2 SAMUEL 7:24 - Bawm Common Language Bible Version

²⁴ Israel mi tla chu na mi si kumza ding hen na siam na le, nang, LALPA chu an Pathian na si.

2 SAMUEL 7:24 ပူးပေါင်းရင်းမြစ်များ

GENESIS 17:7

“Zungzâl thudântuk hâwi hen na sinah leh na thlâk tla hi nûnah um ding mi sinah ka thutiam chu ka theihkumza lai. Na Pathian kasi lai le, na thlâk tla Pathian khawm kasi lai.

GENESIS 17:8

Hi mun, ram dang mi hâwi a nan umnâk hi na sinah leh na thlâk tla sinah ka pêk lai. Kanaan ram zawzawng hi na thlâk le tla tâ asi kumza lai le, Kei chu an Pathian kasi lai,” a ti.

2 SAMUEL 7:23

Israel mi tla sal ah tang mi, na mi rang ding ah na suah na mi hâwi hen tual tlûnah âu phun khawm an um lo. An rangah thilchê rokual tak tla na ti le, laikulh pumpi ah na min a thang rawh. Nangmah mi siding hen Aigupta ram ah mi na suah na mi tla, an kalnâk zawzawngah phun tla leh an pathian chu na nar piak hep na.

2 SAMUEL 7:25

“Tuah, LALPA Pathian, ti ding hen na sim mi ka lakah leh ka thlâk tla lakah ti ding hen thu na tiamh mi zawzawng tla rangtlingtir rawh.

1 CHRONICLES 17:22

Israel tla chu nangmah mi si kumza ding hen na siam na le, LALPA nang chu an Pathian na hawng si rawh.

SAM 48:14

“Hi Pathian hi zungzâl kan Pathian asi; tik a hawng tlung ding mi zawng lakah hawng kan rui lai,” ti hen.

EXODUS 15:2

LALPA chu hawng ka vêngtu chak tak asi; amah chu ruang hawng ka suahtu asi. Amah chu ka Pathian asi, ka sawr lai; ka pa Pathian asi, rokualnâk la ka sak lai.

EXODUS 6:7

Ka minung ah kan siam na lai le, Kei nan Pathian kasi lai. Aigupta sal nan si mi ka nan suah na tikah chun, Kei, LALPA nan Pathian kasi mi nan ka theih lai rawh.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

JEREMIA 31:1

LALPA nih, “Israel phun zawzawng Pathian ka siding mi leh ka mi tla an siding mi tik chu a tlung rawh.

JEREMIA 31:33

Israel mi tla hen thudântuk thar ka siam mi chu hi hi asi lai: An sungah ka dân tla ka siah lai le, an thinlung ah ka rîn lai. Kei, an Pathian kasi lai le, annih chu ka mi le an si lai.

JEREMIA 32:38

Annih chu ka mi tla an si lai le, Kei, an Pathian kasi lai.

HOSEA 1:10

Israel mi tla chu tipi mi sep hâwi hen an tam lai le, rêl châwklo leh tah châwklo rê an si lai. Tuah Pathian nih an sinah, “Ka mi tla nan si lo,” Sikhawmsele “Pathian nung fa tla nan si” an ti na ding ni chu a hawng tlung lai.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

JOHAN 1:12

Sikhawmsele, amah duhtu vial chu an sinah Pathian fa tla si khonâk ding a pêk, a min zumhtu tla chu.

DEUTERONOMY 26:18

Tusûn ni ah hin LALPA nih amah mi tak ah thu a nan tiamh na mi hâwi hen a nan pawm na rawh; a dân zawzawng zûl ding hen thu a nan pêk na asi.

DEUTERONOMY 27:9

Churawhchun, Mosi leh Levi chi bâwlpu tla nih Israel zapi tla sinah, “Israel mi tla, hawng a hawi ule, ka thu hi ngâi u. Tusûn ni ah hin LALPA nan Pathian mi tla nan si rawh;

DEUTERONOMY 32:6

Nannih mi â leh theihnâk nei lo tla, LALPA nan ti ding mi chu hi hâwi mazei asi? An siam natu, phun ah an siam natu nan pa chu asi.

1 PETER 2:10

A lân chun Pathian mi tla nan si lo, tu lam chun amah mi tla nan si, a lân chun Pathian khuaruatnâk nan tawng lo, tuah lam chun khuaruatnâk nan tawng rawh asi.