2 SAMUEL 7:8 - Bawm Common Language Bible Version

⁸ “Churuang chun ka to-aw David chu simh le, Kei, LALPA zeizawng tikho nih chun, ‘Dawrâ vêng hen phâisen ah na um liauah ka mi Israel tla lâirêltu ah kan thîm mi asi.

2 SAMUEL 7:8 ပူးပေါင်းရင်းမြစ်များ

2 SAMUEL 12:7

Nathan nih a sinah, “Chu minung chu nangmah na si. Hi hi LALPA, Israel Pathian nih a sim mi chu asi: ‘Saul kutah mi ka nan hum le, Israel lalchem ah ka nan siam.

2 SAMUEL 14:13

Nunau nih a sinah, “Zei rangah Pathian mi lakah thil diklo na ti zia? Mi ram ah na fapa a tâng mi chu na tlungtir dahlo. Churuangah tuah na thusim ruangah nangmah na mawh asi.

2 SAMUEL 23:1

Jese fapa David chu Pathian nih milian ah a siam le, amah chu Jakob Pathian nih lal ah a thîm. Israel rangah la dawhtak phuaktu asi. Hi tla hi David thusim madung asi:

2 SAMUEL 24:17

David nih vânmifial nih mipi a thah mi a muh le, LALPA sinah, “Keimah kasi a sual mi chu. Kei kasi thil diklo titu chu. Hi mipi ngâkṭah tak tla nih zei an sual? Kei leh ka dâwngsung tla rêp dauh na,” a ti.

2 SAMUEL 5:2

A lânah Saul kan lalchem asi liau khawm ah râltuknâk ah Israel ruitu na si le, LALPA nih a mi tla lâirêltu leh ruitu ding ah thu a nan tiamh rawh,” an ti.

2 SAMUEL 6:21

David nih a sâng le, “Na pa leh a dâwngsung ruangrûl ah leh Israel mi tla ruitu rangah hawng ka thîmtu LALPA chawnglawmh hen ka lâm mi asi. LALPA chawnglawmh ding hen chun ka lâm awt vima.

1 Lal 3:6

Solomon nih a sâng le, “Ka pa David na to-aw lakah na dâwtnâk rokual tak na langhtir kumza le, nang hen nanna tlâinâk thu ah a ṭha hen zumh a kâi le, na dâwtnâk rokual tak tla chu langh vima hen tusûn ni ah a mahmun luah hen lâirêltu ding fapa tla pêk mi keimah lakah hin na dâwtnâk a dawnglo.

1 Lal 8:16

‘Aigupta ram ah mi ka suakpi na mi thawk hen Israel ram pumpi ah zei khuapi khawm an hawng ka sawnhnâk ding hen ka thîm lo. Sikhawmsele nang David lam chu ka mi tla lâirêl ding hen ka nan thîm asi,’ ” a ti.

1 CHRONICLES 17:7

“Churuangah ka to-aw David sinah, “Kei, zeizawng tikho LALPA nih ka sim mi thu hi va simh, ‘Na dawrâ phâisen ah na vêng mi, ka mi Israel lâirêltu ah ka nan siam asi.

1 CHRONICLES 21:17

David nih thla a cham, “Pathian, thilsual titu khawm keimah kasi. Minung rêl ding mi thupêktu khawm keimah kasi. Hi ngâkṭah mipi tla nih zei an ti mi a um? LALPA ka Pathian, kei leh ka dâwngsung rangah hawng kan rêp le, zapi minung tla chu zuah na rawh,” a ti.

AMOS 7:15

Sikhawmsele LALPA nih dawrâ ka vêngnâk ah mi hawng ka lâk le, a mi Israel tla sinah kal hen thu sim ding hen thu hawng ka pêk.

THILTI 7:46

David chu Pathian mitmuh hen duh tlâk hen a um le, Jakob Pathian rangah umnâk siam piak ding a deih.

1 SAMUEL 10:1

Samuel nih oliv sariak dûr a lâk le, Saul lû lakah a tawih le, a châwchawk le, “LALPA nih Israel mi tla lâirêltu ah sariak a nan thuh. A mi tla lakah lâi na rêl lai le, an mêlma tla lakah na hum na ding asi. Hi nih hin a mi le tla lâirêltu ding ah LALPA nih a nan thîm mi na si ti a theihtir:

1 SAMUEL 2:8

Mipâm tla chu valeidip ah mi a châwi le, ṭangpi herh tla chu anna hamhnâk lakah mi a thawh na. Lal fa tla chu hawikawmh ah a siam na le, mi zahkâi dîrmun ah a umtir na. Tual hi Lalpa tâ asi; chunahchun laikulh hi a dirh.

1 SAMUEL 9:16

“Thâizîng ah tutik ding ah Benjamin phun lakah mi minung pakhat ka hawng fial awt, ka mi Israel tla lâirêltu ding ah sariak thuh le, amah nih Philistia mi tla lakah a hum na lai. Ka mi le nih an tuar fâk zia khawm ka muh, ṭangpi ding an hawng ka auh mi khawm ka theih,” a ti.