2 SAMUEL 3:12 - Bawm Common Language Bible Version

¹² Abner nih Hebron ah um mi David sinah, “Hi ram hi âunih lâi a rêl awt? Keimah hen remnâk siam le, Israel mi zawzawng nangmah leikângah ṭângṭawm hep ding hen ka nan ṭangpi lai,” ti ding hen mi a fial.

2 SAMUEL 3:12 ပူးပေါင်းရင်းမြစ်များ

2 SAMUEL 19:14

David thusim nih Juda tla thinlung chu a neh rawh le, churawhchun a rianṭuantu tla zawzawng hen a sinah kîr ding hen thu an thanh.

2 SAMUEL 19:41

Churawhchun, Israel mi zawzawng chu lalchem sinah an kal le, a sinah, “Bâwipa, zei rangah kan unau Juda mi le nih nang rangah an tâ bîk a ngaih hen na dawngsung leh na mi tla Jordan an tanpi na zia?” an ti.

2 SAMUEL 19:6

A nan zângfahtu chu na hua le, a nan huatu chu na ṭangpi asi! Na rianṭuantu tla leh na minung tla hi na rangah zeikhawm silo mi hâwi hen na siam na asi. Kannih chu thi ver hen Absalom chu hawng nung nawlh sele thungâi na lâwm lai ti fiang tak hen kan muh kho asi.

2 SAMUEL 3:11

Isboseth nih Abner chu a ṭih ruangah zei thu khawm a sim lo rawh.

2 SAMUEL 3:13

David nih, “A ṭha asi! A san pakhat nei hen nangmah hen remnâk ka siam lai: A tawng ding hen ka sinah na hawng tikah Saul fanu Mikal ka sinah na hawng put ding asi,” ti hen a sâng.

2 SAMUEL 3:21

Abner nih David sinah, “Tuah ka kal lai le, nangmah an lal siding hen Israel tla chu ka neh hep na lai. An lalchem rangah an pawm lai le, churawhchun na duh mi chu na tawng lai le, ram pumpi ah lâi na rêl lai rawh,” ti hen a simh. David nih Abner rangah himnâk thutiam a pêk le, a kalnâk ding ah a kaltir rawh.

2 SAMUEL 3:27

Abner chu Hebron ah a va tleng rawh chun Joab nih kulh kawtkâ ah a kalpi le, amah chu mi kingnâk ah thu thup ruah ding hâwi hen a kalpi le, a paw lakah thi thlo hen a sunh. Abner chu Joab unaupa Asahel rangah a thah ruangah amah khawm thah hen a um rawh.

2 SAMUEL 3:38

Lalchem nih a mi le sinah, “Tusûn ni ah hin Israel lakah ruitu rokual tak thih ni asi nan theih lo ma?

SAM 62:9

Minung hi thawsuah mi hâwi cho asi, a lian a mê zeikhawm an si lo. Khîng lakah thlâi khawmsele ritnâk an nei lo, thlivir ngâk hen an zâng dauh asi.