2 SAMUEL 17:25 - Bawm Common Language Bible Version

²⁵ (Absalom nih Joab ruangrûl ah Amasa chu kawrsen hotu rangah a ruat. Amasa chu Jether, Ismael mi fapa asi, a nu chu Abigail, Nahas fanu Joab nu Zeruiah unaunu asi.)

2 SAMUEL 17:25 ပူးပေါင်းရင်းမြစ်များ

2 SAMUEL 17:26

Absalom leh a mi tla chu Gilead ah riakmun an khuar.

2 SAMUEL 19:13

David nih Amasa sin khawm ah, “Nang chu ka taksa tlâi na si ruangah Joab ruangrûl ah kawrsen hotu chem ah ka nan siah lai, ka ti lo chun Pathian nih zeitin tal hawng ka ti ko seh,” ti hen a simh na.

2 SAMUEL 19:14

David thusim nih Juda tla thinlung chu a neh rawh le, churawhchun a rianṭuantu tla zawzawng hen a sinah kîr ding hen thu an thanh.

2 SAMUEL 20:4

Lalchem nih Amasa sinah, “Juda mi tla a pûm ding kawh na le, thâikip ah hinah hawng kîrpi nawlh na ding hen,” a ti.

1 Lal 2:28

Joab nih chu hâwi hen thil a hawng um mi tla chu a theih. (Anih chu Absalom ṭangpi lo hen Adonijah ṭangpitu asi.) Churawhchun, LALPA Puanin leiah tek hen mâichâm ki chu a va tleih.

1 Lal 2:32

Joab nih chubang tla chu ka pa David theihlo hen a thah na ruangah rêpnâk a tawng mi asi. Joab nih amah ngâk a ṭha dauh mi minung panih Abner Israel kawrsen hotu leh Juda kawrsen hotu Amasa a thah na.

1 Lal 2:5

“Thildang tla a um rih: Israel hotu panih, Ner fapa Abner, Jether fapa Amasa tla Joab nih a thah hen ka lakah thil a ti dân kha. Remnâk um liau chirah tuknâk ah thi rawh mi tla rangah phû a lam piak na mi kha theihkumza rawh. Thilsual tilo mi tla a thah na le, tuah kei nih chu thangsiat phurhnâk zawng chu ka ting hen ka tuar rawh.

1 CHRONICLES 12:19

Manaseh phun lakah mi kawrsen zeimaw mi tla chu David leh Philistia mi tla nih lalchem Saul do ding hen an kal liauah David murui sinah an kal. Philistia mi chu a ṭangpi na lo, lalchem Saul chu a lânah amah hotu asi ruangah, amah leiah â ṭângṭawm lebang lai ti an lal tla nih an ṭih ruangah David chu Ziklak khua leiah an kîrtir.

1 CHRONICLES 2:13

Jese nih fapa pasarih a nei: An kum dan sang vima hen: Eliab, Abinadab, Samah,