2 SAMUEL 24:10 - Bawm Common Language Bible Version

¹⁰ Sikhawmsele, hi minung a rêl nûnah hin David chu a thinlung thungâi a lawksawng le, LALPA sinah, “Hi hâwi ka ti mi lakah hin sual ṭihnungkâi tak ka ti asi, zângfahtê hen hawng ka ngaidam, â tak hen thil ka ti asi,” a ti.

2 SAMUEL 24:10 ပူးပေါင်းရင်းမြစ်များ

2 SAMUEL 12:13

David nih Nathan sinah “LALPA tlûnah thilsual ka ti ngâk asi,” a ti. Nathan nih, “LALPA nih a nan ngaihdam rawh, na thi lai loh.

2 SAMUEL 24:17

David nih vânmifial nih mipi a thah mi a muh le, LALPA sinah, “Keimah kasi a sual mi chu. Kei kasi thil diklo titu chu. Hi mipi ngâkṭah tak tla nih zei an sual? Kei leh ka dâwngsung tla rêp dauh na,” a ti.

1 Lal 8:35

“Na mi tla nih na lakah thil an sual ruangah ruah na sûrtir lo hen, annih nih rim hen hi Biakin lei hawi hen thla an hawng cham tikah chun vân thawk hen ngâi piak na.

1 CHRONICLES 21:7

Chu hâwi thilti chu Pathian nih a duhzia asi lo le, Israel tla chu a rêp na rawh.

1 CHRONICLES 21:8

David nih Pathian sinah, “Hi thil ka ti mi ruang hin sual ṭihnungkâi ka ti rawh asi! Zângfahtê hen hawng ka ngaihdam. Â tak hen ka ti ko rawh,” a ti.

2 CHRONICLES 16:9

LALPA nih laikulh pumpi hi nâi tek hen a zauh le, amah lakah thinlung zumhkâi tak hen um mi tla sinah chaknâk a pêk na. Â tak hen thil na ti ruangah tu thawk hen na lakah râltuknâk a um kumza lai,” a ti.

2 CHRONICLES 32:26

A nehnûn chun Hezekiah leh Jerusalem mi tla chu thinlung nâutak hen an um ruangah Hezekiah thih tiang hen rêpnâk an tlûnah a tlungtir lo.

JOB LASUIBU 7:21

Ka sualnâk hi na ka ngaihdam kho lo nget rih ma? Thil diklo ka ti mi hi na ka ngaihdam kho lo ma? Sâwtlotê ah thlân ah ka um lai rawh. Hawng ka hâwl khawm le, ka kal ving lai rawh.

SAM 32:5

Churawhchun, ka sual tla na sinah ka hawng phuang le; ka thilti diklo tla chu pheh lo thlo hen ka phuang. Na sinah thutluang vâwr ding hen ka tum, chun nangnih ka sual zawzawng na ka ngaihdam rawh.

EXODUS 10:16

Lalchem nih mawhsareh hen Mosi leh Aron chu a kawh na le, “LALPA nan Pathian tlûnah leh nanmah tlûnah ka sual asi.

THUFING LASUIBU 28:13

Na damsung ah na sualnâk na pheh chun, dingchangnâk na tawng lai lo. Phuang le, mâk le, Pathian nih na lakah khua a ruat lai.

HOSEA 14:2

LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.

JOEL 2:12

LALPA nih, “Tu khawm ah, zumhkâi tak hen rim ule, ṭap bû leh lungfâk tak hen buhngei hen ka sinah hawng kîr u.

NUMBER 12:11

Mosi sinah, “Zângfahte hen Pu, âtkâi tak hen kan sual ruangah hi hâwi ngâi hen rêpnâk chu tuar ding hen hawng kan siam lah.

MARK 7:22

ṭangdang pawmtâknâk tla, ngarhnâk tla, sualnâk tla, bumnâk tla, simsiatnâk tla, khâwngnâk tla leh âtnâk tla hi.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 8:9

Chun, annih nih chun a thusim chu an theih hen, upa chem nih a dawmh le, a dawngh tiang hen, pakhat khat hen anna relh hep le; chun Jisu cho a um rawh, nunau a lâi ah a umnâk mun ah a um mi hen khan.

DEUTERONOMY 32:6

Nannih mi â leh theihnâk nei lo tla, LALPA nan ti ding mi chu hi hâwi mazei asi? An siam natu, phun ah an siam natu nan pa chu asi.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

1 JOHAN 1:9

Kan sual tla Pathian sinah thutluang kan vâwr chun, kan sual tla ngaihdam ding leh kanna replonâk zawzawng leh kan sual tla thiangtir ding hen, â rep hen zumh a kâi asi.

1 SAMUEL 13:13

Samuel nih a sâng le, “Chu hâwi thilti chu ât a kâi tuk,” a ti. LALPA nih thu a nan pêk mi hi na zûl lo ma hi. Zûl le chu Israel tla tlûnah na damsung zawng lâirêltu ah a nan umtir ding mi.

1 SAMUEL 24:5

David thinlung chu a nuam lo rawh.

1 SAMUEL 24:6

A mi le tla sinah, “LALPA nih ka hotupa lalchem ah a siam mi chu nganfâk ka pêk lonâk ding hen hawng ka hum seh! LALPA nih lalchem rangah a ruat mi asi ruangah tâwmtê khawm nganfâk ka pêk ding asi lo!” a ti.

1 SAMUEL 26:21

Saul nih, “Ka palh thlo asi. Ka fapa David, hawng kîr! Nganfâk kan pêk lai lo rawh, tuzân ah ka nungnâk na zuah ruangah. Ka â ngâk! Thil ṭihnungkâi tak ka ti rawh asi,” a ti.