2 SAMUEL 1:20 - Bawm Common Language Bible Version

²⁰ Gath leh Askelon khua lei tlângah phuang lah u. Chu lo chun Philistia nunau lunglo mi tla anna lâwm sual lai.

2 SAMUEL 1:20 ပူးပေါင်းရင်းမြစ်များ

EZEKIEL 16:27

“Tuah nangmah rêp ding hen leh na tingvo ka malsâwmnâk an lâk piak ving ding hen ka kut ka lirh rawh. Philistia mi a nan huatu leh na hurnâk fihtu sinah ka nan pêk rawh.

EZEKIEL 16:57

Tuah nang chu amah hâwi hen Edom mi, Philistia mi leh na kiangkam ah midang a nan huatu tla lakah tluktlak ding hen na um rawh.

MIKAH 1:10

Kan mêlma tla Gath a mi sinah neh kan si mi thu simh na lah ule, nan ṭap mi khawm a muhtir lah u. Beth Leaphrah mi tla, valeidip lakah rîl ule, nan lungdawngnâk langh u.

LÂIRÊL 11:34

Jepthah chu a khua Mizpah leiah a kîr le, a fanu nih khuang tum leh lâm bû hen a hawng dawng. A fanu neihlem asi.

LÂIRÊL 14:19

Lâkkhatko ah LALPA thiltikhonâk nih a chaktir le, Askelon ah a va kal le, minung sâwmthum a thah na le, an thuam a lît piak na le, puan mangṭhia tla chu thu har sim khotu tla a pêk na. Chu nûnah chun in leiah a tlung le, chubang thil a hawng um ruangah thungâi a thin a thawk.

1 SAMUEL 14:6

Jonathan nih tlangvâl sinah, “Khinah varâl lei Philistia lunglo tla umnâk ah kan va kal lai. Pathian nih hawng kan ṭangpi lai ba a; hawng kan ṭangpi mi asi chun, nehnâk hawng kan pêk ding mi chu zeikhawm a kham kho lai loh, kan tawm ruangah zeikhawm pawinâk a um lo,” a ti.

1 SAMUEL 17:26

David nih a kiangah mi tla sinah, “Hi bang hâwi Israel ningzak saihtu Philistia mi thahtu nih zei a tawng awt? Chu lo khawm ah hi Pathian nung kawrsen tla zuamtu Philistia minung lunglotu hi âu mesi?” ti hen a deih na.

1 SAMUEL 17:36

Chakeibaknei khawm vawm khawm ka thah, chu hâwitê hen hi Philistia lunglo mi lak khawm ka ti awt. Pathian nung kawrsen tla zuamtu hi.

1 SAMUEL 18:6

David nih Goliath a thah mi a hawng kîr nûnah kawrsen tla zawzawng khawm in leiah an tlung le, Israel ram khua kip mi nunau chu lalchem Saul dawng ding hen an kal. Chu tla chu lâwm tak hen la sak bû leh lâm bû hen an khuang leh ṭingṭang tum bû hen an dawng.

1 SAMUEL 31:4

A râlthuam puttu tlangvâl sinah, “Na nâmsâu phâwi le, hawng ka thah ko, Philistia pathian neilotu tla nih an ka thah hen anna khâwng lonâk ding hen,” a ti. Sikhawmsele tlangvâlpa nih ti ding a ṭih thlo. Churawhchun, Saul nih a nâmsâu a lâk le, amah â sunh thlap.

1 SAMUEL 6:17

Philistia tla nih chun ngawrnâk ngûn lem panga an sual man rangah an pêk mi chu: Asdod khua rangah pakhat, Gaza khua rang pakhat, Askelon khua rangah pakhat, Gath khua rangah pakhat leh Ekron khua rangah pakhat chiau an kuat.