2 SAMUEL 23:3 - Bawm Common Language Bible Version

³ Israel Pathian nih a sim; Israel vêngtu nih ka sinah, “Diknâk hen lâirêltu lal nih chun Pathian lakah ê-aw ngâi hen a rêl mi chu;

2 SAMUEL 23:3 ပူးပေါင်းရင်းမြစ်များ

GENESIS 33:20

Chunah chun mâichâm a siam le, a min ah Israel Pathian min suangkhâng hen ‘’El-Elohe’’ a ti.

2 SAMUEL 22:32

LALPA cho Pathian asi. Pathian cho kan himnâk asi.

2 SAMUEL 8:15

David nih Israel tla tlûnah lâi a rêl le, rep tak leh ṭha tak hen a mi tla a zauhkhenh kumza na.

1 Lal 10:9

LALPA na Pathian chu sawr hen um seh! Israel lalchem ah a nan siamtu chu na sinah um hen na tlûnah â lâwm. Israel tla rangah a zângfahnâk chu zungzâl si hen, a dân thu tla leh lâirêlnâk chu zulh kho ding hen a nan siam ruangah,” a ti.

NEHEMIAH 5:14

Kum leinih kar Juda ram lâirêltu kasi liauah Artakzerzes a lal kum thawk hen kum sâwmthum leh kum nih asi tiang hen lâirêltu nih anna ting ding mi tî-le-râwl kei khawm nih ka ei lo, ka unau tla khawm nih an ei lo.

JOB LASUIBU 34:17

Pathian rep chu mawh hen mâ na ruat? Mirep chu hua hen ma na ruat?

SAM 110:2

Zion thawk hen na lal thiltikhonâk chu a kauh lai, na mêlma tlûnah lâi rêl rawh,” a ti.

SAM 42:9

Hawng ka vêngtu Pathian sinah “Zei rangah na ka thlawrhthlâu? Ka mêlma sual tak lakah zei rangah ka tuar kumza lai” ka ti.

SAM 72:1

Pathian, nangmah repnâk mang hen lâirêl ding lal chu simh; nangmah diknâk chu pêk,

SAM 72:2

Churawhchun, na mi le tla lakah diknâk hen lâi a rêl hen nehsawh a um mi tla chu repnâk hen lâi a rêl piak na lai.

EXODUS 18:21

Sikhawmsele, thil dang lakah chun a tlâk dauh mi minung thîm le, zapi minung ruitu ding ruat na le, sângkhat ruitu, zâ ruitu, sâwmngâ ruitu, parâ ruitu tla ding mi ruat na. Pathian ṭih mi, mi zumhkâi, nawhnâk lâk lo mi an siding asi.

EXODUS 20:2

“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.

EXODUS 3:15

Israel fa tla chu, Kei, LALPA an thlâktu Pathian, Abraham Pathian, Isak leh Jakob Pathian nih an sinah ka nan fial mi na si ti na simh na ding asi. Hi hi zungzâl ka min asi; hi hi, hi nûnah thlâk hawng um ding mi tla nih ka min ah an ka kawhnâk ding mi asi.

THUFING LASUIBU 31:9

An rangah thu sim le, rep tak hen lâirêltu si rawh. Ṭangpi herh leh mipâm tla chu hum na rawh.

ISAI 32:1

Zei tik ni mawh chun lalchem dik tak a lâirêltu leh phun ruitu tla lakah diknâk hen lâirêltu a hawng um lai.

JEREMIA 23:5

LALPA nih, “David thlâk rep tak lakah mi lalchem ka thîm ding mi tik chu a tlung rawh. Chu lal nih chun fing tak hen lâi a rêl lai le, dik tak leh rep tak hen ram pumpi ah thil a ti lai.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

DEUTERONOMY 32:4

“LALPA chu nangmah vêngtu chak tak asi, a lampi zawzawngah rangtling leh rep tak asi; Na Pathian chu zumh a kâi hen a dik asi; A dik mi leh a ṭha mi vial a ti.

HEBRAI 1:8

Fapa leikâng thu ah lam chun Pathian nih, “Aw Pathian, na laltophah chu zungzâl hen a um ding hen asi, diknâk hen na ram tlûnah lâi na rêl.