2 SAMUEL 24:13 - Bawm Common Language Bible Version

¹³ Gad chu a sinah a va kal le, LALPA nih a sim hâwi hen a simh. “A zeitin mi na thîm awt ne? Na ram sungah kum thum pâmnâk, na mêlma thawk hen thla thum tek, asi lo leh, na ram sungah râi ni thum tlung ding?” ti hen a deih. “Tuah ngaihtuah set nik, zei hâwi sângnâk na ka pêk awt, LALPA sinah tlûnh nawlh ding mi chu,” a ti.

2 SAMUEL 24:13 ပူးပေါင်းရင်းမြစ်များ

2 SAMUEL 21:1

David a lal liauah pâm fâk tak kum thum kar chu an tuar. Churuangah David nih LALPA a râwn, churawhchun LALPA nih, “Saul leh a dâwngsung tla chu mi thah hen an sual, Gibeon mipi tla khawm a thah.

2 Lal 8:1

Elisa nih Shunem khua mi nunau, a fa a damh piak mi sinah ram lakah LALPA nih kum sarih pâm a tlungtir awt le, churuangah mun dangah kal hen a dâwngsung tla hen um ding hen a simh.

1 CHRONICLES 21:12

Kum thum kar pâmnâk ma? Thla thum kar na mêlma nih an dûm ding ma? Nithum kar LALPA nâmsâu hen a vânmifial nih a nan do lai le, Israel ram pumpi ah thihnâk râi hawng tlungtir ding mi ma? Zei hâwi sângnâk me LALPA ka simh awt?” ti hen a deih.

SAM 91:6

mûi lakah râi hawng tlung khawmsele, sûn ah sualnâk nih thah khawmsele, na ṭih ding asi lo.

EXODUS 7:25

LALPA nih tî a vuak mi chu ni sarih a luah asi.

EZEKIEL 14:13

“Thikho mi minung, ram nih sualnâk a ti hen ka lakah zumh a kâi lo chun ka kut ka zangh lai le, tî-râwl suaknâk ka râwk awt. Pâm ka tlungtir lai le, minung leh ran bang cho hen thah an si lai.

LEVITICUS 26:20

Hamh tak hen rian nan ṭuan mi chu zeikhawm asi lai lo, nan thlâi chîng khawm ti-râwl a suak lai lo, nan thingthei khawm a rah lai lo.

LEVITICUS 26:25

Nanmah rêpnâk ding hen tuknâk ka tlungtir lai, ka thudântuk nan buar ruangah; khuapi ah him ding duh hen nan tek lai le, chunah chun dam kho lo mi râi ka hawng tlungtir lai, nan mêlma tla lakah zângran hen pêk nan si lai.

LUK 4:25

“Chuvachun, dik tak hen ka nan ti na, Elija a dam liauah khan kum thum leh thla ruk vân a pit le, laikulh ah pâmpi a hawng tlung liauah khan Israel ram ah numei tam tak an um le,

DEUTERONOMY 28:22

Râi a kâi kho mi, phingnâk leh damlonâk hen LALPA nih a nan vuak na lai le; nikhuakhêu leh thlilûm nan thlâi râwk ding hen a hawng fial lai. Nan thih lânlo hi bang siatnâk hi nan sinah a um lai.

DEUTERONOMY 28:25

“LALPA nih nan mêlma tla nanmah nehtu ah a siam na lai. Kâng khat lei hen nan do na chun, a dang chereh hen nan tek lai, tual tlûn minung zawzawng nih nan lakah thil tlung mi an muh lai le, an lâu lai.

DEUTERONOMY 28:27

LALPA nih Aigupta mi tla tlûnah a ti hâwi hen khuailumâ an veitir na lai. Nan taksa lakah mapî a suahtir lai. Râithak nih an tuam pang na lai le, thungâi a thak lai, sikhawmsele damhtu ding âukhawm an um lai lo.

DEUTERONOMY 28:35

LALPA nih nan kê chu dam kho lo mi mâ fâk tak hen a tuam tir zat lai le, nan lû thawk hen nan kepâr tiang khuailumâ nih an tuampang na lai.

DEUTERONOMY 28:52

LALPA nan Pathian nih a nan pêk na mi ram lakah khua kip an do lai le, nan zumh chem mi khua kulh sâng tak tla a chim lai.

1 SAMUEL 25:17

Hi thu hi zei hâwi ti ding asi awt, zângfahtê hen ruat. Hi hi kan pupa leh a dâwngsung tla rangah ṭihnung kâi tak khawm asi kho, kan pu chu mi lungkhung tak asi le, âu thu khawm ngâi duh lo mi asi!” a ti.