2 SAMUEL 2:4 - Bawm Common Language Bible Version

⁴ Juda mi tla chu Hebron ah an hawng le, David chu Juda lalchem siding hen sariak an thuh. David nih Gilead ram ah Jabes mi tla nih Saul an vûi rawh ti a theih le,

2 SAMUEL 2:4 ပူးပေါင်းရင်းမြစ်များ

2 SAMUEL 19:11

Israel tla nih an sim mi thâwng chu Lalchem David sinah a tlung rawh. Churawhchun, Lalchem nih bâwlpu Zadok leh Abiathar chu Juda ruitu tla sinah a fial na le, annih nih chun, “Zei rangah lalchem chu a in leiah kîrpi ding hen a madung chem ah nan um?

2 SAMUEL 19:42

Juda mi tla nih an sâng le, “Lalchem chu kanmah lakah mi asi ruangah kan ti asi. Zei rangah hi mi ruangah nan thinrun? Amah nih buh hawng kan pêk mi khawm asi lo, thildang zeikhawm hawng kan pêk mi khawm asi lo,” an ti.

2 SAMUEL 2:11

Hebron ah Juda tla lakah kum sarih leh a khing lâi a rêl.

2 SAMUEL 2:7

Chak tak leh râlṭha tak hen um ule, nan lalchem Saul chu a thi rawh le, Juda tla nih an lalchem siding hen sariak an ka thuh,” a ti.

2 SAMUEL 21:11

David nih chu hâwi hen Rizpah nih a ti mi a theih rawh chun,

2 SAMUEL 21:12

Gilead ah mi Jabes mipi tla thawk hen Saul leh Jonathan ruh tla a lâk. (Chu chu Beth San vântlâng umnâk ah mi an fîr mi asi, chu chu Philistia tla nih Gilboa Tlângah Saul an thah hen an thlâi mi kha asi.)

2 SAMUEL 5:17

Philistia mi tla nih David chu Israel tla lalchem ah ruat asi rawh ti an theih le, amah va tleih ding hen an kawrsen tla an suak rawh. David nih a theih le, kulh sungah a lût rawh.

2 SAMUEL 5:3

Churawhchun, Israel ruitu tla zawzawng chu David sinah Hebron ah an hawng hep. Anmah hen tlâinâk ding David nih a siam le, annih nih sariak an thuh le, Israel tla lalchem asi rawh.

2 SAMUEL 5:5

Hebron ah Juda tla lakah kum sarih leh a khing lâi a rêl. Jerusalem ah Israel leh Juda lakah kum sâwmthum leh kum thum lâi a rêl.

2 Lal 11:12

Churawhchun, Jehoiada nih Joash chu a hawng suakpi le, a lû ah lallukhuh a khuh le, lal si hen lâirêlnâk bu a pêk. Churawhchun, Joash chu sariak a thuh le, lal asi rawh ti an phuang. Zapi tla nih an kutza an bengh le, “Lal chu a san sâu seh,” ti hen an âu.

1 CHRONICLES 10:11

Gilead ram ah Jabes mi tla nih Philistia mi nih Saul an ti dân chu an theih rawh chun,

1 CHRONICLES 11:3

Churuangah Israel ruitu zawzawng chu lalchem David sinah Hebron ah an hawng rawh. Anmah tla hen tlâinâk thenhlimh a siam le, LALPA nih Samuel mang hen thu a tiamh rawh hâwi hen. Sariak an thuh le, Israel lal a hawng si rawh.

1 CHRONICLES 12:23

LALPA nih thu a tiamh rawh mi hâwi hen David chu Hebron ah a um liauah, kawrsen sîn thiam rawh mi tam tak a kawrsen sinah an hawng a bawp le, Saul ruangrûl ah lal ah an siam rawh. An um zat chu hi hâwi asi: Juda lakah mi râlthuam rangtling, phaw leh fei nei mi 6,800 an si. Simeon phun lakah sîn thiam ziar mi: 7,100. Levi phun ah mi: 4,600 an si. Aron thlâk ah mi, Jehoiada zûltu tla: 3,700; Zadok rualsia râltuk kho mi: Ruitu 22; Benjamin (Saul chi-le-kuang): 3,000 (Benjamin phun lakah mi tam dauh chu Saul lakah mi zumhkâi tla an si); Efraim phun lakah mi: an phun lakah mi minthang tla 20,800, Thlanglei mi Manaseh phun lakah mi David rangah lal ah siam ding hen kal ding hen thîm mi tla, 18,000; Isakar phun lakah mi ruitu tla 200 an tangah mi minung tla hen (hi hotu tla nih Israel tla nih thil an ti ding mi leh a tik leh ri tla an theih); Zebulun phun lakah mi: mi zumhkâi, râlthuam zât kip mang thiam mi leh tîm chia zet hen um mi, 50,000; Naphtali phun lakah mi hotu tla: 1,000 ruitu, fei leh phaw nei mi 37,000; Dan phun ah mi sîn mi hep: 28,600; Aser phun ah mi: Râltuk ding tîm chia zet mi tla, 40,000: Jordan saklei um mi phun tla:- Reuben, Gad leh saklei mi Manaseh. Râlthuam zât kip mang kho ding hen sîn mi: 120,000.

1 SAMUEL 16:13

Samuel nih oliv sariak a lâk le, a unau tla mâika ah David chu sariak a thuh rawh. Lâkkhatko ah LALPA thlarau nih David chu a luah le, chu ni thawk hen chun a sinah a um vima rawh. Churawhchun, Samuel chu Ramah khua leiah a kîr rawh.