2 SAMUEL 19:27 - Bawm Common Language Bible Version

²⁷ Nangmah sinah âwkrâwl hen hawng ka sim le, sikhawmsele nang chu Pathian vânmifial hâwi na si le, nangmah nih dik na ti zia zawng hen ti ko.

2 SAMUEL 19:27 ပူးပေါင်းရင်းမြစ်များ

2 SAMUEL 14:17

Pu, kei ruatnâk ah nang chu Pathian vân minung hâwi na si le, a sia a ṭha khawm na thliar kho, thu na sim mi hâwi hen na ka hum lai ti ka ruat. LALPA na Pathian chu na sinah um seh,” a ti.

2 SAMUEL 14:20

Sikhawmsele hi thu zawzawng hi a tluang khonâk ding hen a ti mi asi. Nang Lalchem chu Pathian vânmifial hâwi hen na fing le, thil a hawng um mi khawm na theih hep,” a ti.

2 SAMUEL 16:3

“Na pupa Saul tupa Mephiboset hi zeiah a um?” ti hen lalchem nih a deih. Ziba nih, “Jerusalem ah a um ko,” a ti. A pupa Saul ram chu amah rangah Israel tla nih an dirh piak awt nawlh ruangah.

2 SAMUEL 16:4

Lalchem nih Ziba sinah, “Mephiboset thilneih zawzawng chu na tâ asi,” a ti. Ziba nih, “Na to-aw kasi, na duhzia ka ti vima lai,” a ti.

2 SAMUEL 19:17

Benjamin phun ah mi minung sâng khat a sinah a put. Chun Ziba, Saul dâwngsung to-aw khawm a fapa leinga tla leh a to-aw kul tla hen lalchem a hawng tlung lânah Jordan an hawng tlung.

2 SAMUEL 9:13

A kê khiang khinih a khêng mi Mephiboseth chu Jerusalem ah a um le, lal buh einâk dawhkân ah a ei rawh.

2 SAMUEL 9:3

David nih Ziba sinah, “Kal le, Saul dâwngsungkhur lakah mi va chek, Pathian sinah ka tiam rawh hâwi hen a lakah ka vêlneihnâk leh zumh ka kâinâk suah ding ka duh,” a ti. Ziba nih a sâng le, “Jonathan fapa lakah a khêng mi pakhat a um,” a ti.

SAM 101:5

Mi âu hen mawh sual leikâng thuthup ruattu tla sinah chun ka tel awtlo. Â zûm mi leh zauhnawmh mang chu ka sâithiam lo.

SAM 15:3

midang simsâwi lotu leh a hâwi lakah thilsual tilotu leh a zâwlbâwm simsâwi lotu tla an si.

EXODUS 20:16

“Âwkrâwl hen mi phiar lah.

JEREMIA 9:4

Mikip mah hâwi lakah anna vêng ding asi, unau kip chu Jakob hâwi hen perpettu leh mikip mah hâwi tla sâwitu an si ruangah pakhat khawm nih a hâwi tla a zumh kho lo rawh.

1 SAMUEL 29:9

Akis nih, “Kei lam nih chun rem ka ti, Pathian vân minung tluk hen zumh na kâi hen kan ruat. Sikhawmsele lal dang tla nih kan sinah râltuknâk ah a hawng kho lai loh a nan ti.