2 SAMUEL 15:3 - Bawm Common Language Bible Version

³ Absalom nih chun, “Zauhnik dân nih na thu chu a ruat awt le, sikhawmsele na thunawk ngâipitu ding lalchem aiawhtu an um lo,” a ti tâwn.

2 SAMUEL 15:3 ပူးပေါင်းရင်းမြစ်များ

2 SAMUEL 15:4

Absalom nih, “Âuzawng thunawk lanawk nei hen ka sinah hawng na sele, dik tak hen lâirêl piak ding hen lâirêltu si sele ka duh a,” a ti.

2 SAMUEL 8:15

David nih Israel tla tlûnah lâi a rêl le, rep tak leh ṭha tak hen a mi tla a zauhkhenh kumza na.

SAM 12:2

Mi zawzawng âwkrâwl anna simh tawnh le, sawr telenâk hen anna perpet.

EXODUS 20:12

“Nan nu leh nan pa zah na u, chu tikah ka nan pêk na mi ram ah hin nan san sâu lai.

EXODUS 21:17

“A nu mawh a pa mawh siatbarhtu chu thah ding asi.

THUFING LASUIBU 12:2

Mi ṭha tla tlûnah LALPA chu â lâwm le, sikhawmsele thilsual ti tumtu tla chu a mawhtir na.

THUFING LASUIBU 30:11

Mi zeimaw mi nih an pa siat an barh le, an nu thinlung duhzia hen an umlo.

THUFING LASUIBU 30:17

Âuzawng a pa nihsanhtu leh a tar nûnah a nu zauhnawmhtu chu, mulukawlh nih a sa an ei hen langâk tla nih a mit chawih seh.

EZEKIEL 22:7

Khuapi lakah âukhawm nu leh pa zahtu an um lo. Ramdang minung chu na perpet le, numei leh mi ngâkṭah tla chu dingchangnâk ah na mang na.

DANIAL 11:21

Vânmifial nih a simhfiang vima le: “Siria lal a hawng um nawlh ding mi chu misual tak asi lai le, lal silo ding mi lakah ruat lo tak hen a hawng si le, perpet hen thiltikhonâk â ting.

NUMBER 16:3

Mosi leh Aron mâikâ ah an va a pûm le, “Nan leiluat tuk! zapi minung zawng chu LALPA tâ hep an si, kan ektê sinah LALPA a um. Chu hâwi mi lakah, zei rangah nang Mosi hi, LALPA mi tla lakah chungnung khun hen na ngaih,” an ti.

MATHAI 15:4

Pathian nih, ‘Na nu leh na pa chawnglawmh rawh,’ ‘Âuzawng a nu mawh a pa mawh simsiattu chu thi ngelchel seh,’ a ti ruangah.

THILTI 23:5

Chun, Pawl nih, “Unau le tla, Bâwlpu Lalchem asi ti ka theih loh asi; ‘Na unau tla hotu tlûnah thu ṭhalo sim lah, ti hen khawm rîn asi,” a ti.

1 PETER 2:17

Mi zawzawng chawnglawmh u, na unau lungtu tla dâwt na le, Pathian ṭih u, chun Lalchem chu chawnglawmh u.

2 PETER 2:10

Chubang tla chu, an taksa duhnâk nâwmtâm lei zûltu tla leh Pathian thuneihnâk zauhnawmhtu tla an si. Hi sîntirtu telê tla hi an râlṭha hen anna zûm le, tlûnlei mi rokualnâk khawm zahnâk an nei lo le, an do lehlam asi.