2 SAMUEL 8:15 - Bawm Common Language Bible Version

¹⁵ David nih Israel tla tlûnah lâi a rêl le, rep tak leh ṭha tak hen a mi tla a zauhkhenh kumza na.

2 SAMUEL 8:15 ပူးပေါင်းရင်းမြစ်များ

2 SAMUEL 15:3

Absalom nih chun, “Zauhnik dân nih na thu chu a ruat awt le, sikhawmsele na thunawk ngâipitu ding lalchem aiawhtu an um lo,” a ti tâwn.

2 SAMUEL 20:23

Joab chu Israel kawrsen tla hotu asi le, chun Jehoiada fapa Benaiah chu Lalchem vêngtu hotu asi.

2 SAMUEL 3:12

Abner nih Hebron ah um mi David sinah, “Hi ram hi âunih lâi a rêl awt? Keimah hen remnâk siam le, Israel mi zawzawng nangmah leikângah ṭângṭawm hep ding hen ka nan ṭangpi lai,” ti ding hen mi a fial.

2 SAMUEL 5:5

Hebron ah Juda tla lakah kum sarih leh a khing lâi a rêl. Jerusalem ah Israel leh Juda lakah kum sâwmthum leh kum thum lâi a rêl.

2 SAMUEL 8:14

Edom ram zawzawngah kawrsen mun a dirh le, chu ram ah um mi tla chu a mi le an hawng si rawh. David chu LALPA nih mun kip ah nehnâk a pêk.

2 SAMUEL 8:16

Joab, kawrsen lakah hotu a nu chu Zeruiah asi. Jehosaphat Ahilud fapa chu lâirêlnâk rîn mi kiltu asi.

1 Lal 10:9

LALPA na Pathian chu sawr hen um seh! Israel lalchem ah a nan siamtu chu na sinah um hen na tlûnah â lâwm. Israel tla rangah a zângfahnâk chu zungzâl si hen, a dân thu tla leh lâirêlnâk chu zulh kho ding hen a nan siam ruangah,” a ti.

1 Lal 4:1

Israel mi zawzawng lakah Solomon chu lalchem asi.

1 CHRONICLES 18:14

David nih Israel mi tla tlûnah lâi a rêl le, ṭha tak leh rep tak hen a mi tla chu a zauhkhenh na.

SAM 119:121

Adik leh a ṭha mi chu ka ti le; ka mêlma lakah mi hawng ka kaltâk lah.

SAM 72:2

Churawhchun, na mi le tla lakah diknâk hen lâi a rêl hen nehsawh a um mi tla chu repnâk hen lâi a rêl piak na lai.

SAM 75:2

“Lâirêlnâk ding hen tik ka ruat le, ṭhatnâk hen lâi ka rêl awt.

SAM 89:14

Na lalram chu na repnâk leh na lâirêl diknâk ah a lang; na ti mi zawzawng lakah dâwtnâk leh zumhkâinâk a lang.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

AMOS 5:15

Sual chu hua le, thil dik chu duh le, lâirêlnâk ah chun diknâk hi dingchangnâk asi ti theih rawh. Hi phun thibang um rih mi tla sinah hin LALPA nih khua a ruat lai dahmawh.

AMOS 5:24

Chu ngâk hen, diknâk chu tiva hâwi hen luangtir ule, repnâk chu kang dahlo mi tiva hâwi hen umtir u.

HEBRAI 11:33

Chubang tla nih chun lungnâk hen ram tla an lâk le, thil dik an ti le, thutiam tla anna ting, chakeibaknei kâ tla an chîp piak.

1 SAMUEL 14:47

Saul chu Israel lalchem a hawng si rawh chun, mun kip ah mi a mêlma tla hen anna do le; Moab mi tla, Amon mi tla leh Edom mi tla, Zobah lalchem tla leh Philistia lalchem tla hen anna tuknâk kip ah nehtu asi vima.