2 SAMUEL 20:6 - Bawm Common Language Bible Version

⁶ Churawhchun, Lalchem nih Abisai sinah, “Sheba nih hin Absalom ngâk hen hawng kan nawktir dauh awt asi lai, Ka mi le ruai na le, ṭhâwl rawh, chu lo chun khuapi kulh ah a um chun ruang a suak lebang lai,” a ti.

2 SAMUEL 20:6 ပူးပေါင်းရင်းမြစ်များ

2 SAMUEL 10:14

Amon mi tla nih Siria mi tla an tek mi an muh rawh chun, Abisai hen anna do mi chu an tek bâk le, khuapi ah an kîr. Churawhchun, Joab nih Amon a do mi chu Jerusalem leiah a kîr bâk rawh.

2 SAMUEL 11:11

Uria nih a sâng le, “Juda leh Israel mi tla an kal hep, Pathian Thudântuk Bâwm khawm an sinah a um ving, ka hotupa Joab leh hotu dang khawm riakmun ah an um hep. Zeitin kei mah ê hen in leiah ka kal lai le, ka din ka rî hen ka nupi sinah ka it zia lai? Chubang tla ruang chun chu hâwi thil chu ka ti rêng lai lo ti ka tiam asi!” a ti.

2 SAMUEL 18:12

Sikhawmsele chu minung nih chun, “Tangka sâng khat hawng ka pêk khawm le, lal fapa tlûnah ka kut ka phawh awt loh,” ti hen a sâng. Lalchem nih nang, Abisai leh Ittai sinah a thupêk, “Ka fapa Absalom chu keimah ruangah nganfâk pêk lah u,” a ti mi kan theih ko khateh.

2 SAMUEL 18:2

Churawhchun, murui thum a fial le, a murui chiau hotu rangah Joab, Joab unaupa Abisai leh Ittai Gath ah mi a thîm. Churawhchun, lalchem nih, “Keimah ngelchel khawm ka hawng bâk lai,” a ti.

2 SAMUEL 19:7

Tuah kal le, na mi le tla rangah simhfiang na. LALPA min sal hen ka sim asi, chu hâwi na tilo chun, thâizîng chu na sinah âukhawm an um lai loh. Chu chu vânduainâk na damsung na tuar mi lakah a sia chem mi asi lai,” a ti.

2 SAMUEL 2:18

Chunah chun Zeruiah fapa tla pathum an um, chu tla chu Joab, Abisai leh Asahel an si.

2 SAMUEL 21:17

Sikhawmsele, Zemiah fapa Abisai chu David sinah a hawng le, minung a do mi chu a ṭangpi le, an thah. Churawhchun, David mi tla nih, David chu an sinah râltuknâk ah kal lo rawh ding hen thu an tiamhtir. “Nang chu Israel tla lungumnâk na si, na tlâu ding kan duh lo,” an ti.

2 SAMUEL 23:18

Joab unaupa Abisai (an nu chu Zeruiah) chu “Minthang Sâwmthum” mi hotu asi. Abisai nih minung zathum a fei hen a do le, a thah hep na, kha rawh chun “Minthang sâwmthum” lakah a minthang.

2 SAMUEL 3:30

Joab leh a unaupa Abisai nih chun Abner nih an unaupa Asahel Gibeon râltuknâk ah Abner nih a thah mi phû chu an lam rawh.

2 SAMUEL 3:39

Kei, Pathian thîm mi lalchem men nih tusûn ni ah thungâi ka tuar phah asi. Hi bang Zeruiah fapa tla hi ka rangah veihtu an si. Chubang hâwi hen mi thah mang tla chu LALPA nih rêp na seh,” a ti.

1 Lal 1:33

an sinah, “Ka rianṭuantu tla zawzawng hi kalpi na ule, ka fapa Solomon hi ka sanatung tlûnah chuantir ule, Gihon Tinung va ah kalpi u.

1 CHRONICLES 11:20

Joab unaupa Abisai chu “Minung sâwmthum” tla ruitu asi. Anih nih a fei hen minung zathum a do le, a thah na, “Sâwmthum” lakah minthang a lawh.

1 CHRONICLES 18:12

Zeruiah fapa Abisai nih Chitê Va phâi ah Edom mi tla chu a neh na le, minung sîngkhat leh sângriat a thah na.

JEREMIA 8:14

Pathian mi tla nih, “Zei rangah kan to nget ko rih? Hawng u, kulhnei khuapi ah kan tek lai le, chunah kan thi ko lai. LALPA kan Pathian nih thi ding hen hawng kan mawhtir le; din ding hen tûr hawng kan pêk, a lakah kan sual ruangah.

MARK 3:24

Ram khawm mah leh mah a do chun, chu ram chu a dîr kho lai lo.

1 SAMUEL 26:6

Churawhchun, David nih Hit mi Ahimelek sinah leh Joab unaupa Abisai sinah, (an nu chu Zeruiah asi) “Saul riakmun ah nan panih lakah zei mi nih nan hawng ka zûl lai?” a ti. Abisai nih a sâng le, “Keimah nih kan zûl lai,” a ti.