2 SAMUEL 16:22 - Bawm Common Language Bible Version

²² Churawhchun, lal in tlûnah puan an zâr le, âuzawng muh hen Absalom chu in sungah a lût le, a pa nupisûn tla chu a ihpi na rawh.

2 SAMUEL 16:22 ပူးပေါင်းရင်းမြစ်များ

GENESIS 35:22

Jakob chu chu ram ah a um liau chun, Reuben nih a pa nupisûn Bilhah chu a ihpi le, Jakob nih a theih le, thungâi a thinthawk. Jakob nih fapa leinih a nei.

2 SAMUEL 11:2

Nikhat chu sûnnilei zâu ah David chu a thawk le, a in tlûnah a va kâi, a kâi liau chun nunau tak â khawlh mi a muh, chu nunau chu thungâi a mêlṭha.

2 SAMUEL 15:16

Churawhchun, lalchem dâwngsung leh a rianṭuantu tla vial chu an suak le, a nupisûn parâ tla lam chu lal in zauhkhenh ding hen an mâk na.

2 SAMUEL 20:3

David chu Jerusalem a tlung rawh chun lal in ngâktu ding ah a mâk na mi a nupisûn parâ a kawh na le, vêngtu an rangah siah hen an thil herh tla a pêk na. Sikhawmsele an sinah a it a zâu lo. An dam kar zawzawng chu numei hâwi hen a siah na ko.

ISAI 3:9

An thinlung ruat chu anmah lakah a tlâ lai. Sodom mi tla hâwi hen langngân hen thilsual an ti. Anna râwk le, anmah tlûnah an tlungtir.

JEREMIA 3:3

Churuangah asi, ruah sûrlo hen fûr a tla lonâk chu. Nang chu nunau â zuar mi na bangh le; ningzaknâk na nei lo.

JEREMIA 8:12

Ka mi tla, hi bang thil fihnungkâi nan ti ruangah nan ning a zak ma? Zak lo, na ning zak lo thlo; ningzak khawm nan theih lo! Churuangah midang an tlû mi hâwi hen nan tlû bâk lai, ka nan rêp na tikah nan dawnghnâk asi lai rawh. Kei, LALPA, nih ka sim asi.

EZEKIEL 24:7

Khuapi sungah mi thahnâk a um le, sikhawmsele thî chu valeidip nih khuh khonâk ah tual ah thlêt lo hen lungpi tlûn salam ah thlêt hen a um.

NUMBER 25:6

Israel lakah mi pakhat nih LALPA umnâk puanin mâika ah an ulh liau chirah Midian nunau Mosi leh zapi minung mitmuh hen a puanin ah a lûtpi.

PHILIPI 3:19

chubang tla dawnghnâk chu veihnâk asi, an pathian chu taksa duhnâk asi, anna khâwngnâk chu an mualphonâk asi, laikulh thil tla an duh tâwn asi.