2 SAMUEL 23:16 - Bawm Common Language Bible Version

¹⁶ Kawrsen minthang pathum nih Philistia riakmun lei chu an tâwn le, tikhurchawh mi tî chu an va than le, David sinah an hawng kîr nawlh. Sikhawmsele, din lo hen Lalpa sinah bâwlnâk hâwi hen a thlêt le,

2 SAMUEL 23:16 ပူးပေါင်းရင်းမြစ်များ

GENESIS 35:14

Pathian hen anna sâwnnâk mun ah theihkumzanâk lung Jakob nih a phun le, uain leh oliv sariak a tawih le, a ap rawh.

2 SAMUEL 23:9

Pathum lakah hotu minthang panihnâk chu Dodo fapa Eleazar, Ahoh phun lakah mi asi. Nikhat chu Philistia mi tla râltuk ding hen anna pûm liauah amah leh David nih an zuam na.

1 CHRONICLES 11:18

Kawrsen râlṭha pathum nih zângran hen Philistia riaknâk an tâwn phêt le, tikhurchawh mi tî chu an va than le, David sinah an hawng put. Sikhawmsele, a din duh lo; LALPA sinah ap hen a thlêt.

THUSIMTU 4:12

Minung panih nih minung pakhat amah lâwng mi chu do hen neh kho asi. Rirual pathum bawp mi chu sah ding har tak asi.

LUNGFÂKNÂK 2:19

Zân khuavâr hen LALPA sinah ṭap ding hen thawk lemang le; Na thinlung pêk le, na fa tla tlûnah khuaruat ding hen a sinah deih. Zâwllâi a ker kip ah ngâksia chu sungvâng hen an thi rawh!

NUMBER 28:7

Dawrâ fa pakhatnâk hen uain ap mi chu, uain litre khat mâichâm ah thlêt.

THILTI 20:24

Sikhawmsele, ka tekzuamnâk lampi ka mabân lîm ding leh Pathian zângfahnâk Thâwngthâng Ṭha theihtir ding hen, Lalpa Jisu sinah kha bang rianṭuannâk rian ka tawng mi kha ṭuan dih tâ sele ka nungnâk khawm unh tlâk ah ka ruat lo.

ROM 5:7

Mi rep ruangrûl ah thih chu mi zeimaw mi rangah thil har tak asi le, mi ṭha ruangrûl lam chun mi zeimaw mi nih thih a va ngamh ko dahmawh.

2 KORIN 5:14

Krist dâwtnâk nih chun kan lakah lâi a rêl asi, hi hâwi hen kan ruat: Mi zawzawng thih ruangrûl ah mi pakhat a thi le, churuang chun mi zawzawng chu an thi asi.

PHILIPI 2:17

Asi, nan lungnâk hâwlnâk leh rianṭuannâk lakah chun tawih hen um menza khawmsele ka lâwm asi, nan ektê hen ka nan lawmhpi ber na.

1 SAMUEL 19:5

Goliath lakah khawm thi ding â siang siar le, LALPA nih Israel rangah rokual tak hen a neh piak. Nang khawm nih na muh le, na lâwm. Chu hâwi mi lakah tuah thilsual tilo mi David chu a san zeikhawm um lo hen a lakah thil diklo ti ding na duh êu?” a ti.

1 SAMUEL 7:6

Churawhchun, Israel tla chu Mizpah ah anna pûm hep rawh. Tî an tan le, LALPA sinah thil ap rang ding ah an thlêt le, nî tlâk an ulh. “LALPA lakah thilsual kan ti,” an ti. (Samuel nih Mizpah ah Israel tla remlonâk thu a chek.)