2 SAMUEL 20:21 - Bawm Common Language Bible Version

²¹ Chu chu kan thiltum asi lo. Mi pakhat a min Sheba, Bikri fapa, Ephraim tlâng ram ah mi nih lalchem David lakah helnâk a tuah asi. Hi pa hi hawng kan pêk ule, khua chu ka râwk lai lo,” a ti. Churawhchun, chu nunau nih, “A lû chu kulh vâm tlûnah kan hawng lâwnh lai,” a ti.

2 SAMUEL 20:21 ပူးပေါင်းရင်းမြစ်များ

2 SAMUEL 20:1

Gilgal ah mi dukdaklo a min Sheba, Bikri fapa, Benjamin phun lakah mi a um. Chu nih tâwtâwrâwt a tum le, “David rangah nawmh hen! David rangah zûl ding asi lo, ‘Israel mi tla, mah in lei chiauah kal hep ding’ ” ti hen.

2 SAMUEL 20:2

Churawhchun, Israel tla chu David kaltâk hen Sheba sinah an kal le, sikhawmsele, Juda mi tla chu zumhkâi tak hen David chu Jordan thawk hen Jerusalem ah an zûl.

2 SAMUEL 20:20

Joab nih, “Râwk lai loh, khuapi chu ka râwk rerêng lai loh.

2 SAMUEL 23:18

Joab unaupa Abisai (an nu chu Zeruiah) chu “Minthang Sâwmthum” mi hotu asi. Abisai nih minung zathum a fei hen a do le, a thah hep na, kha rawh chun “Minthang sâwmthum” lakah a minthang.

1 Lal 11:26

Efraim ram ah Zeredah khua mi Nebat fapa Jeroboam, amah rianṭuantu pakhat chu lalchem Solomon tlûnah a hel. A nu chu numei asi le, a min chu Zeruah asi.

2 Lal 10:7

Jehu lasuikuat an muh rawh chun Ahab thlâk tla Samaria ah an um mi sâwmsarih chu an thah hep le, an lû chu pâi lakah an khumh le, Jezreel ah Jehu sinah an kuat.

2 Lal 5:22

Gehazi nih a sâng le, “A pawi mi a um lêm loh, sikhawmsele, ka pu nih, Efraim tlâng ram thawk hen khuavâng murui lakah mi panih tuko ah an hawng tlung le, tangka sâng thum leh nipuan thleng panih pêk na ding mi ruangah an simh ding hen hawng ka fial,” a ti.

JEREMIA 4:15

Dan khuapi leh Efraim tlâng ram khuapi thawk hen mifial hawng kal mi nih thâwng ṭhalo tak an sim.

JEREMIA 50:19

Israel mi tla chu an ram ah ka umtir nawlh na lai, Karmel tlângah leh Basan ram ah fâng an chîng mi tla an ei lai le, Efraim leh Gilead ram ah an chîng mi zawzawng an duh duh mi an ei lai.

JOSUA 24:33

Aron fapa Eleazar chu a thi le, Gibeah ah an vûi le, chu khua chu Efraim tlâng ram Phinehas, a fapa sinah a pêk mi chu asi.

LÂIRÊL 2:9

Gaash tlâng marlei Efraim tlâng ram Timnath Serah ah amah tingvo ram ah vûi asi.

LÂIRÊL 7:24

Gideon nih Efraim tlâng zawzawngah minung a fial le, “Hawng ṭum ule, Midian tla do na u. Jordan Va leh Bethbarah tiang hen tiva tla chu Midian tla nih kanh lo ding hen vêng u,” a ti. Efraim mi tla chu munkhat hen a kawh ver na le, Jordan Va leh Bethbarah tiang hen tiva tla chu an vêng.

LÂIRÊL 9:55

Chun, Israel tla nih Abimelek a thi mi an muh rawh chun an tlung hep.

1 SAMUEL 24:6

A mi le tla sinah, “LALPA nih ka hotupa lalchem ah a siam mi chu nganfâk ka pêk lonâk ding hen hawng ka hum seh! LALPA nih lalchem rangah a ruat mi asi ruangah tâwmtê khawm nganfâk ka pêk ding asi lo!” a ti.

1 SAMUEL 26:9

Sikhawmsele, David nih, “Nganfâk pêk rîlmâl lah! A lalchem thîm nganfâk pêktu chu Pathian nih a rêp ngelchel bâk lai,” a ti.