2 SAMUEL 16:10 - Bawm Common Language Bible Version

¹⁰ Lalchem nih Abisai leh a unaupa Joab sinah, “Hi hi nan rangah zei me a pawi, nanmah tlûnah â sei lo, LALPA nih hawlhsiat barh ding hen a titir mi asi chun zei rangah a ti âunih a ti kho lai?” a ti.

2 SAMUEL 16:10 ပူးပေါင်းရင်းမြစ်များ

GENESIS 50:20

Ka lakah thil diklo ti nan tum le, sikhawmsele Pathian nih thil ṭha hen an rulh na. Tûliau ah pâm a hawng tlung mi lakah hin a dam mi tla rangah kan nung khonâk ding hen.

2 SAMUEL 19:22

Sikhawmsele David nih, Abisai leh Joab sinah, “Nannih ngaihdan âunih an deih na? Nawknâk nan hawng ka pêk awt na maw? Kei hi tuhin Israel tla lakah lalchem kasi, tusûn ah Israel tla lakah mi âukhawm thah ding asi lo,” a ti.

2 SAMUEL 19:23

Churawhchun, Shimei sinah, “Thah ding na si lai loh, ti ka nan simh,” a ti.

2 SAMUEL 3:39

Kei, Pathian thîm mi lalchem men nih tusûn ni ah thungâi ka tuar phah asi. Hi bang Zeruiah fapa tla hi ka rangah veihtu an si. Chubang hâwi hen mi thah mang tla chu LALPA nih rêp na seh,” a ti.

1 Lal 17:18

Numeinu nih Elija sinah, “Pathian mi, zei rangah hi hâwi na ka ti? Hinah na hawng mi hi ka sualnâk theihtir ding leh ka fapa thihtir ding hen na hawng mi asi mu?” a ti.

1 Lal 2:5

“Thildang tla a um rih: Israel hotu panih, Ner fapa Abner, Jether fapa Amasa tla Joab nih a thah hen ka lakah thil a ti dân kha. Remnâk um liau chirah tuknâk ah thi rawh mi tla rangah phû a lam piak na mi kha theihkumza rawh. Thilsual tilo mi tla a thah na le, tuah kei nih chu thangsiat phurhnâk zawng chu ka ting hen ka tuar rawh.

2 Lal 18:25

LALPA ṭangpinâk lo hen na ram hi kulh hen râwk ding hen ma na ka ruat? LALPA ngelchel nih do ding leh veih ding hen hawng ka simh,” a ti.

JOB LASUIBU 9:12

A duh mi zawng a lâk le, âukhawm nih a khap kho lo. “Zei me na ti?” ti hen âukhawm nih an deih ngam lo.

SAM 39:9

Zei thu khawm ka sim awtlo, ka dâisip awt, hi hâwi hawng ka tuartirtu chu nangmah dangâi na si ah.

THUSIMTU 8:4

Lalchem nih thunei tak hen thil a ti le, thil a ti mi chu âukhawm nih an do kho lo.

LUNGFÂKNÂK 3:37

LALPA duhkâng cho mang asi kumza tâwn.

DANIAL 4:35

Tual tlûnah mi tla chu zeikhawm ah a ruat na lo le; vân ah mi vânmifial tla leh tual tlûnah mi tla chu amah thu thu hen an um. Amah dotu leh a thilti sâwi khotu âukhawm an um lo.

MATHAI 16:23

Anih lam chu â her le, Peter sinah chun, “Setan, ka dung leiah kal! ka rangah tlûknâk na si; Pathian thil tla ruat lo hen minung thil tla na ruat dauh mahi,” a ti.

MATHAI 8:29

Chun, annih nih chun, “Pathian Fapa, kannih leh nang zei kanna tlâinâk um? Tik tiamh tling lânah hawng kan rêp ding hen na hawng mi masi?” ti hen an âu.

JOHAN 18:11

Chun, Jisu nih Peter sinah, “Nâmsâu kha a kâwng ah khumh nawlh rawh; Pa nih hâi hawng ka pêk mi hi ka din lo lai ma?” a ti.

ROM 9:20

Asi, sikhawmsele, aw minung, Pathian êltu chu âu me na si le? Thilsiam nih chun a siamtu sinah, ‘Zei rangah me hi hâwi hen na hawng ka siam?” a ti lai ma?

1 PETER 2:23

Mi nih hawlhsiat an barh liau khawm ah a barh na bâk lo, a tuar liau khawm ah a ṭhih na lo, lâirêltu rep, Pathian lakah a lungumnâk a ngauh dauh asi.

1 SAMUEL 26:19

Churuangah Bâwipa, ka thu sim hawng ka ngâi piak. Keimah hawng ka dotu ding hen LALPA nih an ruat mi asi chun, a sinah thil ap nih a thinlung dangtir seh; sikhawmsele minung nih a ruat mi asi chun LALPA nih an lakah siat tlungtir seh. LALPA ram ah mi chu an hawng ka nar le, pathian dang cho sawnhnâk mun ah um ding hen an ka tuah ruangah.