2 SAMUEL 15:31 - Bawm Common Language Bible Version

³¹ Ahithophel chu Absalom helnâk ah â tel rawh ti David rangah theihtir asi rawh chun, “Zângfahtê hen LALPA, Ahithophel krai hi zeikhawm silo ding hen ka nan ngiar asi,” ti hen thla a cham.

2 SAMUEL 15:31 ပူးပေါင်းရင်းမြစ်များ

2 SAMUEL 15:12

Absalom nih bâwlnâk a ap liauah, Gilo khua mi Ahithophel, David lâirêl pitu rangah a chah. Lalchem rangah an phiarnâk chu a zual dadauh le, Absalom murui chu an pung dadauh rawh.

2 SAMUEL 16:23

Chubang hun liauah Ahithophel nih krai a pêk na mi zawng chu Pathian nih a pêk na mi hâwitê hen an pawm tâwn. David leh Absalom khawm nih an zûl tâwn asi.

2 SAMUEL 17:14

Absalom leh Israel mi zawzawng nih, “Husai krai chu Ahithophel krai ngâk hen a ṭha dauh,” an ti. Ahithophel krai ṭha zûl lo ding leh Absalom râwknâk ding hen LALPA nih a ruatkanh rawh asi.

2 SAMUEL 17:23

Ahithophel nih a krai a pêk mi an zûl lo ti a theih rawh chun, a sanatung a timhtuah le, amah khua leiah a kîr rawh. A thilti ding a ti thluh rawh chun â âwk le, a dâwngsung le thlân ah an vûi rawh.

2 SAMUEL 17:5

Absalom nih, “Tuah Husai kawh ule, zei hâwi hen a sim bâk lai, kan ngâinik lai,” a ti.

2 SAMUEL 17:7

Husai nih, “Tutan Ahithophel nih krai an pêk na mi chu a ṭhalo.

JOB LASUIBU 5:12

Mi krai thiam thiltum chu a lâwt le, mifing tla chu anmah krai nih a tângtir na le, churuangah zei lak khawm ah anna dingchang lo.

SAM 109:3

Ṭhalo tak hen an ka sim, a san zeikhawm umlo hen an ka do.

SAM 3:1

LALPA, ka mêlma tla chu an tam chiam e, hawng ka dotu tla chu tam tak an si!

SAM 41:9

Ka hâwikawmh chem, ka zumh chem mi, buh munkhat hawng ka eipitu chu ka leido a hawng si.

SAM 55:10

a sûn a zân hen an kulh, buarnâk leh lawksawngnâk hen a khat.

SAM 55:12

Hawng ka nihsanhtu tla chu ka mêlma si sele chu ka tuar kho ding mi; ka tlûnah khâwng nawhtu chu ka mêlma si sele chu, a lakah mi ka thup ding mi.

ISAI 19:3

Aigupta thiltum chu ka râwk lai le, an thinlung ah an dawn mi khawm ka râwk lai. Ṭangpi ding hen an milem tla an ngiar lai le, an va kal lai le, mithi thlarau kawhtu an simh lai le, mithi thlarau rangah thu an deih lai.

ISAI 44:25

Chamchawh thiam tla chu mi mâwl ah ka siam na le, ârfi leikângah simkantu tla ka mualphoh na. Mifing thu chu ka lawnh le, an finghnâk chu âtnâk asi ti ka langh.

JOHAN 13:18

“Nan ektê thu ka sim lo; ka thîm mi tla chu ka theih, sikhawmsele chu chu, ‘Ka sang eitu nih a hawng ka leido rawh,’ ti Pathian lasui thu kha a hawng tlung khonâk ding asi.

1 KORIN 1:20

Mi fing chu kha zeiah me? Mi thiam chu kha zeiah me? Hi laikulh ah êltu chu kha zeiah me? Pathian nih laikulh finghnâk hi âtkâi asi ti a theihtir lo masi?

JEM 3:15

Chu hâwi mi finghnâk chu vân lei thawk hen a suak mi asi lo le, laikulh leh taksa leh khurî thawk hen mi asi dauh.