2 PETER 3:5 - Bawm Common Language Bible Version

⁵ Pathian thu hen tuan liau vân tla a hawng um le, tual khawm tî thawk hen siam asi.

2 PETER 3:5 ပူးပေါင်းရင်းမြစ်များ

GENESIS 1:6

“Tî ṭhentu ding hen boruak kâu tak hawng um sele, mun nih ah a dangtê hen um ding hen,” ti hen Pathian nih thu a pêk le, chu hâwi hen a hawng um rawh. Churawhchun, Pathian nih boruak a siam le, chu nih chun a tangah mi tî chu a tlûnah mi tî thawk hen a ṭhen rawh.

GENESIS 1:9

Churawhchun, Pathian nih, “Vândum tangah tî tla chu a pûm hep na seh, chun tlâng hawng lang seh,” ti hen thu a pêk le, chu hâwi hen a hawng um.

SAM 136:6

Tî thûk tak tlûnah tual a siam le, a dâwtnâk chu zungzâl asi.

SAM 24:2

Tual chu tî thûk tak rangah chun a siam le, a lungphûm chu tisumsumriat tawdeng ah a siah.

SAM 33:6

LALPA nih a thupêk hen vân chu a siam le; nî, thlâ leh ârfi tla chu a thu hen a siam.

THUFING LASUIBU 17:16

Mi mâwl rangah lasui sînnâk rangah tangka hêu chu zeikhawm ṭhatnâk a um lo. Midang hâwi hen theihthiamnâk a nei lo ruangah.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

KOLOSA 1:17

Krist chu zeizawng um lânah um mi rawh asi, amah lakah chun zeizawng munkhat dut hen a dîr.

HEBRAI 11:3

Lungnâk hen laikulh hi Pathian thu hen siam asi rawh ti kan theih, chun thil muh kho mi tla chu muh kho lo thawk hen siam asi.