2 SAMUEL 7:6 - Bawm Common Language Bible Version

⁶ Ka mi Israel tla Aigupta ram ah mi ka suakpi na mi thawk hen tutiang hen ka in ah ka um lo rih, puanin ah um hen ka zî lemang.

2 SAMUEL 7:6 ပူးပေါင်းရင်းမြစ်များ

2 SAMUEL 11:11

Uria nih a sâng le, “Juda leh Israel mi tla an kal hep, Pathian Thudântuk Bâwm khawm an sinah a um ving, ka hotupa Joab leh hotu dang khawm riakmun ah an um hep. Zeitin kei mah ê hen in leiah ka kal lai le, ka din ka rî hen ka nupi sinah ka it zia lai? Chubang tla ruang chun chu hâwi thil chu ka ti rêng lai lo ti ka tiam asi!” a ti.

1 Lal 8:16

‘Aigupta ram ah mi ka suakpi na mi thawk hen Israel ram pumpi ah zei khuapi khawm an hawng ka sawnhnâk ding hen ka thîm lo. Sikhawmsele nang David lam chu ka mi tla lâirêl ding hen ka nan thîm asi,’ ” a ti.

THILTI 7:44

“A lem a muh hâwi hen siam ding hen Mosi simhtu nih ruat hâwi khan kan thlâktu tla nih ramkaro ah khan theihtirnâk Puanin chu an nei.

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

DEUTERONOMY 23:14

Nan riakmun chu thiang tak hen kilkâwi ule, LALPA nan Pathian chu nan riakmun ah nanmah an zauhkhenh na ding hen leh nan mêlma tla an nehtir na ding hen a um ruangah. LALPA nih dunglei an sît na ding hen thil diklo zeikhawm ti lah u.

JOSUA 18:1

Ram an lâk thluh ver nûnah chun, Israel mi zawzawng chu Siloh ah anna pûm le, chunah LALPA umnâk puanin an zâr.

THUPHUANG 2:1

“Ephesi khua mi kawhmi vânmifial sinah chun rîn rawh: “A kut vawrhlei ah ârfi pasarih put hen, ngûn meichêu pasarih kiangah â zî lemang mi nih khan hi bang thu hi a sim asi.

LÂIRÊL 20:27

Chu liau chun Thudântuk Bâwm chu Bethel ah a um, Eleazar fapa, Aron tupa Phinehas chu thuneitu asi. Zapi tla nih LALPA an deih le, “Kan unau Benjamin mi tla chu kan do nawlh lai ma? Asi lo leh kan bângtâk ko lai ma?” an ti. LALPA nih a sâng le, “Do u. Thâi chu kan nehtir na lai,” a ti.