2 SAMUEL 7:18 - Bawm Common Language Bible Version

¹⁸ David chu LALPA sinah Puanin ah a va kal le, thla a cham, “LALPA zahkâi, ka lakah leh ka dâwngsung lakah hi hâwi thil na ti mi hi ka tlâklo.

2 SAMUEL 7:18 ပူးပေါင်းရင်းမြစ်များ

GENESIS 32:10

Na to-aw rangah na vêlneihnâk leh zumh na kâinâk hawng ka tawngtir ding hen ka tlâklo. Jordan va ka kanh liauah chun ṭhianṭhunh pakhat lo chu zeikhawm ka nei lo, tu chun hi bang murui nih hen ka hawng kîr nawlh rawh.

GENESIS 32:11

Ka upa Esau lakah mi ruang na ka suah ding hen ka nan ngiar. A hawng lai le, hawng kan veih dep lai, hi nunau leh ngâksia tla tiang hen ti thungâi ka ṭih.

2 SAMUEL 23:5

Keimah hen zungzâl thudântuknâk a nei rawh ruangah asi, Pathian nih hi hâwi hen ka thlâk tla chu mal a sâwm awt; chu remnâk chu â râwk lai lo le, a thutiam khawm thlâkthleng asi lai loh. Chu zawng chu ka duh mi chu asi; ka nehnâk ding mi chu asi. Chu chu Pathian nih a langhtir lai.

2 SAMUEL 7:17

Nathan nih David rangah Pathian nih a sim mi zawzawng a simh hep.

1 CHRONICLES 17:16

Churawhchun, lalchem David chu Puanin ah LALPA mâika ah a to le, thla a cham, “LALPA Pathian, ka rangah thil na ti mi tla hi kei leh ka dâwngsung lakah pakhat khawm a tlâk mi kan um lo.

1 CHRONICLES 29:14

“Kei leh ka mi tla nih kan thil zeikhawm kan pêk lo khawmsele, thilpêk zawzawng chu nangmah thawk hen mi asi. Na tâ lîlâ kha nangmah rangah kan pêk nawlh asi.

SAM 8:4

na dawn mi minung chu zei me a si; mi salam na zauhkhenh mi hi?

EXODUS 3:11

Sikhawmsele, Mosi nih Pathian sinah, “Kei zeikhawm kasi lo, zeitin lalchem sinah kal hen Aigupta ram ah mi Israel tla ka suakpi kho na lai?” a ti.

ISAI 37:14

Lalchem Hezekiah nih mifial tla kut ah mi lasuikuat chu a lâk le, a rêl.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

LÂIRÊL 6:15

Gideon nih a sâng le, “Asi chun zei hâwi hen Israel tla chu ruang ka suah kho na lai? Kei chi chu Manaseh phun chaklo chem mi leh kei khawm ka dâwngsungkhur lak khawm ah a tumh lo chem mi kasi,” a ti.

RUTH 2:10

Ruth chu a buk le, a mêl tual tawngh khet hen a kûn le, Boaz sinah, “Zei zia me titi na hawng ka lungkham? Ramdang mi minung tlûnah hi tluk ṭhat na suah?” a ti.

1 SAMUEL 15:17

Samuel nih, “Nangmah chu zeikhawm silo ah a ruat khawm le, Israel phun ruitu na si, Israel lalchem siding hen LALPA nih sariak a nan thuh le,

1 SAMUEL 18:18

David nih a sâng le, “Kei rîlmâl hi ka dâwngsungkhur zauh hen lalchem samâkpa siding mazei kasi?” a ti.

1 SAMUEL 9:21

Saul nih a sâng le, “Israel phun lakah phun mêchem Benjamin phun ah mi kasi, kannih dâwngsungkhur chu kan phun lakah a nâu chem mi kan si. Chu hâwi mi lakah zeitin zia ka sinah thu na sim?” a ti.