2 TIMOTHE 1:3 - Bawm Common Language Bible Version

³ Hawng ka thlâktu tla nih an ti hâwi hen, sia leh ṭha theihnâk fiang tak hen a rian ka ṭuan mi Pathian sinah lâwmthu tla ka sim. A sûn a zân hen ka thlachamnâk ah ka nan theihkumza tâwn asi.

2 TIMOTHE 1:3 ပူးပေါင်းရင်းမြစ်များ

LUK 2:37

chun, chu nûnah kum sâwmriat leh kum li asi tiang â mei. Anih nih chun Pathian Biakin kaltâk lo hen a sûn a zân a buh ngei leh thlacham hen Pathian a sawnh tâwn.

THILTI 22:3

“Juda mi kasi, Kilikia ram ah Tarsa khua ah suak mi kasi, sikhawmsele hi khua ah hin Gamaliel sinah sîn hen ṭhanglian kasi. Kan thlâktu tla Dân umzia kerme tatak chu sîn tâwn hen um mi kasi, tusûn ah nanmah hâwitê hen, Pathian rangah semse ngâi bâk mi kasi.

THILTI 23:1

Chun, Pawl nih lâirêltu tla chu a zauh ko na le, “Unau le tla, tusûn tiang hen Pathian mitmuh hen ṭhatnâk lei ka theih mi ti hen ka um tâwn,” a ti.

THILTI 24:14

Sikhawmsele, hi thu hi na sinah ka phuang lai, ‘murui dang,’ an ti mi leikâng dân hâwi hen hawng kan thlâktu tla Pathian ka sawnh tâwn-- Dân leh khuavâng tla lasuibu ah rîn mi zawzawng lung hen.

THILTI 24:16

Churuangah chun Pathian leikângah leh minung leikâng khawm ah thinlung sual lo ding ko hi kil kumza ka tum tâwn asi.

THILTI 26:4

“A tîrah ka ngâksia liau thawk hen ka phun tla lakah leh Jerusalem khua ah ka umdân tla kha Juda tla zawzawng nih an theih.

THILTI 27:23

A tâ kasi le, ka sawnh tâwn mi Pathian nih a vânmifial pakhat tuzân ah hin ka kiang ah a hawng dîr le, ka sinah,

ROM 9:1

Krist ah chun thudik ka sim asi, ka âwkrâwl lo. Thlarau Thenhlimh zârah chun ka siat le ṭhat theihnâk khawm nih hawng ka theihpi le,

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

GALATIA 1:14

Chun, hawng kan thlâktu tla thurovuih lakah ṭhanemsemsê ka ngâi fâk khun ruangah Juda phung-leh-lam sawnh dân leikângah chun ka phun leh tla lakah keimah rual tla tam tak ka khûp rawh.

EPHESI 1:16

kan Lalpa Jisu Krist, Pathian rokualnâk Pa nih chun amah theihnâk leikângah finghnâk leh theihfiangnâk Thlarau a nan pêk kho na nâk ding hen ka thlachamnâk tla ah chun nan min lam hen nan tlûnah lâwmthu sim ka bâng lo.

1 THESALONIKA 3:10

a sûn a zân hen thungâi tak a thlacham hen, kan Pathian mâika ah nan lakah kanna lâwmnâk zawzawng ruang hin nanmah leikâng thu ah Pathian sinah zei lâwmthu me kan sim rûl kho bâk lai aw?

1 TIMOTHE 1:19

lungnâk leh sia leh ṭha theihnâk thiang tak tleih thlir hen, mi zeimaw mi nih chubang chu lawnh hen lungnâk leikângah lawng kuai hâwi hen anna râwk rawh.

1 TIMOTHE 1:5

Nunsimhnâk san chu thinlung thenhlimh leh sia leh ṭha theihnâk thiang leh lungnâk tak thawk hen a hawng suak mi dâwtnâk chu an nei khonâk ding hen asi.

1 TIMOTHE 5:5

Numei tatak amah lâwng hen a um mi nih chun Pathian tlûnah lungumnâk a nei thlir le, sûn leh zân hen deih leh thlacham hen a um kumza tâwn.

2 TIMOTHE 1:5

Na pi Loisi leh na nu Euniki khawm nih an nei mi lungnâk tak na nei ti ka theih.

2 TIMOTHE 3:15

Chun, Jisu Krist ah lungnâk hen ruangsuahnâk ah an ruai kho ding hen finghnâk an pêk khotu Pathian lasui thu thenhlimh chu na ngâksia liau thawk hen na theih.

HEBRAI 13:8

Jisu Krist chu mazân khawm, tusûn khawm ah leh kumleza hen a mahmun hen a um kumza.

1 SAMUEL 12:23

Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.