2 SAMUEL 9:3 - Bawm Common Language Bible Version

³ David nih Ziba sinah, “Kal le, Saul dâwngsungkhur lakah mi va chek, Pathian sinah ka tiam rawh hâwi hen a lakah ka vêlneihnâk leh zumh ka kâinâk suah ding ka duh,” a ti. Ziba nih a sâng le, “Jonathan fapa lakah a khêng mi pakhat a um,” a ti.

2 SAMUEL 9:3 ပူးပေါင်းရင်းမြစ်များ

2 SAMUEL 19:26

Anih nih a sâng le, “Na theih hâwi hen Bâwipa, kei chu kekhêng kasi. Ka to-aw rangah ka sanatung timhtuah ding leh ka chuan kho hen na sinah hawng ding ka ti le, sikhawmsele diklo hen hawng ka ruai.

2 SAMUEL 19:27

Nangmah sinah âwkrâwl hen hawng ka sim le, sikhawmsele nang chu Pathian vânmifial hâwi na si le, nangmah nih dik na ti zia zawng hen ti ko.

2 SAMUEL 4:4

Saul thlâk dang a um mi chu Jonathan fapa Mephiboseth asi le, Jonathan leh a pa Saul an thi liau khan kum nga mi asi. An thih thu Jezreel khuapi thawk hen thâwng an theih rawh chun, a umhtu nih a tekpi ving, â nam tuktarâi ruangah a thlâk le, a kê a khêng.

2 SAMUEL 9:13

A kê khiang khinih a khêng mi Mephiboseth chu Jerusalem ah a um le, lal buh einâk dawhkân ah a ei rawh.

2 SAMUEL 9:7

David nih, “Lâu lah, na pa Jonathan ruangah na tlûnah ka vêlneihnâk ka suah awt. Na pu Saul ram zawzawng nangmah ka nan pêk nawlh lai le, ka buh kheng lakah ei ding hen ka nan sâwm kumza lai,” a ti.

LUK 6:36

Nan pa nih mi a zângfah hâwi hen zângfah bâk u.”

DEUTERONOMY 10:15

Sikhawmsele LALPA nih nan thlâktu tla a dâwt zia chu thungâi a fâk le, phundang tla ngâk hen an thîm dauh na le, nannih chu a mi thîm tla nan si.

DEUTERONOMY 4:37

A nan thlâk natu tla a dâwt na ruangah a nan thîm na le, a thiltikhonâk rokual hen amah ngelchel nih Aigupta thawk hen a nan suakpi na.