2 SAMUEL 12:7 - Bawm Common Language Bible Version

⁷ Nathan nih a sinah, “Chu minung chu nangmah na si. Hi hi LALPA, Israel Pathian nih a sim mi chu asi: ‘Saul kutah mi ka nan hum le, Israel lalchem ah ka nan siam.

2 SAMUEL 12:7 ပူးပေါင်းရင်းမြစ်များ

2 SAMUEL 14:13

Nunau nih a sinah, “Zei rangah Pathian mi lakah thil diklo na ti zia? Mi ram ah na fapa a tâng mi chu na tlungtir dahlo. Churuangah tuah na thusim ruangah nangmah na mawh asi.

2 SAMUEL 22:1

LALPA nih David chu Saul leh a mêlma thawk hen a hum ruangah hi la hi LALPA sinah a sak asi:

2 SAMUEL 22:49

Ka mêlma lakah hawng ka hum. Aw LALPA, ka mêlma nehnâk hawng ka pêk le, rian tleihtu tla lakah mi hawng ka vêng.

2 SAMUEL 7:8

“Churuang chun ka to-aw David chu simh le, Kei, LALPA zeizawng tikho nih chun, ‘Dawrâ vêng hen phâisen ah na um liauah ka mi Israel tla lâirêltu ah kan thîm mi asi.

1 Lal 14:7

Kal le, Jeroboam sinah, LALPA Israel Pathian nih thu a simh mi hi va simh, ‘Zapi lakah mi ka mi Israel tla lakah lâirêltu ding ah ka nan thîm.

1 Lal 18:18

Elija nih a sâng le, “Kei chu nawktirtu ka silo, nang leh na pa nan si. LALPA thupêk zûl lo hen Baal ruk na sawnh.

1 Lal 20:40

Sikhawmsele thil dang dang lakah ka nawk ruangah chu minung chu a suak ving,” a ti. Lalchem nih a sâng le, “Nangmah rêpnâk thu na sim mi ma kha, rêp hen na um ding asi,” a ti.

1 Lal 20:42

Khuavâng nih lal sinah, “Hi hi LALPA thu asi, ‘Thah ding hen thu ka nan pêk mi minung na suah ruangah a ruangrûl ah na nungnâk na pêk ding asi, a kawrsen tla na suah na ruangah na kawrsen tla khawm veih asi lai,” a ti.

SAM 18:1

LALPA! hawng ka vêngtu na si! Ka nan zângfah zia chu!

JEREMIA 34:6

Churawhchun, Babulon lalchem kawrsen nih khuapi an do liau chirah lalchem Zedekiah Jerusalem mi sinah chu thuchah chu ka sim.

DANIAL 4:22

Bâwipa, thing sâng tak leh khauh tak chu nangmah na si, nang chu na rokual tuk le, vân na tawngh, na thiltikhonâk hen laikulh pumpi a khat.

MATHAI 14:14

Chun, anih chu vakap ah a suak rawh chun mi zapi cherkhet a muh le, thungâi a siherh na, damlo tla a damh na.

1 SAMUEL 13:13

Samuel nih a sâng le, “Chu hâwi thilti chu ât a kâi tuk,” a ti. LALPA nih thu a nan pêk mi hi na zûl lo ma hi. Zûl le chu Israel tla tlûnah na damsung zawng lâirêltu ah a nan umtir ding mi.

1 SAMUEL 15:17

Samuel nih, “Nangmah chu zeikhawm silo ah a ruat khawm le, Israel phun ruitu na si, Israel lalchem siding hen LALPA nih sariak a nan thuh le,

1 SAMUEL 16:13

Samuel nih oliv sariak a lâk le, a unau tla mâika ah David chu sariak a thuh rawh. Lâkkhatko ah LALPA thlarau nih David chu a luah le, chu ni thawk hen chun a sinah a um vima rawh. Churawhchun, Samuel chu Ramah khua leiah a kîr rawh.

1 SAMUEL 18:11

A thinlung hen Saul nih, “Vam ah bêk tap hen ka khawh sih nik lai,” a ti; veinih a khawh le, a khawh kip hen David chu â phêt ving, â phêt ving.

1 SAMUEL 18:21

“A thinlung hen Mikal chu David rangah ka pêk lai le, amah perpettu ah ka mang lai le, Philistia mi tla nih an thah khonâk ding hen,” a ti. Churawhchun, a veinihnâk ah Saul nih David sinah, “Ka samâkpa na si lai rawh,” a ti.

1 SAMUEL 23:14

David chu tlâng ram Ziph ramkaro kiangah â thup le, a um ko. Saul nih a hâwl kumza le, sikhawmsele Pathian nih a kut lakah a pêk lo.

1 SAMUEL 23:7

David chu Keilah khua ah a kal ti chu Saul rangah an simh le, Saul nih, “Pathian nih ka kut ah a pêk rawh mi ma chu, David chu kulhnei leh kawtkâ nei mi khua ah khumh hen â awh rêng rawh dangâiah,” a ti.