2 SAMUEL 5:2 - Bawm Common Language Bible Version

² A lânah Saul kan lalchem asi liau khawm ah râltuknâk ah Israel ruitu na si le, LALPA nih a mi tla lâirêltu leh ruitu ding ah thu a nan tiamh rawh,” an ti.

2 SAMUEL 5:2 ပူးပေါင်းရင်းမြစ်များ

GENESIS 49:24

Sikhawmsele, a chanhtiang kûk chu a khauh kumza le, A bân tha chu chaktir hen a um, Jakob Pathian chak thiltikhonâk hen, Israel Vêngtu Dawrâpu chaknâk hen.

2 SAMUEL 6:21

David nih a sâng le, “Na pa leh a dâwngsung ruangrûl ah leh Israel mi tla ruitu rangah hawng ka thîmtu LALPA chawnglawmh hen ka lâm mi asi. LALPA chawnglawmh ding hen chun ka lâm awt vima.

2 SAMUEL 7:7

Ka mi Israel ruitu tla sinah chubang ka kalnâk zawng khawm ah zei rangah sidar thing hen in nan hawng ka sak piak lo, ti hen ka sim dahlo,’ a ti.

2 SAMUEL 7:8

“Churuang chun ka to-aw David chu simh le, Kei, LALPA zeizawng tikho nih chun, ‘Dawrâ vêng hen phâisen ah na um liauah ka mi Israel tla lâirêltu ah kan thîm mi asi.

2 Lal 20:5

LALPA mipi tla lâirêltu Hezekiah sinah thu sim nawlh ding hen a kîr le, a sinah, “Kei, LALPA, na thlâktu David Pathian nih na thlachamnâk khawm ka theih, na mitthli tlâk khawm ka muh, ka nan damh nawlh lai le, ni thumnâk ah Biakin ah na kal lai. Kum leinga hen na san ka sâutir nawlh lai.

1 CHRONICLES 11:2

A lânah kan lalchem Saul a dam liau khawm ah râltuknâk ah Israel tla nangmah nih na rui na le, LALPA na Pathian nih a mi tla ruitu leh lâirêltu rang siding hen thu a nan tiamh rawh,” an ti.

2 CHRONICLES 1:10

An tlûnah lâi ka rêl khonâk ding hen finghnâk ka herh mi hawng ka pêk rawh. Chu hâwi asi lo chun na mi le zawzawng lakah hin zeitin lâi ka rêl kho lai?” a ti.

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

ISAI 55:4

Anih chu phun tla lakah ruitu ah leh thupêktu ah ka siam le, amah mang hen ka thiltikhonâk ka langh.

EZEKIEL 34:23

Ka to-âw David hâwi mi lalchem an dawrâpu rangah pakhat ka pêk na lai le, amah nih a zauhkhenh na lai.

MIKAH 5:4

A hawng tikah chun LALPA sinah mi chaknâk leh LALPA Pathian amah lalnâk hen a mi tla lâi a rêl piak na lai; laikulh ah mi zawzawng nih a rokualnâk an theih awt ruangah leh thlangamnâk a pêk na awt ruangah a mi tla chu

NUMBER 27:17

leh râltuknâk ah thupêk kho ding mi, na ruat ding hen ka nan ngiar, zapi minung tla chu vêngtu nei lo dawrâ hâwi an si lonâk ding hen,” a ti.

MATHAI 2:6

‘Nang, Bethlehem, Juda ram ah mi, Juda khuapi lakah na mê chem rîlmâl lo! Na sung thawk hen lâirêltu a hawng suak awt ruangah, ka mi Israel tla vêngtu ding chu, ti hi,’ ” an ti.

JOHAN 10:11

“Kei dawrâ vêngtu ṭha kasi: dawrâ vêngtu ṭha nih dawrâ tla rangah a nungnâk a pêk tâwn.

HEBRAI 2:10

Pathian thil zeizawng siamtu leh kiltu nih chun fa tam tak a rokualnâk ting ding hen a hawng put kim na ding hen a tuarnâk ruangah Jisu siam rangtling chu a dik asi. Jisu chu ruangsuahnâk ding hen anmah tla rui natu pakhat asi ruangah.

1 SAMUEL 13:14

Sikhawmsele lâi na rêlnâk hi a um kumza ding asi lo, thu na ngâilo ruangah LALPA nih a minung tla lâirêltu ding mi a hâwl awt,” a ti.

1 SAMUEL 16:1

LALPA nih Samuel sinah, “Saul ruangah zei tiang riamruam me na ngaih a sia awt? Israel lalchem asi mi chu ka nawng rawh. Sikhawmsele tuah oliv sariak lak le, Bethlehem khua ah minung pakhat Jese sinah va kal le, a fapa lakah mi pakhat chu lalchem ah ka ruat rawh,” a ti.

1 SAMUEL 18:13

Churuangah Saul nih mun dang ah a fial le, kawrsen sâng khat hotu ah a siam. David nih a mi tla chu râl a tukpi na le,

1 SAMUEL 18:16

Israel leh Juda ram ah mikip nih David chu ruitu dingchangnâk nei mi asi ruangah an duh ver.

1 SAMUEL 18:5

David chu Saul nih a fialnâk zawng ah dingchangnâk a tawng vima. Churuangah Saul nih a kawrsen hotu ah a siam. Chu hâwi a ti ruangah Saul nih hotu ah a siam na mi leh midang khawm thungâi anna lâwm.

1 SAMUEL 25:28

Pu, thil ka palh mi tla chu zângfahtê hen hawng ka ngaihdam. Na damsung zawzawng thilsual tilo hen LALPA rangah râl dotu na si ruangah nang leh na thlâk tla chu lal ah an siam na lai.

1 SAMUEL 25:30

LALPA nih thil ṭha zawzawng leh Israel lal siding hen a nan tiamh mi a ti tikah chun

1 SAMUEL 9:16

“Thâizîng ah tutik ding ah Benjamin phun lakah mi minung pakhat ka hawng fial awt, ka mi Israel tla lâirêltu ding ah sariak thuh le, amah nih Philistia mi tla lakah a hum na lai. Ka mi le nih an tuar fâk zia khawm ka muh, ṭangpi ding an hawng ka auh mi khawm ka theih,” a ti.