2 SAMUEL 18:19 - Bawm Common Language Bible Version

¹⁹ Churawhchun, Zadok fapa Ahimaz nih Joab sinah, “LALPA nih mêlma lakah mi ruang a suah mi thâwngthâng lawmhkâi lalchem va simh ding hen hawng ka kaltir me,” a ti.

2 SAMUEL 18:19 ပူးပေါင်းရင်းမြစ်များ

2 SAMUEL 15:27

Churawhchun, Zadok sinah, “Zauhnik, na fapa Ahimaz leh Abiathar fapa Jonathan kalpi le, khuapi leiah lungngam tak hen kîrpi nawlh.

2 SAMUEL 15:36

An fapa tla Ahimaz leh Jonathan khawm an sinah an um kha, thu nan theih mi zawng chu ka sinah hawng sim ding hen nan hawng fial kho,” a ti.

2 SAMUEL 17:17

Abiathar fapa Jonathan leh Zadok fapa Ahimaz nih Jerusalem dâivâu Enrogel tikhurchawh ah an ngâk ko, khuapi ah an lût mi âukhawm muh lo ding hen. To-aw nunau ngâksia nih thil a tlung mi a va simh na tâwn le, churawhchun annih nih Lalchem David sinah kal hen an va simh ding hen.

2 SAMUEL 18:20

Joab nih, “Silo, tusûn ah thâwngthâng ṭha zeikhawm tlunh ding asi lo. Ni dang ah lam chun â tawng lai, tusûn chu â tawng lo, lalchem fapa a thi lak,” a ti.

2 SAMUEL 18:23

Ahimaz nih, “Zeital tlung seh, kal ding ka duh,” a ti fâwn. Churawhchun, Joab nih, “Kal ko ne,” a ti. Churawhchun, Ahimaz chu Jordan Vakuam lampi leiah a tek le, a to-awpa a lanh ving.

2 SAMUEL 18:31

Churawhchun, Sudan mi to-aw a hawng tleng le, “Lalchem sinah thâwngthâng ṭha ka hawng tlunh! Tusûn ah nangmah lakah heltu zawzawng tlûnah LALPA nih nehnâk a nan pêk rawh,” a ti.

SAM 10:14

Mi ngaihsia leh tuartu tla chu na muh hen na theih le, ṭangpi ding na tîm kumza, mi ṭangpi herh tla chu na sinah anna pêk le; na ṭangpi kumza na.

SAM 10:18

Ngâkṭah leh nehsawh hen um mi tla ṭapnâk chu na ngâi lai le, siherh hen lâi na rêl piak na lai, thikho mi nih ṭihnâk an tawng lai lo rawh.

SAM 7:6

LALPA, thinrun hen thawk le, ka mêlma tla thinthawknâk ah hin hawng dîr; nangmah ngelchel thawk le, hawng ka ṭangpi! Diknâk chu na duhzia asi.

SAM 9:16

LALPA amah ngelchel chu a lâirêl repnâk nih a langhtir le, misual tla chu anmah thilti nih a awh na.

SAM 9:4

Na lâirêlnâk lakah chun na dik hen na ṭha le, keimah sunhsak hen lâi na rêl.

JEREMIA 51:31

Mifial dang dang tla nih Babulon lalchem chu a ker kip ah a khuapi tla chu â râwk rawh ti simh ding hen an tek.

ROM 12:19

Duhtak le tla, nan phû lam lah u, “Keimah nih lehrûl ka sam lai, Lalpa nih a ti,” ti rîn asi.