2 SAMUEL 8:4 - Bawm Common Language Bible Version

⁴ David nih rang tlûnah â chuan mi minung sâng khat leh zasarih leh kê hen a kal mi sîng nih a tleih piak na. A lei mi kari nûktu rang khawm zâ a nei tâwk, a dang vial chu a khêngtir ver na.

2 SAMUEL 8:4 ပူးပေါင်းရင်းမြစ်များ

GENESIS 49:6

A thup hen an thuruatnâk ah chun ka tel lai lo le, Anna to-hâwng nâk khawm ah telnâk ka nei lai loh, An thinrun hen mi tla an thah ruangah. Châwchal tla an pangpi hen khêng leh bei hen an siam.

1 Lal 10:26

Solomon nih rang kari sâng khat leh zali leh minung chuanhnâk rang sîng khat leh sâng nih a nei. A zeimaw zat chu Jerusalem ah a siah le, a dang tla chu khuapi dang dang ah a siah na.

1 CHRONICLES 18:4

David nih kari sâng, rang tlûn to mi sâng sarih, kê hen kal mi kawrsen sîngnih a tleih na. Rang tam tâwk leh kari zâ leh a dang a kê bai mi tla chu a siah piak na.

SAM 20:7

Mi zeimaw mi nih an râltuknâk kari leh an rang tla an rinhsanh le, khawmsele kannih lam nih chun LALPA, kan Pathian thiltikhonâk kan rinhsanh.

DEUTERONOMY 17:16

Lalchem nih chun a kawrsen tla rangah rang tla tam tak a nei ding asi lo, rang tla châwk ding hen Aigupta ah mi a fial na ding asi lo, LALPA nih chu ram ah chun a mi tla kîr lo rawh ding a ti ruangah.

JOSUA 11:6

LALPA nih Josua sinah, “Annih tla chu ṭih lah na. Thâituan tu tik ding ah hin Israel tla ruangrûl ah Keimah nih ka thah na hep awt. An rang tla nan khêngtir na lai le, an kari tla nan duah ver lai,” a ti.

JOSUA 11:9

LALPA nih thu a pêk hâwi hen Josua nih a ti rawh. An rang tla a khêngtir na le, an kari tla a duah hep.