭah chu nan mualphotir dauh le, mi nei tla chu an nehsawh natu leh lâirêlnâk ah an nûk natu an silo ma?

2 PETER 2:14

An thinlung ah chun nunau duhnâk an khattir le, sual leikang thilti an chim lo, mi chaklo tla an tlûktir le, an thinlung chu duhnâk ah an zawngh nek le, Pathian siatbarhnâk tangah um mi tla an si.

2 PETER 2:19

Anmah chu râwknâk sal si bû hen, midang rangah sal suaknâk thu an simh na tâwn, âuzawng hawng kan nehtu chu sal ah hawng kan siamtu an si.

2 PETER 3:3

Hi hi a masa hen theih ule, ni dawnghlei ah chun, anmah duhnâk hâwi vima a um hen, mi mah kawngkâ cho ruattu tla an hawng um lai.

JUD 1:16

Chubang tla chu chipchiartu leh mi simsâwitu tla an si le, anmah duhnâk hâwi vima hen an um le, an kâ hen khâwngnâk thu dawh lo tak an sim le, anmah siremnâk cho tawng ding hen mi an sunhsak na tâwn.

JUD 1:18

“Tik madung ah chun, Pathian sunhsaklo leikângah, mah duhnâk hâwi vima a um hen, zauhnawmhtu tla an hawng um lai,” ti hen nan sinah ka sim rawh kha.

THUPHUANG 13:15

Chun, sarâng masa chem lem chu hawlh kho ding hen leh amah sawnh lotu vial thah kho ding hen sarâng panihnâk nih nungnâk thaw pêk ding hen siang asi.

THUPHUANG 13:17

Singsiahnâk sarâng min mawh, a min nambar mawh neitu tla cho lo nih chun âukhawm nih an châwk hen an zuar kho lo rawh.

THUPHUANG 16:6

annih nih chun mi thenhlimh leh khuavâng tla thisen an suah le, an din ding ah thisen na pêk na mi hi anna dêng cho asi,” a ti mi ka theih.

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.