2 PETER 3:7 - Bawm Common Language Bible Version

⁷ Sikhawmsele, tuah vân tla leh tual um mi tla hi, Pathian thu ber hen mei hen veih an si lai le, Pathian sunhsaklo tla lâirêlnâk leh veihnâk ding ni rangah siah an si.

2 PETER 3:7 ပူးပေါင်းရင်းမြစ်များ

SAM 102:26

An vei lai le, nang lam chu na um lai; puan hâwi hen an nawh ver lai le, na nawng lai le, an vei lai.

SAM 50:3

Kan Pathian chu dâisip hen a hawng lo; thinthawknâk mei chu a mâi ah a um, thlipi ṭihnungkâi chu a kiangkam ah a um.

ISAI 51:6

Vânlei zauh le tual zauh! Vân chu meikhû hâwi hen a vei ving lai le tual chu puan li hâwi hen a ṭet lai. A minung tla chu thovâi hâwi hen an thi lai. Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu a dawnghnâk asi lai.

ISAI 66:15

LALPA chu mei hen a hawng lai. An tlûnah a thinthawk mi tla rêp na ding hen thlipi thla tlûnah a hawng a chuan lai.

DANIAL 7:9

Ka zauh ko liauah laltophah a hawng toh, laltophah tlûnah um kumza mi chu a to, a nipuan chu vûr hâwi a vâr le, a sam chu samul thiang mi hâwi asi. A laltophah chu mei kari chângpah tlûnah toh hen a um le, meialh lian tak asi le,

ZEPHANIAH 3:8

LALPA nih, “Ngâk râm rih le, phun tla ka phiar na ding ni chu ngâk ko rih. Ka thinthawknâk theihtir na ding hen phun tla leh lalram tla pumh na ding ka tum. Ka thinrunhnâk mei hen tual pumpi ka veih awt.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MATHAI 10:15

Thungâi tak hen ka nan simh na, lâirêl ni ah chun chu khua tla tuar ngâk chun Sodom leh Gomorah ram tuar ding chu a ziachâng a um dauh lai.

MATHAI 11:22

Sikhawmsele, ka nan ti na, lâirêl ni ah chun nannih tuar ngâk hen Tura leh Sidon tuar ding chu a ziachâng a um dauh lai.

MATHAI 11:24

Sikhawmsele, ka nan simh na, lâirêl ni ah chun na tuar ding mi ngâk chun Sodom ram tuar ding mi chu a ziachâng a um dauh lai,” a ti.

MATHAI 12:36

“Chun, ka nan simh na, mi nih thu-do-tla-lo an sim kip ah chu thu thâwngthâng chu lâirêl ni ah chun an sim lai.

MATHAI 24:35

Tual leh vân a vei lai le, ka thu lam chu a vei lai lo.

MATHAI 25:41

“Chu thluh chun, a kehlei ah mi tla sinah khawm chun, ‘Siatbarh mi tla, zungzâl mei Diabol leh mifial tla rangah an timhtuah mi lakah chun hawng ka kaltâk u,

MARK 6:11

Chun, zei khua khawm ah an lawmh na lo hen, nan thu an ngâi lonâk zawng ah chu thawk hen nan suak tikah chun anmah theihtir na ding hen nan kezaphah tangah valeidip kawp mi chu khâwng u,” a ti.

JOHAN 12:48

Âuzawng hawng ka duh lo hen, ka thusim tla lawmhlo nih chun, lâirêltu pakhat a nei asi. Ka thusim kha, kha nih khan, ni dawngh ni ah chun amah chu lâi a rêl lai.

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

1 KORIN 3:13

Krist a hawng langh Ni ah chun a langtir awt ruangah; chu Ni ah chun mei ngelchel nih mikip rianṭuan chu zei hâwi me asi a nik lai rawh.

PHILIPI 1:28

dotu tla zei leikâng khawm ah lâu lo hen nan um ti nan thâwngthâng ka theih kho lai, chu chu an rangah veihnâk asi ti theihtirnâk fiang tak asi, nannih rang lam chun ruangsuah ding nan si ti theihtirnâk fiang tak asi dauh, chu khawm chu Pathian lakah mi asi.

2 THESALONIKA 2:3

Âukhawm nih zeitin kâng khawm ah an perpet lah na seh, tlûknâk chu a hawng tlung masa ta hen, Dân Buartupa, tlâuveihtu fapa chu a hawng lang lo chun chu Ni chu a hawng tlung lai loh,

1 TIMOTHE 6:9

Sikhawmsele, neih tum mi tla chu lêmnâk tla ah, thang lakah, âtkâi leh râwkkhonâk duhnâk tam tak ah an tlû tâwn. Chubang duhnâk tla nih chun siatnâk leh râwknâk ah chun mi tla a piltir tâwn.

HEBRAI 12:29

kan Pathian hi mi khanghtu mei asi ruangah.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.

2 PETER 3:10

Sikhawmsele, Lalpa Ni chu mifîr hâwi hen a hawng tlung lai. Chu ni tla chun vân tla chu rihâu fâk tak hen a tlâu lai le, veih asi lai; tual leh a sungah mi tla chu a kâng lai.

2 PETER 3:12

Pathian Ni a tlung ding na ngâk liauah, thenhlimh tak hen Pathian sunhsak hen um rawh, chu Ni ah chun vân meialh hen a zawrtir lai le, vân thil tla chu linhnâk hen a zawrtir lai.

1 JOHAN 4:17

Zângfahnâk thiltum chu kan lakah siam rangtling hen a um rawh: lâirêl ding mi Ni lak khawm ah râlṭha tak hen kan um khonâk chu hi laikulh ah hin Jisu Krist nunchan hâwi put hen kan um ruangah asi.

JUD 1:7

Sodom leh Gomorah leh a kiangkam mi khua ah an um mi tla nih, vânmifial tla hâwi hen hurnâk leikâng thil ti hen kalsualtu tla chu fiang tak hen simh an si hâwi hen zungzâl mei lakah rêp an si mi kha theihkumza u.

THUPHUANG 17:11

Chun, sarâng a hawng um duak le, a um lo nawlh mi tak kha lal pariatnâk asi le, pasarih lakah pakhat kha a vei ding mi chu asi.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.

THUPHUANG 21:1

Chun, vân thar leh tual thar ka muh le, vân masa leh tual masa chu a vei rawh, tisumsumriat khawm a um lo rawh.