2 SAMUEL 24:16 - Bawm Common Language Bible Version

¹⁶ LALPA vânmifial nih Jerusalem a râwk awt liauah leh a thah na liauah LALPA nih a thinlung a dangtir le, “Bâng rawh! Â tâwk rawh!” a ti. Vânmifial chu Jebus mi tla fâng chîlnâk mun Araunah mun ah a um.

2 SAMUEL 24:16 ပူးပေါင်းရင်းမြစ်များ

GENESIS 10:16

Kanaan chu Jebus mi tla, Amor mi, Gergasit,

GENESIS 6:6

tual tlûnah a siam hen a siah na mi thungâi pawi a ti. A thinlung thungâi a fâk le,

2 SAMUEL 24:18

Chu ni ah chun Gad chu David sinah a kal le, a sinah “Araunah fâng chîlnâk mun ah kal le, chunah LALPA rangah mâichâm siam rawh,” a ti.

2 SAMUEL 5:8

Chu ni ah chun David nih a mi tla sinah, “Keimah tluk hen Jebus mi tla hua hen thah duhtu âu nan um? Chu hâwi asi chun tî luangnâk lei hen kal ule, mipâm, mitchâw leh kekhêng tla do na u,” a ti. (Chu a tinâk san chu “mitchâw leh kekhêng tla chu LALPA in ah an lût kho lai loh ti ruangah asi.”)

1 Lal 19:4

ramkaro ah nî tlâk a kal. Chunah chun thing dâidul ah â din le, thih a hauh le, “LALPA, ati tuktarâi rawh, ka nungnâk hi lâk ko rawh, ka thi ko lai rawh!” ti hen thla a cham.

2 Lal 19:35

Chu zân chun LALPA vânmifial chu Asiria tla riaknâk mun ah a kal le, kawrsen nuaikhat leh sîngriat leh sângnga a thah na. A thaituan khua a dei rawh chun a thi chia hen an rîl phut!

1 CHRONICLES 1:14

Kanaan chu Jebus, Amor, Girgasit,

2 CHRONICLES 3:1

Solomon pa lalchem David nih Biakin mun rang ding chu a timhtuah hen a ruat chia rawh. A mun chu Jerusalem ah Moriah Tlâng tlûnah Jebus mi Araunah nih fâng a khâwngnâk mun asi. Lalchem Solomon nih a lalnâk thawk hen,

2 CHRONICLES 32:21

LALPA nih Asiria kawrsen leh an hotu tla thah ding hen vânmifial a fial. Churawhchun, Asiria lal lianchem chu ningzâk bû hen a kîr rawh. Ni khat chu a pathian biakin ah a um liauah a fapa zeimaw mi tla nih an pa Asiria lal lianchem chu an thah rawh.

SAM 135:14

LALPA nih a mi tla chu a vêng na lai le; a to-aw tla chu a lungkham na lai.

SAM 35:6

LALPA vânmifial nih a vuak na liauah an lampi chu mûi hen nâl seh!

SAM 78:38

Sikhawmsele Pathian nih a mi le tla tlûnah khua a ruat. An sual a ngaihdam le, a veih na loh. Vei tam tak a thinthawknâk a lêt hen â sûm.

SAM 90:13

Zeitiang riamruam me na thinthawknâk a sâwt awt? LALPA, na to-aw lakah hin khuaruatnâk nei rawh!

EXODUS 12:13

Kawtkâ tung ah mi thisen chu nan umnâk singsiahnâk asi lai. Aigupta ram ka rêp tikah thisen ka muh chun ka nan kanh na lai le, nganfâk kan pêk na lo ding hen.

EXODUS 12:23

Aigupta ram mi tla thah na ding hen LALPA nih a hawng ṭawl tikah kawtkâ tlûnlei leh kawtkâ tung mi thî a muh lai le, a vânmifial chu nan in sungah a hawng lût hen an thahtir na lo ding hen.

