2 SAMUEL 14:19 - Bawm Common Language Bible Version

¹⁹ Lalchem nih chun a sinah, “Hi thu lakah hin Joab nih an telhsih bâk ma?” a ti. Nunau nih a sâng le, “Bâwipa, nangmah min hen ka sim asi, na thu deihnâk sâng ding hen zeikhawm khamnâk lampi a um lo. Hotu ah na siam mi Joab nih ti ding leh sim ding hen hawng ka simh mi asi.

2 SAMUEL 14:19 ပူးပေါင်းရင်းမြစ်များ

2 SAMUEL 11:11

Uria nih a sâng le, “Juda leh Israel mi tla an kal hep, Pathian Thudântuk Bâwm khawm an sinah a um ving, ka hotupa Joab leh hotu dang khawm riakmun ah an um hep. Zeitin kei mah ê hen in leiah ka kal lai le, ka din ka rî hen ka nupi sinah ka it zia lai? Chubang tla ruang chun chu hâwi thil chu ka ti rêng lai lo ti ka tiam asi!” a ti.

2 SAMUEL 14:18

Lalchem nih a sâng le, “Thu ka nan deih awt, thudik fiang tak na hawng ka simh ding asi,” a ti. Nunau nih a sâng le, “Bâwipa, zei thu tal hawng ka deih,” a ti.

2 SAMUEL 14:3

Churawhchun, sim ding mi thu va sim ding hen lalchem sinah va kal,” a ti. Sim ding mi thu vial chu Joab nih a simh rawh.

2 SAMUEL 18:13

Lalchem thupêk ngâilo hen Absalom ka thah asi chun lalchem nih a theih asi chun, thu zeizawng a theih ver tâwn mi, na hawng ka sanh kho ding asi lo,” a ti.

2 SAMUEL 3:27

Abner chu Hebron ah a va tleng rawh chun Joab nih kulh kawtkâ ah a kalpi le, amah chu mi kingnâk ah thu thup ruah ding hâwi hen a kalpi le, a paw lakah thi thlo hen a sunh. Abner chu Joab unaupa Asahel rangah a thah ruangah amah khawm thah hen a um rawh.

2 SAMUEL 3:29

Joab leh a dâwngsung tla tlûnah rêpnâk chu tlung seh! Phâr mawh vunrâi mawh, rianṭuan kho lo hen mawh, râltuknâk ah thi hen mawh, pâm hen mawh an thlâk tla tlûnah um seh,” a ti.

2 SAMUEL 3:34

A kut khawm â phuar lo? A kê tla khawm â phuar lo, Misual thah mi hâwi hen a thi!” a ti. Mipi tla chu amah rangah an ṭappi nawlh chiam.

2 Lal 2:2

lampi ah Elija nih Elisa sinah, “Tuah hinah hin um le, LALPA nih Bethel ah kal ding hawng ka fial” a ti. Sikhawmsele Elisa nih a sâng le, “LALPA a nung mi leh na sinah zumhkâi tak hen ka um mi min hen ka sim asi, ka nan kaltâk lai loh,” a ti. Churawhchun, Bethel ah an panih hen an va kal.

EXODUS 4:15

A sinah thusim ding mi vial na simh kho. Nan panih hen sim ding hen kan ṭangpi na lai le, nan panih hen ti ding mi tla kan simh na lai.

THUFING LASUIBU 25:2

Pathian chu thil a thuh mi ruangah kan zah le, Lal tla nih an simhfiang ruangah kan zah na.

THUFING LASUIBU 4:27

Sual ti lah le, na mâilei ah ding zar hen kal. Lampi dik lakah mi chu kâr khat khawm pial lah.

NUMBER 20:17

Na ram pal hen lan ding zângfahtê hen hawng kan siang piak râu rawh. Kan ran tla hen nan phâisen leh grep dûm leiah pial lo hen nan tikhurchawh ah mi tî khawm kan din awtlo, a lampi tê ah na ram lanh tiang kan kal lai,” an ti.

LUK 21:15

nan mêlma zawzawng an kham na hen an êl kho lo na nâk ding hen thu leh finghnâk ka nan pêk na awt ruangah.

DEUTERONOMY 28:14

Sikhawmsele, zei lak khawm ah ê-aw ngâilo hen nan um ding asi lo, pathian dang tla sawnh hen a rian nan ṭuan ding asi lo.

DEUTERONOMY 5:32

“Israel mi tla, LALPA nan Pathian nih thu an pêk na mi thil zeizawng nan ti mi chu theih u. A dân pêk pakhat khawm zûl lo hen um lah u.

JOSUA 1:7

Rep tak leh tumnâk nei thlir leh zumh thlir hen um; Mosi ka to-aw nih a nan pêk mi dân zawzawng zûl ding hen theih set, a zeitê khawm thlawrhthâu lah le, na kalnâk zawzawngah na dingchang lai.

1 SAMUEL 1:26

Hanah nih Eli sinah, “Pu, zângfahtê hen hawng ka ngaihdam, na ka theih ko rih ma? Hinah nunau a dîr hen LALPA sinah thlachamtu na ka muh mi kha kasi.

1 SAMUEL 17:55

Saul nih Goliath do ding hen David a kal mi a muh le, a kawrsen hotu Abner rangah thu a deih le, “Abner, âu fapa mesi?” a ti. Abner nih a sâng le, “Bâwipa, ka theih loh asi,” a ti.

1 SAMUEL 20:3

Sikhawmsele David nih a sâng le, “Na pa nih na ka kawmh zia hi a theih hep, nang khawm na lung a fâk awt thlo ruangah thilti a tum mi chu a nan theihtir ding asi lo. LALPA nung mi min sal hen thu ka sim asi, kei lam chu thih pâng chuan hen ka um mi ko rawh!” a ti.

1 SAMUEL 25:26

Na mêlma tla na thah liauah an humtu chu LALPA asi, tuah LALPA nung mi min sal hen thu ka tiam asi. Nang rangah nganfâk pêk ding an tumtu chu Nabal hâwi hen rêp an si lai.