2 SAMUEL 11:1 - Bawm Common Language Bible Version

¹ Kum a vei nûnah chun lal tla râltuk ding tik asi rawh chun David nih Joab a kawrsen hotu chu Israel kawrsen tla hen a fial na le; Rabah khua chu an hual le, Amon mi tla chu an neh na rawh. David lam chu Jerusalem ah a um.

2 SAMUEL 11:1 ပူးပေါင်းရင်းမြစ်များ

2 SAMUEL 10:14

Amon mi tla nih Siria mi tla an tek mi an muh rawh chun, Abisai hen anna do mi chu an tek bâk le, khuapi ah an kîr. Churawhchun, Joab nih Amon a do mi chu Jerusalem leiah a kîr bâk rawh.

1 Lal 20:22

Churawhchun, khuavâng chu lalchem Ahab sinah a kal le, a sinah, “Kîr le, na murui tla timhtuah le, thiamthih tak hen thilti le, Siria lal nih kum vei fûr a tlâk tikah an do nawlh awt,” a ti.

1 Lal 20:26

A kum nawlh ah tifûr a tlâk rawh chun a kawrsen tla a pumh na le, Israel tla do ding hen Aphek khuapi ah an kal.

1 CHRONICLES 20:1

A kum vei lal râltuk kal liau hûnah, Joab nih a kawrsen tla hen Amon ram an va rûn le; lalchem David lam chu Jerusalem ah a um ko. Rabah khua chu an hual le, an do na, an râwk dep.

2 CHRONICLES 36:10

Tifûr a tlâk rawh chun Jehoiakin chu Nebukadnezar nih Babulon ah sal ah a put ving le, Biakin ah mi thil-le-rî khawm a kalpi hep. Nebukadnezar nih Jehoiakin patê Zedekiah chu Jerusalem leh Juda lal ah a siam.

SAM 60:9

Pathian, kulh bir ah âunih hawng ka siah lai? Edom ah âunih an ka kalpi awt?

THUSIMTU 3:8

Dâwt tik leh huat tik a ruat, râltuk tik a ruat, rem tik a ruat.

JEREMIA 49:2

Sikhawmsele Rabah khuapi mi tla chu râltuknâk hâu ka theihtir na lai le, râwk dep hen mâk hen a um lai le a khua tla duah hen a um ding mi tik chu a tlung rawh. Israel tla nih an ram lâktu lakah mi chu an suh nawlh na lai.

JEREMIA 49:3

Hesbon mi tla, ṭap u! Ai khua chu râwk hen a um rawh! Rabah ah mi nunau tla, lungfâk tak hen um u! Salâpuan a aih ule, ulh u. Nawk ruangah tek u. Nan pathian Milkom chu a lal leh a bâwlpu tla hen sal ah kalpi hen an um lai.

EZEKIEL 21:20

Pakhat nih chun lalchem chu Amon khuapi Raba leikâng lampi a zauhtir lai le, a dang nih kulhnei khuapi Jerusalem Juda ram leikâng lampi a zauhtir lai.

AMOS 1:14

Churuangah Rabah khuapi kulh leh in tla chu mei hen ka duah awt, râltuk ni ah chun râk hâu tla a um lai le, tuknâk chu thlipi hâwi hen a fâk lai.

ZEKARIA 14:3

A lânah a do na mi hâwi hen LALPA chu a suak lai le, phun tla a do na lai.

DEUTERONOMY 3:11

(Og lalchem chu Rephaim lal madung chem asi. A ruak siahnâk kuang chu lung hen siam mi asi; tahnâk dân hâwi hen feet leili hen a sâu le, feet ruk hen a lian. Amon khuapi Rabah ah muh kho asi nget rih.)

1 SAMUEL 18:30

Philistia mi tla an hawng tâwn le, an do tâwn, sikhawmsele tuknâk kip ah Saul hotu tla ngâk hen David chu a dingchang dauh tâwn. Churuangah David chu thungâi a minthang rawh.