2 SAMUEL 24:17 - Bawm Common Language Bible Version

¹⁷ David nih vânmifial nih mipi a thah mi a muh le, LALPA sinah, “Keimah kasi a sual mi chu. Kei kasi thil diklo titu chu. Hi mipi ngâkṭah tak tla nih zei an sual? Kei leh ka dâwngsung tla rêp dauh na,” a ti.

2 SAMUEL 24:17 ပူးပေါင်းရင်းမြစ်များ

GENESIS 18:23

Abraham nih LALPA a fûk le, a deih, “Sual nei lo tla chu misual tla lakah na veih sih awt mazei?

GENESIS 44:33

Pu, tuhin, hi ka nau ruangrûl ah hinah na sal ah ka um lai, a unau tla hen anih chu kîrtir ko.

2 SAMUEL 12:13

David nih Nathan sinah “LALPA tlûnah thilsual ka ti ngâk asi,” a ti. Nathan nih, “LALPA nih a nan ngaihdam rawh, na thi lai loh.

2 SAMUEL 24:10

Sikhawmsele, hi minung a rêl nûnah hin David chu a thinlung thungâi a lawksawng le, LALPA sinah, “Hi hâwi ka ti mi lakah hin sual ṭihnungkâi tak ka ti asi, zângfahtê hen hawng ka ngaidam, â tak hen thil ka ti asi,” a ti.

2 SAMUEL 7:8

“Churuang chun ka to-aw David chu simh le, Kei, LALPA zeizawng tikho nih chun, ‘Dawrâ vêng hen phâisen ah na um liauah ka mi Israel tla lâirêltu ah kan thîm mi asi.

1 Lal 22:17

Mikaiah nih a sâng le, “Israel kawrsen tla chu dawrâ a vêngtu umlo hen anna rek phin mi hâwi hen ka muh. LALPA nih, “Hi minung tla hi ruitu an nei lo rawh, in leiah thlangamtê hen tlungtir na u,” a ti.

JOB LASUIBU 42:6

Churawhchun, thu ka sim mi zawng ruangah thungâi ka ning a zak le, vachâm leh valeidip lakah ka rim rawh,” a ti.

JOB LASUIBU 7:20

Nang thâwng thlâktu, ka sualnâk nih nganfâk a nan pêk mazei? Na ti ding mi thil ah zei rangah na ka mang? Na rangah chu tluk rak hen thilrit ma kasi?

SAM 32:5

Churawhchun, ka sual tla na sinah ka hawng phuang le; ka thilti diklo tla chu pheh lo thlo hen ka phuang. Na sinah thutluang vâwr ding hen ka tum, chun nangnih ka sual zawzawng na ka ngaihdam rawh.

SAM 44:11

Dawrâ thah ding mi hâwi hen na kan ruat le; ramdang ah na kan rektir ver.

SAM 74:1

Pathian, zei rangah hi hâwi hen na kan kaltâk? Na mi le tlûnah hin na thin a run kumza awt na maw?

SAM 78:71

a dawrâ vêngnâk mun ah mi chu Israel lalchem ah a siam, Pathian mi dawrâ vêngtu rangah.

EXODUS 10:16

Lalchem nih mawhsareh hen Mosi leh Aron chu a kawh na le, “LALPA nan Pathian tlûnah leh nanmah tlûnah ka sual asi.

ISAI 6:5

Kei nih, “Kei rangah lungumnâk a um lo rawh! Thu sual ka simnâk mûr ruangah mi vânduai kasi, thu sual simtu nâwngah um mi kasi. Sikhawmsele, ka mit ngelchel nih Lalchem, LALPA Zeizawng tikho chu ka muh rawh,” ka ti

JONA 1:12

Jona nih a sâng le, “Tipi ah hawng ka lawnh ule, a reh ko lai, hi thli ṭihnungkâi nan tawng mi hi keimah sual ruangah asi ti ka theih,” a ti.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

NUMBER 16:22

Sikhawmsele Mosi leh Aron chu an mêl tual lei hawih hen an kûn le, “Pathian, nang chu nungnâk bul zawzawng na si. Minung pakhat sual ruangah zapi minung tlûnah na rothawk na maw?” an ti.