2 SAMUEL 1:2 - Bawm Common Language Bible Version

² A thâituan ah minung pakhat Saul umnâk ah mi a hawng tleng; a ngâihsia ti theihnâk ah a puan tla a thlêk, valeidip a lû ah a phulh le, David sinah a va kal le, zah tak hen mâi a mûk.

2 SAMUEL 1:2 ပူးပေါင်းရင်းမြစ်များ

GENESIS 22:4

A ni thumnâk ah Abraham nih an kalnâk ding mun chu râl lât hen a muh.

GENESIS 37:29

Reuben chu tikhurchawh leiah a va kîr le, Josef chu a muh lo rawh, a lung a fâk tuk le, a nipuan a thlêk.

GENESIS 37:34

Jakob chu a lung a fâk tuktarâi le, a puan a thlêk le, salâ â aih. Sâwt tak hen a fapa chu a ulh.

GENESIS 43:28

Annih nih, “Kan pa, na to-aw nau tak chu a dam rih, nung le dam hen a um,” an ti. Chun, a mâika ah an kûn le, mâi an mûk.

2 SAMUEL 1:3

David nih, “Zei thawk hen hawng mi me na si?” ti hen a deih. Anih nih a sâng le,“Israel riakmun thawk hen hawng suak mi kasi,” a ti.

2 SAMUEL 13:19

Tamar nih vachâm a lû ah a phulh le, a kawrdawh a thlêk le, a kut hen a mêl a huh le, ṭap bû hen a kal vima rawh.

2 SAMUEL 14:4

Nunau chu lalchem sinah a va kal le, zah tak hen a buk rep le, mâi a mûk, a sinah, “Bâwipa, hawng ka ṭangpi!” a ti.

2 SAMUEL 15:32

David chu tlâng sîp a tleng rawh chun, chu sawnhnâk mun ah chun a hâwipa Husai Arkit mi nih a puan a thlêk mi leh a lû ah valei a phulh mi a muh.

2 SAMUEL 24:20

Churawhchun, Araunah chu â hawi le, David leh a mi tla amah lei an hawng mi a muh rawh. Chun, David mâika ah tual ah â lawnh tlak le,

2 SAMUEL 4:10

Ziklak ah Saul thih thu hawng ka simhtu minung nih chun thâwngthâng ṭha tak sim hen a ruat. Ka tleih le, amah chu ka thah ving. Chu chu a rangah a thusim man ka pêk mi asi ko!)

ESTHER 4:16

“Juda zawzawng Susa ah pumh ver na le, ka rangah buh ngei hen thlacham u. Ni thum leh zân thum chu buh ei leh tî dinlo hen um u. Ka to-aw nungâk leh kei khawm nih chu hâwi kan ti bâk lai. Chu tikah dân si lah khawmsele lal sinah ka va kal lai, churuangah thi ding asi âwk le, ka thi ko lai,” a ti.

ESTHER 5:1

A buh ngeinâk a ni thum ni ah Esther nih a lal thuam hen â thuam le, a va kal le, lal tonâk kardang ah mi laltophah zâwn thap hen lal in kulh sungah a dîr. Lal chu tualmâi lei hawi hen a sungah laltophah lakah a to.

SAM 66:3

“Thil na ti mi tla chu an chê a! Na thiltikhonâk chu a rokual ngâk! Na mêlma tla chu lâu hen na mâika ah an kûn.

EZEKIEL 27:30

An ektê hen nangmah ruangah an lung a fâk tuktarâi le, An lû ah valeidip phulh hen vachâm lakah an rîl.

HOSEA 6:2

Ninih mawh nithum karah hawng kan panhlâutir lai le, a mâika ah kan um lai.

JOEL 2:13

Nan nipuan thlêk cho â tâwk lo, nan thinlung a kuai mi chu nan ngaihsiat zia lang rê seh,” a ti. LALPA nan Pathian sinah hawng kîr u. Anih chu vêlnei leh khuaruatnâk hen khat mi asi. A dawnh kho hen thutiam bir tak hen a kil le; rêp ding tum lo hen ngaihdam ding a tum kumza.

MATHAI 12:40

Jona chu ni thum leh zân thum ngapi paw sungah a um hâwi khan Minung Fapa hi ni thum leh zân thum tual sungah a um bâk awt asi.

MATHAI 16:21

Chu ri rawh chun, Jisu nih Jerusalem ah a kal ding tla, upa tla, bâwlpu lal tla leh Dân sîntirtu tla lakah thil tam tak a tuar ding zia tla, thah hen a um ding zia tla, ni thum ni ah thawk hen a um ding zia tla chu a ṭhiruai tla theihtir a dawmh rawh.

JOSUA 7:6

Josua leh Israel ruitu tla nih an ngaihsia tukah an puan tla an thlêk le, Thudântuk Bâwm kiangah chun tual ah an ngaihsia ti theihnâk ding hen an lû ah valei kawp buk hen zânlei tiang an rîl ko.

THUPHUANG 3:9

Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.

1 SAMUEL 20:41

Ngâksia a kal rawh chun, lung pawng lanh lei mi David chu a hawng thawk le, a khûp tual a deh le, tual leiah veithum a buk, Jonathan leh David chu châwchawk bû hen thungâi an ṭap le, David lawksawngnâk chu Jonathan ngâk hen a fâk dauh.

1 SAMUEL 25:23

Abigail nih David a muh kâ hen, sanatung tlûnah mi chu a ṭum sawm le, David kebul ah

1 SAMUEL 4:12

Minung pakhat Benjamin phun ah mi chu tuknâk thawk hen Siloh khua leiah a hawng tek le, chu ni lîlâ ah a va tlung rawh. A ngaihsiat theihnâk ding hen a puan tla a thlêk le, a lû ah valei a phulh.

1 SAMUEL 4:16

Chu minungpa nih chun, “Râltuknâk thawk hen hawng suak kasi le, tusûn ah hi mun tleng ko hen ka hawng tek mi asi,” a ti. Eli nih a sinah, “Ka fapa, zei hâwi hen asi ne?” ti hen a deih.