2 SAMUEL 16:11 - Bawm Common Language Bible Version

¹¹ Churawhchun, David nih Abisai leh a rianṭuantu tla sinah, “Ka fapa ngelchel nih thah ding a hawng ka awt, churuangah hi Benjamin mi thilti hi zei rangah chê nan ti? LALPA nih ti ding hen a simh mi asi. Churuangah amah chu mâk thlap ule, ti ko seh.

2 SAMUEL 16:11 ပူးပေါင်းရင်းမြစ်များ

GENESIS 15:4

Churawhchun, LALPA nih a sinah thu a sim nawlh mi chu a theih le, “Hi na to-aw Eliazer nih na ro â ting ding asi lo, nangmah fa ngelchel nih na ro chu â ting lai,” a ti.

GENESIS 45:5

Tuah nanmah lehlam nan ka zuar ruangah a phurung lah ule, nanmah lânah Pathian nih mipi nungnâk tla hum ding hen hawng ka fial mi asi hi.

2 SAMUEL 20:1

Gilgal ah mi dukdaklo a min Sheba, Bikri fapa, Benjamin phun lakah mi a um. Chu nih tâwtâwrâwt a tum le, “David rangah nawmh hen! David rangah zûl ding asi lo, ‘Israel mi tla, mah in lei chiauah kal hep ding’ ” ti hen.

2 SAMUEL 7:2

Lalchem nih chun khuavâng Nathan sinah, “Kei chu sidar thing hen sak mi in ah ka um le, Pathian Thudântuk Bâwm lehlam puanin ah a um,” a ti.

2 Lal 19:37

Nikhat chu a pathian Nisrok biakin ah a sawnh liauah, a fapa panih Adramelek leh Sarezer nih nâmsâu hen an thah le, Ararat ram ah an tek ving. A fapa dang Esarhadon chu a ruangrûl ah a lal.

2 CHRONICLES 32:21

LALPA nih Asiria kawrsen leh an hotu tla thah ding hen vânmifial a fial. Churawhchun, Asiria lal lianchem chu ningzâk bû hen a kîr rawh. Ni khat chu a pathian biakin ah a um liauah a fapa zeimaw mi tla nih an pa Asiria lal lianchem chu an thah rawh.

SAM 109:28

Siat an ka barh khawmsele nangnih mal na ka sâwm lai. Hawng ka nehsawhtu tla chu neh hen um na seh, kei, na to-aw lam chu a lâwm seh.

EZEKIEL 14:9

“Khuavâng chu sângnâk diklo hen perpet hen a um chun, kei LALPA nih ka perpet ruangah mi asi. Israel lakah mi ka lawnh awt.

EZEKIEL 20:25

“Churawhchun, dân ṭhalo leh nungnâk tlungtir lo ding mi thupêk tla ka pêk na.

MATHAI 10:21

“Chun, thah ding hen unaupa leh unaupa anna tleihtir lai le, pa khawm nih a fa a tleihtir ber lai; fa tla khawm nih an nu leh pa tla an do lai le, an thahtir na lai.

1 SAMUEL 26:19

Churuangah Bâwipa, ka thu sim hawng ka ngâi piak. Keimah hawng ka dotu ding hen LALPA nih an ruat mi asi chun, a sinah thil ap nih a thinlung dangtir seh; sikhawmsele minung nih a ruat mi asi chun LALPA nih an lakah siat tlungtir seh. LALPA ram ah mi chu an hawng ka nar le, pathian dang cho sawnhnâk mun ah um ding hen an ka tuah ruangah.