EXODUS 32:14

Churawhchun, LALPA nih a thinlung a lêt le, a mi le tla siat leh râwk ding a tum mi chu a lêt.

EXODUS 9:28

LALPA sinah thla hawng kan cham piak u; Rial leh khuarît kan tuar tuk rawh! An suah na ding hen thu ka tiam asi; hinah tam nan um lai lo rawh,” a ti.

ISAI 27:8

LALPA nih a mi tla chu sal ah kaltir na hen a rêp na. Saklei mi thli ṭhalo hen a put ving na.

ISAI 57:16

Ka mi tla chu nungnâk ka pêk tâwn le, an lakah phiarnâk leh thinthawknâk ka umtir kumza awtlo.

JEREMIA 26:19

Lalchem Hezekiah leh Juda mi tla nih Mikah chu an thah lo. Chu ngâk hen Hezekiah nih LALPA chu a ṭih le, dâwt lawh hen a um. LALPA nih an tlûnah siatnâk ka hawng tlungtir awt ti hen a sim mi chu a lêt rawh. Tu hin mah lakah siatnâk lam kan tlungtir awt,” an ti.

JEREMIA 42:10

‘Hi ram ah nung dam hen um vima ding nan duh mi asi chun, râwk lo ding hen ka nan dîrh na lai le; phâwi lo ding hen ka nan phun na lai. Nan lakah siat leh râwknâk ka tlungtir mi ruangah thungâi ka lung a fâk.

AMOS 7:3

LALPA nih a thinlung a lêt le, “Na muh mi chu a hawng tlung lai lo,” a ti.

AMOS 7:6

LALPA nih a thinlung a lêt le, “Hi khawm hi a hawng tlung ber lai lo,” a ti.

HABAKUK 3:2

LALPA, thil na ti mi ka theih le, lâunâk hen ka khat. Tuah kanmah san ah ti ding na tum mi thil rokual tak chu ti rawh. Thinrun khawm le, khuaruat.

ZEKARIA 9:7

Chunah chun sa chu thisen tel hen an ei lai lo le, khap mi buh dang khawm an ei lai lo. A thibang zawzawng tla chu ka mi le murui khat an si bâk lai le, Juda phun lakah mi hâwi an si bâk lai. Ekron a mi khawm Jebus mi an si hâwi hen ka mi tla an si bâk lai.

MARK 14:41

Chun, a hawng kal veithumnâk ah chun, an sinah, “Tuah lam chun it ule, a dîn u. A tâwk rawh! A tik chu a hawng tlung rawh! Zauhnik u, Minung Fapa hi misual tla kut ah an tleihtir awt hi.

THILTI 12:23

Chun, anih nih chun Pathian sinah chawnglawmhnâk a pêk lo ruangah Lalpa vânmifial nih lâkkhat ko ah a tleih le, khuprûl nih a ei le, a thi rawh.

1 KORIN 10:10

An lakah zeimaw mi an chipchiar le, veihtirtu veihtir hen an um phah hâwi khan chipchiar lah u.

2 KORIN 2:6

Chu hâwi mi rangah chun mi tam tak nih an rêp mi chu â tâwk rawh asi.

JOSUA 15:63

Sikhawmsele Juda nih Jebus mi Jerusalem ah an um mi tla chu an nar kho lo, Juda mi tla hen munkhat hen an um ko.

LÂIRÊL 1:21

Sikhawmsele Benjamin phun tla nih Jebus mi tla Jerusalem ah um mi tla chu an nar na lo le, Benjamin mi leh Jebus mi tla chu, chu thawk hen an um vima.

1 SAMUEL 15:11

“Saul lalchem ah ka siam mi chu thungâi ka sîr, kâng dang leiah âwn hen ka thupêk a ngâilo,” a ti. Samuel chu a thinthawk le, zân khuadei hen LALPA sinah a ngiar.