2 SAMUEL 7:23 - Bawm Common Language Bible Version

²³ Israel mi tla sal ah tang mi, na mi rang ding ah na suah na mi hâwi hen tual tlûnah âu phun khawm an um lo. An rangah thilchê rokual tak tla na ti le, laikulh pumpi ah na min a thang rawh. Nangmah mi siding hen Aigupta ram ah mi na suah na mi tla, an kalnâk zawzawngah phun tla leh an pathian chu na nar piak hep na.

2 SAMUEL 7:23 ပူးပေါင်းရင်းမြစ်များ

2 SAMUEL 7:24

Israel mi tla chu na mi si kumza ding hen na siam na le, nang, LALPA chu an Pathian na si.

1 CHRONICLES 17:21

Nangmah mi siding hen sal na suah na mi Israel hâwi hen phun dang âukhawm tual ah an um loh, An rangah thilchê rokual tak na ti mi ruangah laikulh pumpi ah na min a thang. Aigupta ram ah na mi tla chu ruang na suah le, na mi tla an kalnâk kip ah phun dang tla chu na nar piak na.

NEHEMIAH 1:10

“LALPA, hi bang tla hi nangmah to-aw leh mi tla an si. Na thiltikhonâk leh na chaknâk hen ruang na suah na.

SAM 106:22

Chunah chun thilchê tak tla a ti! Tipi Sen ah a thilti khawm thungâi a chê!

SAM 111:9

A mi le chu a suah na, zungzâl thudântuk a siam. Thenhlimhnâk leh thiltikhonâk chu amah asi!

SAM 145:6

Mi tla nih na thilti chak tla an sim lai le, kei nih na rokualnâk ka phuang lai.

SAM 147:20

Phundang tla rangah hi hi a ti mi asi lo, annih tla nih chubang a dân tla khawm an theih loh. LALPA chu sawr u!

SAM 40:5

LALPA, kan Pathian kan rangah thil tam tak na ti, nang hâwi chu âukhawm an um lo! Kan rangah thilchê tam tak na siam, an tamtuk ruangah ka sim châwklo!

SAM 44:3

Na mi le tla nih ram chu an riamnâm hen an neh mi asi lo; anmah thiltikhonâk hen an neh mi khawm asi lo. Nangmah nih na umpi na mi an theih ruangah leh na thiltikhonâk leh na chaknâk ruangah asi. Chu nih chun na dâwt na ti a zauhtir.

SAM 65:5

Nehnâk pêk hen na kan sâng le, ruang hawng kan suah ding hen thilchê na ti. Laikulh mi zawzawng leh tipi varâl lei mi nih an lung.

SAM 66:3

“Thil na ti mi tla chu an chê a! Na thiltikhonâk chu a rokual ngâk! Na mêlma tla chu lâu hen na mâika ah an kûn.

EXODUS 12:12

“Chu zân ah chun Aigupta ram pumpiluk ka ṭawl awt, fapa tîr, minung leh ran lakah mi ka thah na lai le, Aigupta pathian zawzawng ka rêp awt. Kei hi LALPA chu kasi.

EXODUS 33:16

Kan sinah na hawng lo mi asi chun na mi le tla leh ka lakah na lâwm mi âunih a theih lai? Nangmah kan sinah na um mi nih hin tual tlûnah midang tla hen kanna khat lo ti a langtir asi,” a ti.

EXODUS 6:7

Ka minung ah kan siam na lai le, Kei nan Pathian kasi lai. Aigupta sal nan si mi ka nan suah na tikah chun, Kei, LALPA nan Pathian kasi mi nan ka theih lai rawh.

EXODUS 9:15

Râi hen nang leh na mi tla rêp ding hen ka kut ka phar chun na vei dep lai.

EXODUS 9:16

Ka thiltikho zia ka nan muhtir khonâk ding leh laikulh pumpi ah ka min a thangnâk ding hen na nungnâk lam chu ka zuah lai.

JEREMIA 32:20

A lân khawm ah Aigupta ram ah singsiahnâk leh thilchê tla na ti le, tusûn ni tiang khawm ah Israel ram ah leh phundang tla nâwngah na ti vima rih, churuang chun tu chun mun kip ah theih hen na um rawh.

JEREMIA 32:21

Thilchê leh singsiahnâk hen kan mêlma tla chu na lâutir le, Aigupta ram ah na mi Israel tla chu na thiltikhonâk leh na chaknâk mang hen na suakpi na.

EZEKIEL 20:9

Sikhawmsele, chu hâwi hen ka ti lo, Israel zapi minung tla mâika ah Aigupta ram ah mi suakpi na ding hen thu ka sim rawh ruangah ka min a sia lai ti ka ruat.

NUMBER 6:27

LALPA nih, “Ka min hen Israel mi tla tlûnah malsâwmnâk an sim chun mal ka sâwm na lai,” a ti.

DEUTERONOMY 10:21

Sawr u, anih chu nan Pathian asi, thilchê rokual tak an ti piak na mi chu nan mit ngelchel hen nan muh asi.

DEUTERONOMY 15:15

Nannih khawm Aigupta ram ah sal nan si mi kha theihkumza ule, chunah mi chu LALPA Pathian nih an suah na mi nan si ruangah, hi thupêk tla hi tuah kan pêk na mi asi.

DEUTERONOMY 33:29

Israel, na lâwptlo chiam e! Nangmah hâwi hen LALPA nih ruang a suah mi phun âukhawm an um lo. LALPA amah tak chu a nan vêng ding leh nehnâk a nan pêk ding hen na phâw leh na nâmsâu chu asi. Na mêlma tla chu khuaruatnâk deih hen an hawng lai le, nangnih na lamhbêk na lai.

DEUTERONOMY 9:26

Churawhchun, ‘LALPA sinah thla ka cham le, LALPA zahkai, na mi tla, na thiltikhonâk leh chaknâk hen Aigupta ram ah mi na suakpi na mi chu veih lah na.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

JOSUA 7:9

Kanaan mi leh ram lakah mi tla nih hi thu hi an theih lai le, hawng kan kulh lai le, hawng kan thah hep ding ko rawh. Chu hâwi asi chun zah na kâinâk hi zeitin na hum kho zia lai ne?” a ti.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.