2 SAMUEL 10:12 - Bawm Common Language Bible Version

¹² Chak tak leh râlṭha tak hen um u! Kan mi leh kan Pathian khuapi rangah kan do lai. LALPA duhzia hâwitê hen ti hen um seh!” a ti.

2 SAMUEL 10:12 ပူးပေါင်းရင်းမြစ်များ

2 SAMUEL 10:11

Joab nih Abisai sinah, “Siria nih hawng kan neh chun, hawng ule, hawng ka bawmh u, nang khawm Amon mi tla nih an neh chun ka hawng lai le, kan bawmh lai.

2 SAMUEL 15:26

Sikhawmsele, a duhzia lo asi chun, a duhzia zawng ka tlûnah tlungtir ko seh,” a ti.

1 CHRONICLES 19:13

Chak tak leh râlṭha tak hen um rawh! Kan mi tla leh kan Pathian khuapi rangah chelh ri hen kanna ṭang lai. LALPA nih a ti vima lai,” a ti.

2 CHRONICLES 32:7

“Tumnâk bir tak leh zumh thlir hen um ule, Asiria lal lianchem leh a kawrsen rui tla chu ṭih rîlmâl lah na u. Anih leikâng mi ngâk hen kannih lei thil kan ti kho dauh.

NEHEMIAH 4:14

Mi tla chu ka zauhnâk ah thungâi dî hen ka theih na le, an sinah leh anmah ruitu leh rianṭuantu tla sinah, “Kan mêlma tla chu ṭih na lah u; LALPA rokual zia leh ṭihnungkâi zia theih ule, a ram lakah nan hâwi tla, nan fa tla, nan nupi tla, nan in tla ruangah do u,” ka ti na.

NEHEMIAH 4:8

Churawhchun, Jerusalem do ding leh nawknâk siam ding hen hawng kal ding anna thlûk rawh.

ESTHER 4:16

“Juda zawzawng Susa ah pumh ver na le, ka rangah buh ngei hen thlacham u. Ni thum leh zân thum chu buh ei leh tî dinlo hen um u. Ka to-aw nungâk leh kei khawm nih chu hâwi kan ti bâk lai. Chu tikah dân si lah khawmsele lal sinah ka va kal lai, churuangah thi ding asi âwk le, ka thi ko lai,” a ti.

JOB LASUIBU 1:21

“Ka nu pawsung thawk hen takkaro hen ka hawng suak le, takkaro hen ka thi lai. LALPA nih hawng ka pêk le, tuah a lâk rawh. A min chu sawr hen um seh!” a ti.

NUMBER 13:20

A ram chu a ningno ma, thing mun ma asi zauhfiang u. Chu ram ah a kho mi theirah tla chu nan kîr leiah hawng put ngelchel u,” a ti. (Grep rah a min tîr liau asi.)

1 KORIN 16:13

A vêng ule, lungnâk ah chun dîr thlir ule, nan râl a ṭhattir ule, chak tak hen um u.

DEUTERONOMY 31:6

Zumh thlir le, tum thlir. Annih tla chu ṭih na lah u. Nan Pathian, LALPA amah tak chu nan sinah a um lai. A nan thlahthlamh hen a nan kaltâk na lai lo,” a ti.

DEUTERONOMY 31:7

Churawhchun, Mosi nih Josua chu a kawh le, Israel mi zawzawng mâika ah a sinah thu a simh, “Zumh thlir le, tum thlir; nang hi an thlâktu tla sinah LALPA nih a tiamh mi ram va luah ding hen hi minung tla rangah ruitu ding mi chu na si.

HEBRAI 11:33

Chubang tla nih chun lungnâk hen ram tla an lâk le, thil dik an ti le, thutiam tla anna ting, chakeibaknei kâ tla an chîp piak.

HEBRAI 13:6

Chun, râlṭha tak hen, “Lalpa chu hawng ka ṭangpitu asi, ka lâu lai loh; minung nih zeitin a ka ti kho lai,” kan ti tâwn asi.

JOSUA 1:18

Na thu êltu leh na thupêk zûl duhlotu chu thah ding asi. Tum thlir le, zumh thlir ko!” an ti.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

LÂIRÊL 10:15

Sikhawmsele Israel mi tla nih LALPA sinah, “Kan sual ngâk asi. Na duhzia zawng ti le, sikhawmsele zângfahtê hen tusûn ni ah ruang hawng kan suah,” an ti.

1 SAMUEL 14:12

Churawhchun, Jonathan leh tlangvâl chu an kawh na le, “Hinah hawng kâi u! Thu zeimawh an simh na ding kan nei,” an ti. Jonathan nih tlangvâl sinah, “Hawng ka zûl, LALPA nih anmah nehnâk Israel rangah a pêk rawh,” a ti.

1 SAMUEL 14:6

Jonathan nih tlangvâl sinah, “Khinah varâl lei Philistia lunglo tla umnâk ah kan va kal lai. Pathian nih hawng kan ṭangpi lai ba a; hawng kan ṭangpi mi asi chun, nehnâk hawng kan pêk ding mi chu zeikhawm a kham kho lai loh, kan tawm ruangah zeikhawm pawinâk a um lo,” a ti.

1 SAMUEL 17:32

David nih Saul sinah, “Bâwipa, hi Philistia minung hi âukhawm nih ṭih lah na seh, keimah ka va kal lai le, ka do lai,” a ti.

1 SAMUEL 3:18

Churawhchun, thil zawzawng a simh hep, zeitê khawm a pheh loh. Eli nih, “LALPA asi mi chu, ṭha hen a ruat mi zawng a ti lai ta a!” a ti.

1 SAMUEL 4:9

Nan râl ṭhattir u, Philistia mi tla! Minung do hâwi hen do na ule, chu hâwi asi lo chun kan sal an si hâwi hen an sal ah kan um sual lai. Churuangah minung do hâwi hen do na u!” an ti.