2 SAMUEL 13:28 - Bawm Common Language Bible Version

²⁸ a to-aw tla khawm a simh zet na, “Amnon rangah zû cherkhet dinh u le, thah ding hen thu kan pêk na tikah amah chu thah ko u, ṭih rîlmâl lah u, a mawh chu keimah nih ka phurh lai, zâm lo hen râlṭha tak hen um u,” a ti,

2 SAMUEL 13:28 ပူးပေါင်းရင်းမြစ်များ

GENESIS 9:21

Uain a din le a rî, a nipuan tla a lît le, a puanin ah takkaro hen a it.

2 SAMUEL 11:13

A thâizîng ah chun David nih buh ei ding a sâwm le, uain tla a dintir, sikhawmsele chu zân khawm Uria chu a in leiah a kal lo le, vêngnâk kardang sungah puan â aih le, a it ving.

2 SAMUEL 11:15

Chun, lasui lakah chun: “Uria chu râl sangtu tlar ah siah le, râltuknâk a zual chemnâk mun ah siah, a thi khonâk ding hen,” a ti.

2 SAMUEL 12:10

Tuah na thlâk zawzawng thlâk tla zeimaw mi chu Uria nupi na suh ruangah leh ka thu na ngâilo ruangah an thi hep ding asi.

2 SAMUEL 13:27

Sikhawmsele, David rangah Amnon leh lal fapa dang tla khawm kal ding hen a ngiar êu. Absalom nih lalchem rangah puai hâwi a timhtuah le,

2 SAMUEL 14:6

Fapa panih ka nei le, nikhat chu phâisen ah thu anna êl le, anmah ṭhentu ding âukhawm an um lo, pakhat nih a unaupa rangah a thah ving.

1 Lal 20:16

Râltuk chu Benhadad leh a mi tla sâwmthum leh panih an puanin ah zû an din liau chirah sûn ah an dawmh rawh.

ESTHER 1:10

Lal nih puai a pêk na mi ni sarihnâk ah chun lal chu nuam ti tak hen uain a din. A bîk hen amah to-aw mi tilkhei pasarih Mehuman, Biztha, Harbona, Biktha, Abaktha, Zethar leh Karkas a kawh na.

SAM 104:15

Amah lawmhtir ding hen uain tla suah ding hen leh oliv sariak nih chun amah lawmhtir ding hen, sang tla nih chun amah chaktir ding hen.

EXODUS 1:18

Lalchem nih faring zauhkhenhtu tla chu, “Zei rangah hi hâwi thil nan ti, zei rangah mipa fa tla nan zuah?” a ti na.

THUSIMTU 10:19

Puaituah nih a nan lawmhtir le, uain nih nuamnâk a nan pêk, sikhawmsele tangka na nei lo chun, chubang chu tawng kho mi asi lo.

THUSIMTU 9:7

A mâi masa le, na buh ei le, lâwm tak hen um; na uain din le, thinlung lâwm tak hen um rawh. Pathian sinah um chu a dik asi.

DANIAL 5:30

Chu zân takah chun Belsazar, Babulon lalchem chu thah hen a um le,

NAHUM 1:10

Banhtu ling leh fapawn a châr mi hâwi hen na kâng hep lai!

LUK 21:34

“Sikhawmsele, a thiamthih u, chu lo chun ei khawp tuktarâi hen, zû rî hen, dam sung khawsat dawn hen nan thinlung a khat sual lai. Chu ni ah chun thang awh hâwi hen lâkkhatko ah nan tlûnah a hawng tlung khup lai.

THILTI 5:29

Sikhawmsele Peter leh mifial tla nih chun, “Minung thu ngâk hen Pathian thu kan zûl dauh ding asi.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

LÂIRÊL 19:22

Chu hâwi hen lâwm tak hen an um liauah chun khua sungah mi mi hur pungmang tla nih in sung an hawng kulh le, inkhâr chu an hawng dêng rawh. Tarpa rangah chun, “Na in ah khua leiah tlung ding mi mipa kha hawng suah. Amah pung ding kan duh!” an ti.

LÂIRÊL 19:6

Churawhchun, an panih hen an ei le, an din rawh. Chun a pu nih an sinah, “Zângfahtê hen tuzân chu riak nawlh ule, nuam tak hen um nawlh u rih ma a,” a ti na.

LÂIRÊL 19:9

An nupa hen thawh ding anna tum nawlh le, a pu nih, “Zânlei vung rawh ta a! Riak nawlh dâidua ko u. A mûi sawm ding ko rawh; um nawlh dâidua ule, nan rangah a ṭha lai. Thâizîng zîngtê ah nanna thawh lai le, nan tlung ko lai ma kha a,” a ti na.

RUTH 3:7

Boaz nih a din hen a ei thluh rawh chun nuam tak hen a um rawh. Fâng pawng leiah a kal le, a it rawh. Ruth chu dâisip hen a kal le, a nipuan aih a lîm le, a kê kiangah a va it.

1 SAMUEL 18:22

Saul nih a to-aw tla chu a thuptê hen David sinah, “Lalchem hi na tlûnah thungâi â lâwm le, a rianṭuantu tla khawm nih an lungna a tlâ, nang rangah a fanu umpi ding â rem chir asi,” ti hen simh ding hen thu a pêk na.

1 SAMUEL 28:10

Churawhchun, Saul nih thu a tiamh, “LALPA a nung mi min sâl hen, hi bang thil na ti ruang hin rêp na si rêng lai lo,” ti hen a simh.

1 SAMUEL 28:13

Lalchem Saul nih a sinah, “Ṭih rîlmâl lah! Zei na muh?” a ti. Nunau nih a sâng le, “Tual thawk hen thlarau a hawng suak mi ka muh,” a ti.