2 SAMUEL 17:14 - Bawm Common Language Bible Version

¹⁴ Absalom leh Israel mi zawzawng nih, “Husai krai chu Ahithophel krai ngâk hen a ṭha dauh,” an ti. Ahithophel krai ṭha zûl lo ding leh Absalom râwknâk ding hen LALPA nih a ruatkanh rawh asi.

2 SAMUEL 17:14 ပူးပေါင်းရင်းမြစ်များ

GENESIS 32:28

Chu pa nih chun, “Na min chu Jakob asi lai lo rawh,” a ti. Minung leh Pathian na paihpi le, na neh rawh; churuangah na min ah “Israel” ti asi lai.

2 SAMUEL 15:31

Ahithophel chu Absalom helnâk ah â tel rawh ti David rangah theihtir asi rawh chun, “Zângfahtê hen LALPA, Ahithophel krai hi zeikhawm silo ding hen ka nan ngiar asi,” ti hen thla a cham.

2 SAMUEL 15:34

sikhawmsele, khuapi ah kîr hen Absalom rian zumhkâi tak ṭuan hen a pa sinah nan ṭuan hâwitê hen nan va ṭuan mi hi ka rangah ṭangpitu asi lai. Ahithophel nih krai a pêk mi zawng na do kho ri na do ding hen.

2 SAMUEL 16:23

Chubang hun liauah Ahithophel nih krai a pêk na mi zawng chu Pathian nih a pêk na mi hâwitê hen an pawm tâwn. David leh Absalom khawm nih an zûl tâwn asi.

2 CHRONICLES 10:15

Siloh ah mi khuavâng Ahijah mang hen LALPA Pathian nih Jeroboam sinah thu a sim mi chu a hawng tlung mi asi. Churuangah asi, lal nih mi zapi thu a ngâi duh lonâk chu.

2 CHRONICLES 10:8

Sikhawmsele upa tla krai pêk chu a duh lo le, amah rual tlangvâl tla krai pêktu ah a mang na mi sinah a kal.

2 CHRONICLES 25:16

Chu hâwi hen Amaziah rangah a va ti rawh chun, Amaziah nih, “Lal krai pêktu ah ka nan siam mazei? Hawlh lah, dâisip, kan thah salam lai!” a ti. Sikhawmsele khuavâng nih, “Hi bang hâwi thil na ti ruangah leh ka thusim na ngâilo ruangah tuah Pathian nih nangmah veih a tum ti ka theih,” a ti le, a bâng rawh.

2 CHRONICLES 25:20

Sikhawmsele, Amaziah nih a ngâi piak duh lo. Pathian nih Amaziah chu Edom milem a sawnh ruangah neh hen um ding hen a ruat rawh ruangah.

NEHEMIAH 4:15

Kan mêlma tla nih an thu thlûk leh an thiltum tla chu Pathian nih a neh rawh ti an theih. Churawhchun, kan ektê hen kulh remh ding hen kan kal nawlh fâwn.

JOB LASUIBU 12:17

Lâirêltu finghnâk chu a lâk piak ving na le, ruitu tla chu âtkâi tak hen thil a titir na.

SAM 9:15

Lunglotu tla nih khur an chawh le, a sungah an tlâ; anmah thang nih a awh na.

SAM 9:16

LALPA amah ngelchel chu a lâirêl repnâk nih a langhtir le, misual tla chu anmah thilti nih a awh na.

EXODUS 9:16

Ka thiltikho zia ka nan muhtir khonâk ding leh laikulh pumpi ah ka min a thangnâk ding hen na nungnâk lam chu ka zuah lai.

THUFING LASUIBU 19:21

Mi nih thil zeizawng ti ding hen tumnâk an nei kho, sikhawmsele LALPA duhzia hâwi hen ti asi lai.

THUFING LASUIBU 21:30

Minung finghnâk leh chaknâk leh muh khonâk hi LALPA a um lo chun zeikhawm asi lo.

ISAI 8:10

Nan ti dân ding a thluk u! Sikhawmsele anna dingchang lai loh. Nan duh tâwk hen hawlh u! Sikhawmsele Pathian kan sinah a um ruangah a thawt ver asi.

LUNGFÂKNÂK 3:37

LALPA duhkâng cho mang asi kumza tâwn.

AMOS 9:3

Karmel Tlâng tlûnah a thup na khawmsele ka hâwl na lai le, ka tleih na lai. Tipi sungah an hawng ka thuptâk ving khawmsele tî lakah thilnung lian thu ka pêk lai le, a seh na lai.

LUK 16:8

“Chun, a pu nih chun sum kiltu replo chu ti dân a thiam ruangah a sawr rawh le, chêu fa tla ngâk hen hi laikulh fa tla hi anmah san chun an fing dauh asi.

1 KORIN 3:19

Hi laikulh finghnâk hi Pathian ngaih hen âtnâk asi, “Pathian nih mi fing tla chu an fing perpetnâk lakah a awhtir na tâwn,” ti hen Pathian lasui thu nih a sim hâwi khan.

DEUTERONOMY 2:30

“Sikhawmsele, Sihon lalchem nih chun a ram kan pal ding mi chu a siang lo. LALPA nan Pathian nih a lung a khungtir le, a hel, amah chu kan neh hen kan luah mi ram hi kan lâk khonâk ding hen.

JOSUA 11:20

LALPA nih Israel tla do ding hen a duhtir na le, khuaruat lo thlo hen mawhnâk ruangah thah hep an si khonâk ding hen. Chu tak chu LALPA nih Mosi sinah thu a pêk mi chu asi.