2 SAMUEL 6:14 - Bawm Common Language Bible Version

¹⁴ David nih a tâi ah puannêm mangṭhia cho â ruk le, LALPA chawnglawmh hen a chelhri a lâm.

2 SAMUEL 6:14 ပူးပေါင်းရင်းမြစ်များ

2 SAMUEL 6:15

Chu hâwi hen Israel mi zawzawng nih Pathian Thudântuk Bâwm chu an lâk le, lâwm tak a âu bû hen leh tâwtawrâwt rihâu hen Jerusalem ah an kalpi rawh.

2 SAMUEL 6:20

Churawhchun, David chu a dâwngsung chibai bûk ding hen a va kal le, Mikal chu amah dawng ding hen a hawng suak le, “Tusûn chu Israel lal nih a min a rokual tir, amah murui a to-aw nungak sinah mi â hâwi â langh!” a ti.

1 CHRONICLES 15:27

David nih puan mangṭhia kawrfual â ruk le, churawhchun tumphung tumtu tla hotu Kenaniah leh bâwm zawnhtu Levi tla hen. David nih ephod khawm â ruk.

SAM 149:3

Lâm hen a min chu sawr u; amah sawrnâk ding hen khuang leh ṭingṭang tum u.

SAM 150:4

Khuang leh lâmnâk hen amah chu sawr u. Ṭingṭang leh theikhang hen amah chu sawr u.

SAM 30:11

Ka ngaihsiatnâk chu lâwm hen lâwmnâk ah na changtir; ka lawksawngnâk chu na lâk ving le, lâwmnâk hen na kulh.

SAM 87:7

“Zion chu kan malsâwmnâk bulpi asi,” ti hen an lâm le, la an sak.

EXODUS 15:20

Khuavâng nu Miriam, Aron farnu nih khuangtê a lâk le, nunau zawzawng tla nih an zûl le, khuang tum bu hen an lâm.

EXODUS 15:21

Miriam nih la a sak piak na: “Nehnâk rokual tak â ting ruangah LALPA chu sawr u; rang leh a tlûnah a chuantu tla chu tipi lakah a lawnh na rawh,” a ti.

EXODUS 19:6

Ka sin cho ah â pêk mi minung nan si, bâwlpu tla hâwi hen ka rian nan ṭuan lai,” a ti na.

THUSIMTU 9:10

Na thilti zeizawng lakah hamh tak hen ṭuan rawh, hi laikulh thihnâk ah chun, thilti, thinlung dawn, theihhâk tla, finghnâk a um awtlo rawh ruangah; chunah chun nang khawm kal ding mi na si.

EZEKIEL 46:10

Lal chu zapi minung an lût tikah a lût bâk lai le, an suak tikah a suak bâk lai.

LUK 15:25

“Sikhawmsele, a fapa a upa dauh mi chu lo ah a um le, chun in a hawng tlung bâiah zeilo tum hâu leh lâm hâu a theih rawh.

DEUTERONOMY 6:5

LALPA nan Pathian chu nan thinlung zawzawng hen nan thlarau zawzawng hen nan chaknâk zawzawng hen dâwt u.

KOLOSA 3:23

A rulhnâk, ro ting ding chu Lalpa sinah thawk hen nan tawng awt ti theih hen, nan ti mi vial chu minung rang hâwi a ti lo hen, Lalpa rang hâwi a ti dauh hen, lung thawk tak hen ti u; Lalpa Krist rian nan ṭuan asi hi.

LÂIRÊL 11:34

Jepthah chu a khua Mizpah leiah a kîr le, a fanu nih khuang tum leh lâm bû hen a hawng dawng. A fanu neihlem asi.

LÂIRÊL 21:21

chunah chun ngâk ko u. Siloh khua mi nungâk tla kût tikah lâm ding hen an hawng suak chun grep nâwngah mi chu hawng suak u. Pakhat chiau hen nupi rangah zângran hen deih na ule, Benjamin ram ah nan sinah kalpi na u.

1 SAMUEL 2:18

Chu liau chun mipa ngâksiatê Samuel nih chun LALPA rian chu a ṭuan vima le, bâwlpu kawrfual â ruk.

1 SAMUEL 2:28

Israel phun zawzawng lakah mi a dâwngsung chu bâwlpu rang ding ah ka thîm le, mâichâm ah rianṭuan hen rimthâw tla duah hen, kawrfual ruk hen ka sinah thu hawng ka deih ding hen. Mâichâm lakah duahphung bâwlnâk lakah mi vo ka neihtir na.

1 SAMUEL 22:18

Saul nih Doeg sinah, “Nangmah nih thah na,” a ti le, Doeg nih a thah hep na. Chu ni ah chun ephod hen â thuam mi bâwlpu sâwmriat leh panga a thah na.