2 SAMUEL 6:19 - Bawm Common Language Bible Version

¹⁹ Churawhchun, zapi tla chu ei ding a pêk na, nunau, mipa Israel lakah mi zawzawng chu sang tlang khat, meh em leh grep rah châr tla a pêk na. Churawhchun, mikip in leiah an lâwi rawh.

2 SAMUEL 6:19 ပူးပေါင်းရင်းမြစ်များ

2 SAMUEL 6:18

Chu bâwlnâk a ap mi a lîm rawh chun, LALPA zeizawng tikho min hen Israel tla chu mal a sâwm na.

2 SAMUEL 6:20

Churawhchun, David chu a dâwngsung chibai bûk ding hen a va kal le, Mikal chu amah dawng ding hen a hawng suak le, “Tusûn chu Israel lal nih a min a rokual tir, amah murui a to-aw nungak sinah mi â hâwi â langh!” a ti.

1 Lal 8:66

A ni riat ni ah chun Solomon nih mi zapi tla chu in leiah a tlungtir na rawh. LALPA nih a to-aw David leh Israel mi tla rangah mal a sâwm na ruangah Solomon rangah an ektê hen an sawr le, in leiah lâwm tak hen an tlung rawh.

1 CHRONICLES 16:3

an ektê hen buh a pêk na. Israel lakah nunau leh mipa mikip sangtlêp, meh em leh grep rah châr a pêk na.

1 CHRONICLES 16:43

Churawhchun, mah in chiauah an lâwi le, David khawm a dâwngsung tla hen hun sâwt chiamlo um ding hen in leiah a lâwi.

2 CHRONICLES 30:24

Lalchem Hezekiah nih zapi minung rangah thah hen ei ding ah chawchal sâng khat leh dawrâ sâng sarih a pêk na, chun rianṭuantu tla nih chawchal dang sâng khat leh dawrâ sâng râ an pêk bâk. Bâwlpu tam tak chu dân hâwi hen thenhlimhnâk an nei.

2 CHRONICLES 7:10

a thâituan chun a thla sarihnâk a ni kul leh ni thum ni ah Solomon nih mi zapi tla chu in leiah a tlungtir na rawh. LALPA nih a mi Israel tla, David leh Solomon rangah mal a sâwm na mi ruangah thungâi anna lâwm.

NEHEMIAH 8:10

Tuah in leiah lâwi ule; puai lam ei u. A nei lo mi sinah a tâwk ding hen nan buh leh uain kha a ṭhen u. Tusûn hi kan LALPA lakah ni thenhlimh asi le, nan ngaihsia ding asi loh. LALPA nih lâwmnâk a nan pêk na mi nih a nan chaktir na lai,” an ti na.

LA TLA LA 2:5

Grep rah châr hen hawng ka chaktir le, apple thei hen hawng ka panhlâutir! Ka duh tuk ruangah ka uai thlo.

EZEKIEL 45:17

Ran duah hep ding mi, fâng thil ap, uain thil ap, Thla Thar Kût, Dinhni leh kût dang ni tla ah Israel pumpi rangah pêk chu a rianṭuan asi. Sual thil ap, fâng thil ap, duah hep ding mi thil ap, kawmhnâk thil ap Israel mi tla sual veihnâk ding ah a pêk ding asi,” a ti.

HOSEA 3:1

LALPA nih ka sinah, “Kal le, nunau, a duh mipa sinah ṭângdang pawmtâktu sinah na dâwtnâk va langh. Israel mi tla pathian dang tla leiah pial hen milem sinah grep rah châr ap menza khawmsele ka dâwt nget na mi hâwi hen nang khawm nih na dâwt ding asi,” a ti.

THILTI 20:35

Zeizawng ka ti mi vial zûn ka nan zauhtir na tâwn kha, chubang hâwi hen hamh tak a ṭuan bû hen Lalpa Jisu thu theihkumza bû hen mi chaklo tla nan ṭangpi ding asi; amah ngelchel nih, “Zeilo lâk lei ngâk hen pêk lei a ṭha dauh,” a ti.

EPHESI 4:8

Pathian lasui thu nih, “Tlûnlei ah a kâi liau khan tleih tla tam tak a put na; minung tla sin khawm ah thilpêk tla a pêk na,” ti hen, a sim hâwi khan.

JOSUA 22:6

Josua nih mal a sâwm na le, hi bang thu tla a simh na rawh chun, in leiah a tlungtir na le, “Tuah nan in leiah neih bû hen nan tlung awt rawh asi, ranrual, tangka, ngûn, dâr, thîr leh nipuan tam tak hen. Nan phun hâwi tla rangah nan mêlma thawk hen nan tawng mi tla pêk na bâk u,” a ti. Churawhchun, in leiah an tlung rawh. Mosi nih Jordan Va saklei Manaseh phun khingkhuai a pêk na le, sikhawmsele phun khingkhuai dang chu Josua nih phun dang tla hen Jordan Va thlanglei ram a pêk na.