2 SAMUEL 12:1 - Bawm Common Language Bible Version

¹ LALPA nih David sinah khuavâng Nathan a fial. Nathan chu a sinah a va kal le, a sinah, “Minung panih khua khat ah an um le, minung pakhat chu minei asi, pakhat chu mipâm asi.

2 SAMUEL 12:1 ပူးပေါင်းရင်းမြစ်များ

2 SAMUEL 11:25

David nih mifial sinah, “Joab rangah hi hâwi hen simh. Râlṭha tak hen um seh, râltuknâk ah âu a thi lai ti nan sim kho lo, khuapi chelh ri hen do na sele lâk na seh,” a ti.

2 SAMUEL 12:2

Mineipa nih ranrual leh dawrâ rual tla tam tak a nei,

2 SAMUEL 14:14

Kan thi ver ding ko rawh, tual ah tî thlêt hen pumh nawlh kho lo mi hâwi hen kan si ko rawh. Pathian khawm nih a thi rawh mi chu a nunh nawlh lo. Sikhawmsele, Lalchem nih chun a tâng mi minung kîr nawlh ding hen a lampi a hâwl kho asi.

2 SAMUEL 7:17

Nathan nih David rangah Pathian nih a sim mi zawzawng a simh hep.

1 Lal 1:8

Bâwlpu Zadok; Jehoiada fapa Benaiah, Khuavâng Nathan, Shimei, Rei leh David vêngtu tla chu Adonijah leiah anna kawplo.

1 Lal 13:1

Juda ram thawk hen khuavâng pakhat LALPA thupêk hen Bethel ah Jeroboam nih bâwlnâk ap ding hen mâichâm kiangah a dîr liau chirah a va tleng.

1 Lal 18:1

Chu nehnûnah ni khuakheu a kum thumnâk ah LALPA nih Elija sinah, “Lalchem Ahab sinah kal le, va a langh, ruah ka hawng sûrtir awt rawh,” a ti.

1 Lal 21:18

“Samaria ram lalchem Ahab sinah va kal le, Naboth grep dûm â ting mi na muh lai.

1 Lal 4:5

Ram ṭhen mi bial khat lakah hotu tla chu: Azariah fapa Nathan Lal krai pêktu lian chu: Nathan fapa Zabud bâwlpu

2 Lal 1:3

Sikhawmsele LALPA vânmifial nih Tishbe mi khuavâng Elija chu Lalchem Ahaziah nih mi a fial na mi tla hen va a tawng ding hen thu a pêk. “Ekron khua Baal Zebub pathian sinah zei rangah krai khâi ding hen nan kal awt? Israel ram ah Pathian umlo hen nan ruat ruangah ma?

1 CHRONICLES 29:29

Lalchem David lal â dawmhnâk thawk hen a dawngh tiang thâwngthâng chu khuavâng singsiahnâk bu pathum, Samuel, Nathan leh Gad lakah â rîn.

ISAI 39:3

Churawhchun, khuavâng Isai chu lalchem Hezekiah sinah a va kal le, “Hi bang minung tla hi zei thawk hen hawng me an si, zei thu me na sinah an sim?” ti hen a deih. Hezekiah nih a sâng le, “Ram lât tak Babulon thawk hen hawng mi an si,” a ti.