2 SAMUEL 5:3 - Bawm Common Language Bible Version

³ Churawhchun, Israel ruitu tla zawzawng chu David sinah Hebron ah an hawng hep. Anmah hen tlâinâk ding David nih a siam le, annih nih sariak an thuh le, Israel tla lalchem asi rawh.

2 SAMUEL 5:3 ပူးပေါင်းရင်းမြစ်များ

2 SAMUEL 2:4

Juda mi tla chu Hebron ah an hawng le, David chu Juda lalchem siding hen sariak an thuh. David nih Gilead ram ah Jabes mi tla nih Saul an vûi rawh ti a theih le,

2 SAMUEL 2:7

Chak tak leh râlṭha tak hen um ule, nan lalchem Saul chu a thi rawh le, Juda tla nih an lalchem siding hen sariak an ka thuh,” a ti.

2 SAMUEL 3:21

Abner nih David sinah, “Tuah ka kal lai le, nangmah an lal siding hen Israel tla chu ka neh hep na lai. An lalchem rangah an pawm lai le, churawhchun na duh mi chu na tawng lai le, ram pumpi ah lâi na rêl lai rawh,” ti hen a simh. David nih Abner rangah himnâk thutiam a pêk le, a kalnâk ding ah a kaltir rawh.

1 Lal 1:34

Chunah chun Zadok leh Nathan nih Israel lalchem siding hen sariak thuh na seh. Churawhchun, tâwtawrâwt tum ule, “Lalchem Solomon san sâu seh,” ti hen âu u.

2 Lal 11:17

Bâwlpu Jehoiada nih Joash chu lal ah a siam le, zapi tla khawm LALPA thupêk zûl hen LALPA mi tla an si rawh; mi zapi leh lal karah thudântuk a siam piak na.

1 CHRONICLES 11:1

Israel mipi zawzawng tla chu Hebron ah David sinah an kal le, a sinah, “Kannih chu nangmah taksa leh thisen tak kan si.

1 CHRONICLES 11:3

Churuangah Israel ruitu zawzawng chu lalchem David sinah Hebron ah an hawng rawh. Anmah tla hen tlâinâk thenhlimh a siam le, LALPA nih Samuel mang hen thu a tiamh rawh hâwi hen. Sariak an thuh le, Israel lal a hawng si rawh.

1 CHRONICLES 28:4

LALPA, Israel Pathian nih kei leh ka thlâk tla chu Israel lakah lâirêltu si kumza ding hen hawng kan thîm asi. Juda phun chu ruitu sinâk a pêk le, chu Juda phun thawk hen ka pa dâwngsungkhur a thîm. Chu lakah mi kei Israel zawzawng tlûnah lal ah hawng ka thîm mi hi amah duhzia asi.

2 CHRONICLES 23:16

Bâwlpu Jehoiada nih lalchem Joash chu a tawng rawh le, mi tla nih LALPA mi siding hen thutiamnâk lakah thu an rualpi rawh.

NEHEMIAH 9:38

Hi bang zawzawng thil hi a um ruangah, kannih Israel mi tla nih remnâk ding hen kan min kan rîn asi. Hawng kan ruitu tla, Levi tla nih an singsiahnâk an rîn.

EXODUS 3:16

Kal le Israel ruitu tla pumh na le, Kei, an thlâktu tla Pathian, Abraham Pathian, Isak leh Jakob Pathian na sinah ka langh mi tla simh na. An sinah ka hawng mi leh Aigupta mi tla nih an tlûnah an ti na dân ka muh mi tla simh na.

JOSUA 10:36

Chu nûnah chun Josua chu a kawrsen tla hen Eklon thawk hen thlanglei ah mi Hebron ah an va kâi le, an do le,

LÂIRÊL 11:11

Churawhchun, Jepthah chu Gilead ram ah ruitu tla hen chun an kal le, an lâirêltu leh ruitu ah an siam. Jepthah nih chun Mizpah khua ah LALPA mâika ah a thilti dân ding chu a ruat.

1 SAMUEL 11:15

Churawhchun, an ektê hen Gilgal ah an va kal le, chu mun thenhlimh ah chun Saul chu lal ti hen an phuang. Chunah chun kawmhnâk bâwlnâk an pêk le, Saul leh Israel mi tla nih chu thu chu an lawmh.

1 SAMUEL 16:13

Samuel nih oliv sariak a lâk le, a unau tla mâika ah David chu sariak a thuh rawh. Lâkkhatko ah LALPA thlarau nih David chu a luah le, chu ni thawk hen chun a sinah a um vima rawh. Churawhchun, Samuel chu Ramah khua leiah a kîr rawh.

1 SAMUEL 23:18

Chu panih nih chun hâwikawmh siding hen thutiamnâk thenhlimh an nei. David chu Hores ah a um le, Jonathan chu in leiah a tlung.