2 SAMUEL 14:17 - Bawm Common Language Bible Version

¹⁷ Pu, kei ruatnâk ah nang chu Pathian vân minung hâwi na si le, a sia a ṭha khawm na thliar kho, thu na sim mi hâwi hen na ka hum lai ti ka ruat. LALPA na Pathian chu na sinah um seh,” a ti.

2 SAMUEL 14:17 ပူးပေါင်းရင်းမြစ်များ

2 SAMUEL 14:18

Lalchem nih a sâng le, “Thu ka nan deih awt, thudik fiang tak na hawng ka simh ding asi,” a ti. Nunau nih a sâng le, “Bâwipa, zei thu tal hawng ka deih,” a ti.

2 SAMUEL 14:20

Sikhawmsele hi thu zawzawng hi a tluang khonâk ding hen a ti mi asi. Nang Lalchem chu Pathian vânmifial hâwi hen na fing le, thil a hawng um mi khawm na theih hep,” a ti.

2 SAMUEL 19:27

Nangmah sinah âwkrâwl hen hawng ka sim le, sikhawmsele nang chu Pathian vânmifial hâwi na si le, nangmah nih dik na ti zia zawng hen ti ko.

2 SAMUEL 19:28

Ka pa le dâwngsung tla chu nangmah lalchem nih thah ding an tlâk asi, sikhawmsele na dawhkân ah ei khonâk thuneihnâk na ka pêk le, nangmah lalchem sinah zângfahnâk deih khonâk ka nei lo rawh,” a ti.

1 Lal 3:28

Churawhchun, Israel mi tla nih Solomon nih thu a thlûk zia an theih le, thungâi an zah, êlnâk ding mi thu lakah ṭha tak hen thlûk ding hen finghnâk Pathian nih a pêk ti an theih ruangah.

1 Lal 3:9

Churuangah chun na mi tla chu dik tak hen lâi ka rêl kho ding hen leh a sia a ṭha lakah a dangnâk ka theih khonâk ding hen finghnâk ka herh mi hawng ka pêk rawh. Chu lo chun zeitin hi na mipi tla zeiliau zawng ah lâi ka rêl lai,” a ti.

JOB LASUIBU 6:30

Sikhawmsele, nannih nih âwkrâwl thusim hen nan ka ruat. A diklo mi lakah thudik sim kho lo ding hen nan ka ruat.

THUFING LASUIBU 27:21

Mei hen ngûn leh tangka chu nik asi le, minung minthangnâk khawm nik kho asi.

THUFING LASUIBU 29:5

Na hâwi tla, vêl leh khua hen na sawr chun, nangmah rangah thang na tunh mi asi.

HEBRAI 5:14

Buh rum lam chu upa sia leh ṭha theih ding hen ei â zawngh mi rangah asi.

JOSUA 1:17

Mosi thu kan ngâi mi hâwi hen nang thu khawm kan ngâi vima lai; LALPA na Pathian chu Mosi sinah a um mi hâwi hen nang sinah khawm um seh!

1 SAMUEL 29:9

Akis nih, “Kei lam nih chun rem ka ti, Pathian vân minung tluk hen zumh na kâi hen kan ruat. Sikhawmsele lal dang tla nih kan sinah râltuknâk ah a hawng kho lai loh a nan ti.