2 SAMUEL 24:14 - Bawm Common Language Bible Version

¹⁴ David nih, “Dîrmun ṭhalo tak ah ka um rawh asi! Sikhawmsele minung rêp chu ka duh lo. Hawng ka rêp ding hen amah LALPA si dauh seh, anih chu khuaruat khotu asi ruangah,” a ti.

2 SAMUEL 24:14 ပူးပေါင်းရင်းမြစ်များ

2 SAMUEL 9:8

Mephiboseth chu a kûn nawlh le, a sinah, “Pu! Ui ruak khawm ka tluk lo mi, zei zia hi tluk hen ka tlûnah ṭhat na suah?” a ti.

2 Lal 6:15

A thâi zîngtê ah Elisa to-aw chu a thawk le, lênglei ah a suak le, Siria kawrsen tla nih rang leh rang kari tla hen khua an kulh dak mi a muh. Elisa sinah a va kal le, “Pu, kan vânduai rawh, zeitin kan ti lai rawh,” a ti.

1 CHRONICLES 21:13

David nih Gad chu a sâng le, “Lawksawng kâi tak mun ah ka um rawh! Sikhawmsele, minung rêp hen um ding lam chu ka duh loh. LALPA chu mi khuaruat kho mi asi ruangah amah ngelchel nih hawng ka rêp ko seh,” a ti.

SAM 119:156

Sikhawmsele, LALPA na zângfahnâk chu a rokual le; na khuaruatnâk chu langh le, ruang hawng ka suah rawh.

SAM 130:4

Sikhawmsele nangnih na kan ngaihdam le, zah tak hen kan zûl khonâk ding hen.

SAM 130:7

Israel, LALPA chu zumh, hum ding hen a nan duh kumza ruangah leh a dâwtnâk chu a dawnglo ruangah.

SAM 145:9

Mikip sinah a ṭha le, a thilsiam zawzawng lakah ṭhat a suah.

SAM 51:1

Pathian, na dâwtnâk dawnglo ruangah ka lakah khua ruat. Na khuaruatnâk rokual ruangah ka sualnâk chu nâwt dep!

SAM 86:15

Sikhawmsele, LALPA nang lam chu, khuaruat mang leh dâwttu Pathian na si; dawnh kho kumza leh vâlnei leh zumhkâi na si.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

THUFING LASUIBU 12:10

Mi ṭha nih a ran a zauhkhenh le, sikhawmsele misual nih a thilneih zeikhawm a siarlo.

ISAI 47:6

Ka mi tla lakah ka ro a thawk le; ka tâ silo rawh mi hâwi hen ka ti na. Na thu thu hen ka siah na le, an lakah khuaruatnâk na langhtir lo le; upa tiang khawm fâk tak hen na ti na.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

JEREMIA 39:17

Sikhawmsele, Kei, LALPA nih ka nan hum lai le, na ṭih na mi tla kut ah pêk hen na um lai lo.

LUNGFÂKNÂK 3:22

LALPA dâwtnâk leh khuaruatnâk chu tlawlh dahlo hen a um vima.

DANIAL 9:9

Na lakah hel menza khawmsele, kan lakah khua na ruat hen na kan ngaihdam.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

MIKAH 7:19

Kan tlûnah khua na ruat nawlh nget lai, kan sual tla chu na kê tangah na lamhbêk hen tipi tawdeng ah na siah ving lai.

ZEKARIA 1:15

Phun tla anna lâwm mi leh thlangam tak hen an um mi thungâi ka ro a thawk. Ka mi le tla, phundang tla nih ṭhalo tak hen an tuartir na liauah ka mi tla tlûnah ka thinthawknâk chu ka sûm râm.

JOHAN 12:27

“Tuah ka thinlung a lawksawng; zei ka sim lai? ‘Pa, hi tik lakah hin ruang hawng ka suah rawh,’ ka ti lai ma? Zeikhawm si sele, hi tuar ding mi tik tak hi ka hawng san asi.

PHILIPI 1:23

A lâi laklawh ah hin a ngaihnâk theihlo hen ka um ko asi, suak hen Krist sinah um duhnâk ka nei ruangah, chu chu thungâi a ṭha dauh asi.

1 SAMUEL 13:6

Churawhchun, Israel tla hen donâk fâk tak an nei le, lungdawng kâi tak hen an siah na. Israel tla chu khur leh pûk ah anna thup, a zeimaw mi chu lungpi leh khursaduap leh tikhurchawh lakah anna thup,